حبة مشاعر 2

صدفه...

جنت كلني حيويه ونشاط بعد الي صار ويايه ترى هم تأثرت يعني حاولت اصدك اني جنت غلطانه بإحساسي بهل ولد وبديت احب اتقرب منه حتى انو يصير علاقه حلوه ونكون متفاهمين قبل الزواج بس هم رجعت انكسرت مره لخ وتجربة خسرانه ثانيه لهذا جنت كلني حماس الهل تغير وهل فكره بالنهايه شغل جديد بإضافة انه حلمي الي احبه لهذا حضرت جنطتي ودعت اهلي وقررت سافر تركيا الي جانت مصدر امل وحياة جديده الي وصدفه أثناء شغلي واجتماعي بكل الموضفين الي جنت بالنسبه الهم مصدر عيشهم جانو كلهم راح يخسرون شغلهم ومصدر رزقهم الوحيد ويه هل شركه جان اجتماع ناجح درسنا بيه شنو أسباب فشل هل شركه وشنو النواقص
لازم بكل كولكشن جديد يطلع يكون إله مصور خاص بيه حتى نصور التصاميم وبستعمال عارضات خاصات حتى ندخل بمسابقات ممكن تخلي اسم الشركه احسن
لهذا اني اتصلت بعمو جهاد وكتله تكدر دزلي رققم المصور القديم  كالي انو جان يسرب كل تصميماتنه جان ينقلها الغير شركه لهذا خسرت الشركه لأن كل تصميم جنه نقدمه جان شي حلو نلكه مقدمين قبلنه ويفوزون بهل تصميم الي هي مالتنه واكتشفنه انو الخاين هو المصور طلبت منه يلكيلي مصور زين واني هم راح ابلش ادور مهم اني بلشت ويه الخياطين ورسامين التصاميم جانت عندي افكار كلش حلو للموسم الجديد الي هو الصيف وجان اكو مسابقة كلش حلوه بين الشركات الي هي تنضم عدة شركات وطبعا يكون انضمامهم على حسب آراء لجنه تشوف تصاميم الشركه ويختارون منهم افضل خمس تصاميم  لشركات مختلفه ويكملون المسابقه بكوليكشنات جديده هيجي راح ترجع سمعت الشركه بالربح بهيجي مسابقه  و الشركات  الي جانت مشتركه جبيره و ربحنه بهيج مسابقه راح يخلي اسم الشركه يرجع من جديد لهذا جنت كلني حماس الهل فكره فكرت انطيت خططي يوم اجتني ٤ تصاميم تخبل وكعدت اشرحهم الخياطين الشركه جان اكو عجز بسبب انو ما موجود المصور الخاص بهل شي بس مع هذا قررت اني اتعب شويه كضيت اسبوعين لين وصلت للتصميمات الي أبالي وكدرنا انزلها على الورق وبدينه نحاول نسوي اول فستان

طبعا والكل يعرف انو أكبر مشكله بالصيف بتركيا هي أزمة السكن بسبب السياحه تصير أزمة سكن كُلش جبيره كدرت اني اوفرلي بيت صغير يادوب يكفيني بكان راقي كلش واكدر على سعره جان بيت حلو كدرت اني ارتبه بطريقتي الخاصه لدرجة انه صار المكان الي يخليني ارتاح والي ينسيني كل همي كدرت اني أوفر بيه كل وسائل الراحه الي احبها وأولهم جان المرجوحه الي احبها الي تخليني اضحك من كل كلبي ولو شنو مجان مودي

المهم بقيت متواصله بعمو جهاد انه يلكالي المصور لأن بدونه شغلنه جاي يصير صعب كلش وجان لازم يكون شخص نوثق بيه حتى نستمر سوه المهم بيوم من الايام وبجو ممطر خابرني عمو جهاد وهو يكولي لكيتلج المصمم ولا تخافين هو ابن صديقي وابوج يعرف ابوه هم بس مشكلته مو لاكي مكان يكعد بيه انطيته عنوان بيتج خلي يبقى يمج لأن الأجواء مو ضابطه لحد ما يحاول يلكاله بيت اني وافقت من الفرح لأن هل شخص راح يحل هوايه مشاكل بحياتي مرتبطه بالشركه كلتله اوكي بس انت تعرف هل شخص تضمنه لأن شغلنه حساس وانت تعرف هل شي كلي اضمنه مثل ما اضمنج الولد حباب كلش ومجد بشغله هم وراح يساعدكم هوايه المهم وبسبب الاجواء أنسد التلفون بس خلص صار عندي علم وأثناء ما انتضر هل ولد
. قررت اني اسويلي فنجان نسكافيه يدفيني بهل أجواء واني احضرها اجاني شعور غريب شعور صار هوايه محاسه بيه فجأه كام يدك كلبي بسرعه وبدت نبضات كلبي يزيدون ياااااااي هل شعور راح من زمان صار مده محاسه بيه يا رب شهل شعور خلاني ارجع  لأيام جانت صعبه بالنسبه الي المهم حاولت إلهي روحي وإذ جرس الباب يندك اتذكرت انو الولد وصل رحت ركض افتح الباب لأن الأجواء بارده وأمطار صيفيه وإذ اشوف واحد منطيني ضهره ولابس قبعة البلوز برأسه حتى تحميه من المطر وإذ يندار وينزعها.....