بقلم الرائعه / اماني المغربي
زياد بعدم استيعاب .. اومال بتحبها ازاي ؟؟
ليبتلع محمد ريقه .. بحبها حب الحبيب لحبيبته
زياد بصدمه .. انت اكيد شارب حاجه انت مستوعب انت بتقول ايه
محمد بألم .. عارف و عارف كمان أنه غلط بس مش بإيدي انا وعيت لقيت نفسي بحبها كنت ف الأول بحسبه عادي اختي فبحبها بس كل م اكبر اعرف اني عمري م حبتها ك أخت بل حبيتها حب الراجل للست لتدمع عينيه و تتساقط دموعه .. حاولت والله كتير اني اوقف حبي ليها بس مقدرتش و لا عرفت ٧ي بقت ادمان بالنسبالي انا سافرت و بعدت عن أهلي و صحابي عشان ابطل أحبها بس للاسف عشقتها أكتر ليبكي ليحتضنه زياد
زياد .. انا مش عارف اتصرف ازاي في الموقف ده اضربك لحد م تفوق و لا اواسيك على حاجه مستحيل تكون ليك
محمد .. ااااااااااااااااااااه مبقتش قادر استحمل انا والله كنت بعمل المستحيل عشان ابعد حبها عن قلبي بس معرفتش انا كنت بحارب نفسي اني احضنها و اسم ريحتها برغم أن محدش هيعرف انا بعمل اي بس كنت عارف أنه هيكون حرام فكنت ببين ليها اني بكرهها عشان تبعد و متقربش لأنها لو قربت انا مش هقدر امنع نفسي عنها
زياد .. بس ده غلط انت سامع نفسك بتقول ايه انت عاشق لأختك عارف يعني ايه
ليقف محمد .. أيوة عارف عشان كده انا هسافر و مش هرجع تاني لاني مش هستحمل اشوفها مع راجل تاني
زياد .. و انت شايف أن الهروب هو ده الحل
ليتنهد محمد .. مش قدامي غيره لأنها لو متجوزتش النهارده هتتجوز بكره و انا مش هقدر استحمل إذا انا بولع من جوه لما أحمد بيقرب منها و هو اخوها شوف بقى لما تتجوز و تجيب جوزها و يزورونا يبقى بكتب شهادة وفاتي بإيدي
....................
الام .. يا اهلا وسهلا يا بني اتفضل امال اهلك مجوش معاك ليه
يوسف .. ملهوش لزوم وجودهم حاليا يا مدام رحمه
لتبتسم الام مجامله .. طب اتفضل يابني البيت بيتك
الام لأحمد .. روح اتصل ب محمد شوفه مجاش ليه لحد دلوقتي
أحمد بهمس .. ده على اساس البيه جايب حد كبير نكلمه
لتنظر له الام بحده ليغادر احمد
الام ليوسف .. معلش يابني مش هقدر نتكلم في حاجه غير لما اخوها الكبير يكون موجود
يوسف برزانه .. ملهوش داعي يكون موجود لأني محتاج اتكلم انا و انتي على انفراد
الام .. اتفضل يابني بقينا لوحدنا
..................
بعد لحظات يتجمع الكل عند باب الغرفه حول الام
الام بغضب .. انت بتقول ايه اتفضل اطلع بره
أحمد .. فيه اي يا ماما حصل ايه ؟!
يوسف ببرود .. انا قولت اللي عندي لحضرتك و ياريت نحل الموضوع بينا بدل ما يوصل لمحاكم و ده مش لصالحكوا خالص
الام بعصبيه .. اطلع بررررره و مش عاوزه اشوف وشك هنا تاني بررررره
محمد .. هو ايه اللي بيحصل هنا
لينظر ليوسف .. الحيوان ده عملك ايه ؟؟
لينظر لهم يوسف ببرود و يلبس نظارته .. وقد أعذر من أنذر تشاو اشوفك بعد اسبوع
الام بانهيار .. اتصلولي على ابوكوا بسرعه
محمد .. فيه ايه بس يا ماما الحيوان ده قالك ايه خالاكي منهاره كده
الام بزعيق .. قولت ليكوا حد فيكوا يتصل على ابوكوا يخليه ينزل فورا
لتتركهم و تدخل غرفتها
محمد للكل .. هو ايه اللي حصل ؟!!
أحمد .. علمنا علمك
...................
