مجبور بحبك

الحلقه 6

رواية:مجبور بحبك

للكاتبة:عاشقة الرياح

الحلقة:6

.....
بعد العشاء خاش إبراهيم وفي ايده نور وكانت لبسه قفطان كبير متع عرياس ومصدقه روحها 😒

إبراهيم.تعالي سلمي علي أمي
نور بدلع.حاضر حبيبي
إبراهيم.ردي بلاك اديري الحركات هدين داخل فاهمه
نور حطت يدها على لحيته بدلع.وليش ياعمري انت حقي وحلالي
إبراهيم لف راسه وكانت سالمه في صاله نزلت راسها وخاشت بسرعة
إبراهيم بعصبية.ديري زي ماقوتلك وخلاص وهي فوتي قدامي
نور فاتت بخوف وهي سكته
....
سالمه خاشت لدار واضح عليها انه مخنوقه وبتبكي💔
سراج.خيرك شن فيه
وقبل ماترد سالمه خاش إبراهيم ونور
سراج تنهد وسكت
إبراهيم.سلام عليكم
الكل.وعليكم السلام
سند ناض يجري لي إبراهيم.بابا جبت العروسه صححح
إبراهيم رافعا وباس خده.ولدي البطل
سند همس لبراهيم.بابا العروس تخوف فيه دم فوق عينها
إبراهيم اضحك بصوت عالي ونزل سند.امشي لي امك سنودي خاشي سلمي

خاشت نور تسلم وسلمت على سراج وفاتت سالمه ولمه وصلت في فايزة.لاباس عمتي مريضه
فايزة قلبت اعيونها.لا مشلوله
نور انصدمت  وشبحت في إبراهيم
إبراهيم برق اعيونه متاع اسكتي
سالمه.عمتي بنمشي انرقد سند في الدار التانية وقت نومه
فايزة.امشي يابنتي ربي يحرسك
نور قلبت واجها وتتكلم بدلع.ابراهيم هيا نربكوا القفطان مديقني واااجد
سالمه رافعت ولدها وفاتت بس عينها جات في عين إبراهيم فم الباب وهمست ليه. مبروك💔
إبراهيم غمض اعيونه والكلمة نزلت زي السم على قلبه💔
سراج طلع ومش عجبه الجو بكل
نور شدات يد إبراهيم وبدلع.هيااا
إبراهيم متحشم من امه وسكت
فايزة بغضب.نوض نوض اركب شكلها امرتك مستعجله عليك بكل..وغطت رأسها بلبطنيه وتكلكفت

إبراهيم شدها من يدها وركبها فوق
وقربع الباب
إبراهيم بعصبية.ليش دراتي هكي
نور لفت ايدها على رقبته.وانا شن داريت
إبراهيم حول ايدها بعنف.لا حشاك مادراتي شي غير قشرتي واجهي وحشمتيني جانبهم..وفات عنها
نور قلبت اعيونها.سيورك جايني مشيت وله جيت
....
سند.ماما ليش العروس فوق عينها دم خوفتني🥺
سالمه.هههه لا حبيبي هذا مكياج وكل العريس يديرن فيه
سند.يعني لم كنتي عروس بابا دريته
سالمه سارحات في احدات عرسها
خالد بعصبية.انا قالت بتمشي معايا يعني بتمشي معايا هذي وحده حقيره خسارة فيها النفس قتلتة ولدي وهو مزل مشبح من الدنيا شي
سامي بعصبيه.انت كيف تصدق امراتك وتكاذب اختك يالي من لحمك ودمك وبعدين سالمه مستحيل تقتل حتي نمله تبيها أطياح امراتك
خالد بنهاير.يعني شنووو بتكون طايحات روحها بروحها وقتله ولدها ياعمي امراتي ماعد تقدر اتجيب افهمني  طلعها ليا خليني نقتلها ونشرب من دمها
خاش سراج و إبراهيم بسرعة
إبراهيم بعصبية.خير نهارك شن تبي
خالد.طلعلي اختي وخلني ننتلف
سامي.كانك حاسبها اختك راك متعمل فيها هكي نووض اطلع بره معندك حد هنا
خالد بعصبية.قالت طلعهاااااااا
سراج وابرهيم طلعوه بره
سامي.ابراهيم كلم الشيخ تو بتعقد عليها
إبراهيم انصدم. كيف ياسيدي بس أنا خاطب
سامي بعصبية.بدون ناقش كلمه وقالتها
سالمة في حضن فايزة وتبكي.يامي إبراهيم ميبني قولي لعمي ميغصبش
فايزة بحنيه.حتي لو كان تو ميبك سيورها الايام تبرم ويولي ليك ماتخافي