#عوالم_مختلفه 🌸
#الحلقه 10اسفه ع التاخير بس كملت عندي الباقه و توا كيف عبيت نزلت ع طول ، و اليوم جمعه مافيش حلقه ♥️🌸
____________________________خش للمكان بكل هيبته و وراه عدد من رجالته ، صبى ف الوسط و شاف للي طايح ع الكنبه و يشوفلع بعدم اهتمام ، شير بيده للحراس
عيسى.. بجمود ، دورو عليها في كل مكاانفي ثواني انتشرو رجالته في كل مكان بينما الثاني قاعد مقمعز و يشوفله ببرود ، عشر دقايق و كان الحوش كلا مقلوب ردو ل عيسى و تقدم سليم و قال
سليم.. مش موجودهقدم عيسى ع سيف بس جا قدامه يزن يلي مسكه ، شاف عيسى ليزن برفعه حاجب
يزن.. عيسى ماتصرفش تصرف تندم عليه
عيسى.. هز راسه ببرود ، بنربيه بس
يزن.. بدون نقطة دم و شاف للسلاححط عيسى لسلاح في يد يزن و يزن بعد و صبى ع جنب ، قرب عيسى من سيف و ابتسم ع جنب و قبل مايتكلم سيف ضربه عيسى بوني ، حط سيف يده ع خشمه وشاف لعيسى ، اما عيسى شاف ليده و مزال مسكرها و ضحك بهزوه ورد ضربه اخرى ومسك سيف من دبشه
عيسى.. يضغط ع سنونه ، ووينننهااا
سيف.. غمض عيونه ورد فتحهن ، طلعتصباه من دبشه و رد ضربه اخرى ، طاح سيف تحت بدون مقاومه و الحار مصبين يشوفله بشفقه ، رد عيسى يضرب فيه اخرى و كانه يحط كل يلي فيه في سيف لكن سيف ما حاولش ان يقاوم ابدا و كان يبي ياخذ عقابه على غبائه لما حب ميليسا ، صبى عيسى وهوا ويمسح في دم سيف يلي ع يده و يشوفله كيف طايح
اما سيف استند بيديه و قمعز وهوا و ياخذ في نفس و يكح بقوه في دم ، مسح فمه بدون اهتمام و شاف لعيسى
سيف.. ماكنتش حنقرب عليها لو مازالت مراتكابتسم عيسى بهزوه عليه وهوا و يرفع في أكماامه ، و شافله بدون اهتمام
عيسى.. ماكنتش نحساب انك ضعيف لدرجه ، و كمل كلامه بجمود مزلنا ف الاول
سيف.. شافله و كانت نظرت الندم في عيونه ، مش حنكرر غلط الماضي و نعض اليد يلي انمدت لولديعقد عيسى حواجبه من كلاامه و كذلك يزن يلي شاف لعيسى ب استغراب و بعدين شاف ل سيف ، صبى سيف بصعوبه وهوا ويحاول يتماسك بسبب ضربات عيسى و شافله و بجديه
سيف.. مراد يكون ولديصدمه خذت ملامح عيسى و يزن يلي شافو لبعضهم بصمت و استغراب كبير ، كمل سيف كلامه بضعف وهوا و منزل راسه
سيف.. حتى انا ماعرفتش ان عندي عيل الا امسهنا ناض عيسى من صدمته و قال بهزوه
عيسى.. يلي هوا ولدي مراد ؟ ، هز سيف راسه بصمت وهنا معش تحمل عيسى برم ع واحد من حراسه و خذا المسدس بسرعه ووجه ع سيف و فالحظه هذي قرب يزن بسرعه و مسك المسدس من يده
يزن.. عيسى مش هكي اهدا
عيسى.. بعصبيه ، كيف تبيني نهداا و انا نسمع فيه يحكي هكي يزن حول من قداميكان سيف يشوفله بصمت لكن قرر ان يحكي كل شي و مش حيهتم ب ميليسا و لا شن حيصيرلها بعد ما دارت فيه هكي لانها تستااهل كل يلي حيصير فيها ، بدا يحكي فالي صار من 20 سنه بدون ماينقص حرف بينما الثنين يسمعو تحت تاثير صدمه كبيره
أنت تقرأ
عوالم مختلفة
Spiritualإحدى كاتباتنا الجدد في قروب جميع روايات تستحق متابعة ويمو تلقت عدد كبير من القبول