الاب .. فيه ايه يا رحمه جيباني على ملى وشي كده ليه حتى مش راضيه تقولي ايه اللي حصل ف التلفون
الام .. مصيبه و حلت فوق راسنا يا امجد
الاب .. مصيبة ايه كفله الشر
الام .. أهل برائة عرفوا مكانها
الاب بصدمه .. انتي بتقولي ايه و عرفوا ازاي ده محدش غيري انا و نتي اللي يعرف انها مش بنتنا
الام بعياط .. معرفش معرفش انا اتفجأت بشاب اللي كان متقدم ليها بيقول
Flash Back
الام .. خير يابني عاوزني ليه
يوسف .. خير ان شاء الله يا مدام رحمه كل الحكايه اني جاي اخد الامانه لصحابها
الام .. معلش يابني وضح أمانة ايه و صحاب ايه انا مش فاهمه حاجه
ليضع يوسف رجل على رجل و يتحدث ببرود .. برائه يا مدام رحمه أن الاوان ترجع لأهلها
لتهب الام واقفه بتوتر .. انت بتخرف بتقول ايه برائه بنتي انا
ليقف ببرود .. مش هنتضحك على بعض انا و انتي عارفين انها مش بنتك بصراحه مش عارف هي ازاي وصلت ليكوا بس مش مهم المهم انها مش بنتك
الام بغضب .. اطلع بره بره
يوسف .. هطلع بس المره الجايه مش هطلع لوحدي هاخدها معايا ياريت تحطي عقلك ف راسك تعرفي خلاصك مش انتوا بتقولوا كده برضو لما تحاولوا تفهموا حد
End Flash Back
الاب .. طب اهدي كده العياط مش هيحل حاجه خليني افكر
الام بانهيار .. ده اداني مدة أسبوع عشان اقولها أنه هيجي و ياخدها
الاب بعصبيه .. هو مفكر أنها سايبه
لم يكد أن يكمل كلامه
الام .. استر يارب ايه الدوشه اللي بره ديهه يالهوي ليكونوا هما
الاب .. اهدي كده و البسي هدومك و خدي العيال و ادخلوا الأوضة
......................
هند .. انت لتتابع بغضب .. انت ايه اللي جابك هنا مش كفايه اللي حصل في البيت من ساعة ما شوفنا وشك العكر
يوسف ببرود و هو ينزع النظاره .. ادخلي يا شاطرة ناديلي حد كبير اعرف اتكلم معاه مش هنقلبها حضانه احنا
لسه هترد محمد وقفها .. ادخلي انتي يا هند
محمد .. ممكن افهم ايه الكلام اللي قولته ل امي خلاها مش على بعضها طول الفتره اللي فاتت و ايه علاقتك بينا اصلا ؟!
يوسف .. الكلام ده تسأله لام حضرتك مش ليا
الاب .. ادخل يا محمد جوه مع اخواتك
محمد .. بس يا بابا
الاب .. محمد انا قولت كلمه ادخل عند اخواتك و متخليش حد يخرج غير لما انادي ليكوا
ليهز محمد رأسه و يدخل الغرفه مع الباقي
الاب .. اتفضل يابني البيت بيتك
يوسف .. شكرا يا أستاذ أمجد أخيرا حد في البيت ده بيفهم في الأصول
ليتضايق أمجد من كلامه .. ادخل يابني
...................
محمد في الغرفه بعصبيه .. ما انا لازم افهم الأستاذ اللي بره ده قالك ايه لما جه المره اللي فاتت خلاكي مش على بعضك كده غير كمان ابويا اللي نزلتيه من شغله فجأه و من ساعة ما جه و انتوا قاعدين بتتكلموا في اوضتكوا م تتكلمي فهمينا ايه اللي بيحصل هنا و ايه علاقة اللي بتربط بينك و بين الغريب
كل ذلك الوقت و هي تحتضن برائة و تبكي و الفتيات تحتضنها و يبكون
أحمد .. أهدى يا محمد انت مش شايف حالتها
محمد .. هما خلوا فيا عقل انا من اسبوع بحاول افهم اللي حصل و هي مش بتتكلم
...................
الاب .. برائة تعالي معايا
الام بهستيريا و هي تتشبث بها .. لاااااااااااا بنتي مش هتروح في حته انت فهمت هي بنتي انا انا اللي ربتها لتبكي بأنهيار .. محدش هياخدها مني انت فاهم هي بنتي انا
لينظر الجميع لبعض بعدم فهم
محمد .. هو ايه اللي بيحصل هنا
ليبعد أمجد رحمه عن برائة لتنهار الام من البكاء و تسندها بناتها
الاب .. تعالي يا برائة
ليمسك محمد يد برائة بتملك .. تيجي فين هي مش هتخرج من هنا الا لما نفهم ايه الموضوع
الاب .. محمد سيب ايد برائة
محمد بعصبيه .. مش هسيبك أيدها غير لما افهم انت واخدها و رايح فين و مين الغريب اللي بره
برائة برغم عدم فهمها اللي بيحصل و التوتر اللي حاصل في البيت بس اول ما محمد مسك أيدها حست بالأمان لاول مره تحس أنه بيحبها و بيخاف عليها
ليتنهد الاب .. خلاص تعالوا معاها كده كده جه الوقت اللي هتعرفوا فيه الحقيقه دلوقتي أو بعدين
رحمه بانهيار .. لا يا امجد بلاش تهد كل اللي بنيناه السنين اللي فاتت
أمجد بحزن .. معدش ينفع نخبي اكتر من كده يا رحمه السر مبقاش سر و لازم الكل يعرفه
بقلم الرائعه / اماني المغربي
ياترى ايه السر
رأيكوا ف البارت
