سمعت صوت ماما اصيح بسمي نزلت ركض
_ها رجعتو اشون صارت
_بعدين نحجي جيبي بطانيه ومخده
رحت ركض جبتلها وهيا بس حطت راسها نامت وكفت وصفنت عليها وجها اصفر صرت الوم بنفسي لوما صرخت جان ماصر بيها هيج طفيت الاضويه وطلعت على مطبخ امي جانت تسبح هاي عادتها بس اطب مستشفى لازم من ترجع تسبح نظفت المطبخ وحميت الاكل ماشوف الاطب عمو جبل علاليك محمل
_شنو هاي عمو ليش مكلف نفسك
_ماكو اي تكلفه وين يارا
_نايمه بغرفه الخطار
_وعمه وينها
_دتسبح
راح لغرفه الخطار واني كعدت اشيل بالعلاليك واعزل ماكو شي مجايبه الفاكهه والحوم اشتغل واخذني فكري اله هوا هم يحبني مثل ما اني احبه يارب اذا يحب غيري وميحبني يارب شيله من كلبي ماريد اتعذب
قطع صفنتي صوت عمو
_يمامه اتغدت يارا قبل لاتنام
_جا جيت معلاك بس حضري حتى اطلع اشوي
_اي عمو
ركضت طلعت المعلاك وغسلته وقطعته وحضرت كملت اجه اخذهم طلع للحوش يشوي
🍀🍀🍀🍀🍀🍀🍀🍀🍀
كعدت عل صوت ماما
_يارا ماما
فتحت عيني
_يلا ماما كعدي كافي نوم
عدلت نفسي لفيت شعري
_ها ماما شتحين
_احسن
_يعني مديشعوط
_لا الحمد لله ماما اريد اسبح
_يا ماما اخاف يجي مي يم الحرك
_ماتحمل باعي رجلي كلها معقمات وريحتي ديتول والمستشفى
_هسه تغدي واسبحج
سمعت صوت عمو يصيح الماما
_عمه وينج
_اي عمه جايه
_عمو لحد هسه هنا
جاوبتني امي هيا وتعدل الكوشات مال تخم
_اي وسوكلنا وجابلج علاجاتج
بقيت ساكته
راحت طلعت
دقايق واجت شايله الصينيه اني ميته من الجوع مصدكت اجه الاكل
خلتها عل طبله يمي باواعت شني هاي
_معلاك يمه يسند كلبج
_ماما شيلي شنو هذا استغفر الله
_لج ماما وجهج اصفر اكلي اعتبري علاج
_اني ميته من الجوع جايبتلي معلاك ماريد
