صمود

هُروبٌ

سلامٌ على هضبات ِ العراق ِ     وشطـّـيه ِ والجُرف ِ والمنحى

محمد مهدي الجواهري

--------------------------------------------------------------

سجن ابو غريب 

الساعه 3:43 دقيقه صباحا

"سريع يلا مابقه شي بس نص متر وتكمل الحفره" تكلم غازي وهو شايل جهاز لحفر الارض يستخدم بالعاده  ,"يلا لازم قبل 4 الصبح نكمل" اكمل كلامه غازي وهو يكمل حفر  وصراع يشيل مخلفات الحفر من الصخور اما شهاب فكان ماسك السلك الكهربائي الموصل للجهاز

" كملت!" صرخ غازي واقترب منه شهاب وهو يشوف ان هالفتحه صارت مطله على الاسوار الخارجيه للسجن ," هسه يمته الهروب؟" تسال صراع

غازي:"باجر الساعه ب1 باليل"  ,"ليش ,خليه اليوم" تكلم صراع بنرفزة ورد عليه غازي"هسه شويه وتطلع السمش فد ساعتين ,هالشي ميفيدنه لازم وقت ليل نهرب  و اذا معلومات الي وصلتني صحيح واني الامريكان حيدخلون باجر ,فلازم نروح غير محافظه علمود مليزمونه"

همهم صراع ثم نفض عنه الغبار  ولحق شهاب الي فتح باب هالزنازنه والي ماكانت زنزانتهم وانما زنزانه تم هجرها لكونها رطبه وسهله الحفر فتم اخلائها  حتى لااحد يهرب من خلاله   

غازي الي اخفى هالفتحه من خلال وضع السرير بجوارها وتغطيته  ولحق الاثنين الي كانوا  امام باب زنزانتهم 

"يلا شهاب قبل الوقت بخمس دقايق تعال لهنا " كلم غازي شهاب والتفت يدخل بعد ما حصل الموافقه من شهاب الي اقفل باب الزنزانه وراح 

"زين من نهرب شحتسوي بيمان ؟ ناخذه؟"  كان هذا كلام صراع وهو يجلس على السرير ويدخن 

غازي:"لا حربي زين ثم اتركه" ,"تربي زين؟ حتقطع ايده او رجله؟" رد صراع وهو يضحك بسخريه على صديقه الي ماتغير ابدا 

"لا افكر بس اسلخ جلده " قال غازي وبعدها اكمل"باجر لتنام علمود نهرب بسرعه وميسمعونه ذولي"  لكن الي تلقاه هو نزول احدهم من سريره ووقوفه "للاسف سمعتكم ,طلعوني وياكم" تكلم جودت والي ماكان نايم وانما استمع لكل حديثهم 

صراع:"ليش تامرنه حضرتك؟" تكلم وهو يضحك  '"اخبر الحرس اذا مطلعتوني وياكم ,وانتم تدرون كلش زين اني اسويه" كان هذا كلام جودت وهو يستفز صراع 

وكالعاده صراع انسان مايقاوم اي لحضه يتم فيها استفزازه لحتى  يضرب جودت 

صراع:"تهددنه ابن الكحبه !"

غازي :"صراع اهدى! وانت ياجودت منهربك ويانه"  , الشي الي سوا جودت ماكان متوقع للشخصين الي امامه لانه وبكل هدوء اتجه ناحيه باب السجن ونادى احد الحراس وبالتاكيد وبدون تفكير كانت نيته يخبرهم عن عمليه الهروب