غرام اولاد مراد (الرواية الأولى من سلسلة فرحتهم بلمتهم)

فرحتها وسخطه

كن الصياد أو كن الفريسه ولكن إياك أن تكون من يحضر الفريسة للصياد 😱🙀

في المشفى وبالتحديد في غرفة مصطفى

مصطفى : ناوي على إيه يا فهد

فهد : كل خير يا مصطفي أنا لازم امشي عندي حاجة مهمة هخلصها وارجعالكم

رعد : رايح فين يا فهد احنا خلصنا كل الصفقات مفيش حاجة تاني في الشغل

فهد : يا بني مش رايح الشركة ورايا كام حاجة بس لازم اخلصها ضروري وهرجع ليكم تاني مش مشكلة يعني

احمد : في ايه يا فهد ايه الحاجة المهمة دي من ساعة ما جالك الاتصال ده وانت عايز تمشي

اوعا يا فهد يكون عايز تعمل حاجة في ايه فهمنا انت رايح فين وليه مستعجل كده

فهد بمزاح : براحة يا عم آحمد ايه المحقق كونان كل دي اسئلة مكنش شوية شغل يعني

ولكن هذه المرة تكلم مصطفى فماذا سيقول......

مصطفى : لا يا فهد في حاجة وحاجة كبيرة كمان

متنساش يا فهد اني مش بس الكبير وابن عمك بس لا صحبك وعارف انت بتفكر في إيه

عايز تعمل اية وكمان عارف انت رايح فين

إذا كنت أنت الفهد متنساش اني الصقر يا كبير انت رجالتك مسكت اللي ضرب عليا النار

وكمان طلبت انهم يحطوه تحت عينهم عشان لو فلت هتبقا فيها موتهم

لا وكمان عايز تروح المستودع اللي جنب الشركة اللي الحارس بتاعك فيه ومعاه الراجل

وعشان انت الفهد ومبتسبش حقك عايز تعرف مين اللي ليه مصلحة انه يضربني بالنار

لا مش كده وبس انت يا فهد انت جعان وجعان اوي كمان لدرجة انك بمجرد ما هتعرف مين اللي ورا ده كله هتقتل الراجل ده

وتلطخ ايدك بالدم وتضيع نفسك ومستقبلك

وجاء فهد ليتكلم ولكن قاطعه صوت مصطفى وهو يكمل كلامه

مصطفى مكملاََ كلامه : بس انا مستحيل اخليك تعمل اللي بيدور في رأسك خلاص انا عايش والحمدلله

قدر الله ما شاء الله فعل وانسى انك تعمل اللي في بالك وتقتله انت مش عيل سرسجي ولا قتال قتلة

انت فهد مراد عارف يعني ايه انت الفهد اللي عارف ربنا ومبيعملش حاجة

تغضبه ليه بقا تقتله أو حتى تفكر إنك تعمل كده

فوق يا صحبي انت فعلا لو الفهد وعايز تعمل كده محدش هيقدر يمنعك بس انا هقف في وشك وامنعك

واظن اني كلمتي هي اللي بتمشي ومحدش يقدر يكسرها

كل ذلك ومصطفى يتفوه بكلماته وكلا من رعد واحمد فاتحين افواهم من كثرة الصدمات