صدفه...
هلووو اسمي سارا عمري ٢٥ واني حاليا أملك أكثر من نص شركه عالميه لتصنيع الملابس ليش أكثر من نص وشلون هي الصدفه وتعب ايام وليالي
بيوم من حوالي سنه اجه صديق أبويه وجان يحجي البابا انه راح يسد شركته ربح منها فلوس هوايه وأسس حياته وهو حاليا جاي يصفي كلشي ويطلع حتى يستقر ويكضي الي باقي من عمره على يخت خاص بيه ويكمل وهو يفتر العالم بهل يخت مهم هو جان جاي حتى يودع أبويه وجان يكوله بقت بس هل شركه انتضر تعلن إفلاسها حتى ابيعها وأخذ الي بقى منها وخلص لأن جان ماله خلك يشتغل ويرجع يتعب بيها وأثناء مسمعت هل حجي اجت أبالي فكره انو ليش ما اني الي انقذ هل شركه صح اني خريجة وعندي غير شهاده بس عمرها شهادتي مجانت طموحي طول عمري جنت احلم بالبراند الخاص بيه صح اني ما اعرف ارسم وسوالف الخاصه بالتصميم بس طول عمري جان عندي موديلات حلوه أبالي ناقصها بس أحد يطبقها لهذا
وبسبب اني جنت طالعه من ارتباط فاشل اهلي جانو مصرين اني ارتبط بشخص جنت ممرتاحتله بس لمجرد شافوا زين خلص قفلو الا تاخذين هل شخص واني وبسبب ملحتهم قررت أوافق وأثناء فترة الخطوبه طلع هل شخص اختصاص انه يشوف بنات ويسوي تحديات عليهم على أنه يكدر يخلي اي بنيه محبس بيده والمهم كشفت هل شخص وحتى اهلي ميرجعون ويعيدون هل شي قررت اسوي نفسي متأثره وانو تعبانه فستغليت انهم ممكن يوافقون اروح لأي مكان واسوي اي شي بعد خيارهم الي فشل ويه هل شخص
المهم واني جيت على أبويه وكبرت السالفه براسه حجيتله اني اريد اروح وأكمل ولأن قنعته باصراري واني ممكن أنجح وافق وجان اتفاقي ويه صديق بابا اني اكون المديرة التنفيذية الهل شركه وخلال سنه راح ارجع هل شركه الصيتها وللحياة مالتها ويكون ثمن تعبي هو انو يتسجل ٤٠ بالميه من أسهم الشركه بأسمي ونصير شركاء بهل حاله اني راح اكمل بهل شركه واني شريكه نفس الوكت تجيله المدير أرباح و بنفس الوكت اني اكون كونت نفسي من أرباحها و بما اني شريكه وأكدر اكمل واشتري الشركه كلها وطبعا صديق بابا فرح كلش بما انو هل شركه جانت تعب عمره محب احد ياخذها وينزل سوكها فجانت صفقه مريحه بالنسبه إله وهو هيجي ارتاح وكال اني راح اكمل اجرئات سفري واطلع كلشي صار بيدج ريحتني
أنت تقرأ
حبة مشاعر 2
Romanceصدفه... خليك قوي وتمسك بايامك ولا تخليها تضيع منك والي هو الك ميصير الغيرك فلا تتعب وتشيل هم
