دنيا : اني دوبت من الشمس
قمر: اني احرف منك
: موتت من الجوع بس
سارة: بابا اهو الكفي ديما ناخدو منه
درس احمد السيارة شني ياسارة عصير عادي ولا فرش
دنيا: كولنا فرش بابا كوكتيل الا وقار مانجا
احمد: تمام نزل وهوا قاعد قلبه غام اعليه ومضيق طلب من
المقهى وجابلهم البريوش مع العصير
طبعا بتقولو سيارة كيف سدت عندهم سيارة عائلية يعني
في كراسي من الخلف وعنده سيارة سامسنج يطلع فها لما يمشي للخدمه
دنيا: ماما اعطيني تالفونك خلي نبعت منه جني ونشترك بانت
وقار: دنيا اسكتي خلي نتمرقد
دنيا: تلفتت القت وقار متكيه ع رجل سارة وراقده وكدالك ساره
في سابع حلمه وقمر حتى هيا كيف بدي ينعس فها النوم كانت
مسافه ساعتين الطريق من المدينه يلي هما فها الى طرابلس
دنيا: نوضي انتي وياها قريب نوصلو لي طرابلس
وقار:فتحت اعيونها اي صح نوضي ياسارة
سارة: شن في خيركم
قمر: امم تتكسل قريب نوصلو
سارة: باهي 5 دقايق بس ونضوني
دنيا: ارقدي 😪
درس احمد قدام الحوش
وقار: هيا انتي وياها وصلنا
نزلو وبدو يطقو ع الباب
ميساء: وليدي جي وليدي جي وناضت خدت عكوزها وتمشي بيه فتحت الباب ولييدي تووحشتك ياوليدي توحشتك وحضناته احمد: حتي اني ياايما واللهي
حليمه: كيف حالك ياللاي
ميساء: طلقت احمد اهلين بنيتي اهلين وحضنتها وتبوس فها وبعدها كملت سلمت ع البنات ودخلتهم
ميساء:كيف حالكم يابنياتي
دنيا&قمر&وقار&سارة: الحمدلله حنينه كويسين
قمر: كيف حالك انتي وكيف حال صحتك
ميساء:الحمدلله بنيتي كبرتي ياسارة مشاء الله
سارة: ☺️ سلمك حنينه
ميساء: ياحناان يااحنااان عمك وبناته جو
عند حنان تحديدا في الدار: اهم جو خلي ننزلهم نسلم مابينه طابت الكيكه
نزلت وسلمت اعليهم ولما وصلت في وقار مدت يدها ومشت قعمزت
حنان: كيف حالك ياعمو
احمد: الحمدلله يابنيتي كيف حالك انتي وشن قرايتك
حنان تقرا في معهد: الحمدلله اهو قريب الامتحنات
حليمه: باهي يابنيتي باتوفيق
حنان: تسلمي مرت عمو ☺️
ناضت ومشت للكوجينه بش توتي العصير
دنيا ناضت بش تساعدها
حنان: تلفتت شافت دنيا خاشه يامرحبا
دنيا: مرحبتين بيك
حنان: قعمزي
دنيا: خدت كرسي من جنب الطاوله وقعمزت ليك وحشه والله
أنت تقرأ
ماذا فعلت ياابي
Mystery / Thrillerرواية باللهجه الليبيه ومن وحي خيالي تحكي ع بنت كانت عايشه حياة طبيعيه وبعدها تنقلب حياتها وتعرف الحقيقه انشاء الله تعجبتكم ❤️
