ورحنا البيت عمي اول من دخلت الصاله جانت عل كوشه
طبعا تبارك عمرها 23 سنه بطلت بالمتوسطه
شكلها عادي جدا
باوعتلها عيونها مرسومه حلوه بس حاطيلها مبيض وطالع عل سمارها ازرك مادري شونها البدله لونها وري غامق
رحنا نزعنا العبي وطلعنا وتبارك بس تخوزر بيه
راحت يمامه شغلت سجاده بعد كلبي وبده الهز جنت ناذره اركص ركص لان حخلص منها
ويمامه ويمار هم يركصون بس رحمه فقدت
حسناء كلش هادئه بالركص
رحت شغلت جنو نطو
والكل يكمز صارت تخبل بقينا لحد مااجه العريس لبسنا العبي وكعدنا
لبس الحلقات وقسم الكيك وكمل وطلع
بس طلع نزعنا العبي ورجعنا عل ردح الحد متعبنا واحذيتنا نزعناها
اكلنا ورجعنا دنمشي بالطريق ولد عمي جانو باب الحوش سلمو عل ماما
وجبل وكف يمي
كال
_ ركصتي
كتله
_ها
_ركصتي
لميت اصابيعي
وكتله
_ شويونه
_وهاي الشويونه عل تكمز لو عل شنو
فتحت عيني
_اني
_اي
_والله....
_من جان العريس موجود ركصتي
_لا والله لبست عباتي وشال وكعدت
_هاهي المهم اتونستي
حجيت ببتسامه عريضه
_اي
اندار يحاجي ماما
كاعدين باب الحوش والنراكيل ويحاجون امي وعمه خوله لزام جان يحاجي يمامه ماادري عل شنو
كتله
_ حبيبي
_همم
_اريد من اخذ بدلت الخطوبه انت وياي
_اي ايمته
_باجر
_حياتي اجليها باجر عدنا كعده
_كعدات لاتخلص ولاتنتهي
_والله حتى المركز مراح اروحله جدي كلي مشكله بين عشيرتين اشكبرها ولازم احضر
_اوفف
_ميخاله اجليها كم يوم افرغ نفسي يوم كامل الج
_اوك
_يلا طبي كافي
طيب الشارع
ضحك بقوه
