مهم سامي ما قبل الهزيمه ولا استسلم ضل يحاول يخرب الشركه بأي طريقه مهم اجه اليوم الي لكه بيه خطه انه يحرك المعمل لمن مكدر يوصل للتصاميم الجديده الي جانت سارا حريصه على انو محد ياخذها أو يعرف عنها شي لهذا اجته فكره خبيثه بأنه يخلي هل شركه تلتهي بغير شي باليوم الي جان بيه لود كلش والكل طلع الا سارا وطارق الي قرروا يبقون حتى يخلصون التصاميم وهنا نزلت ساره للمستودع الي جانت ضامه بيه تصاميمها السريه وهي جاي تنزل جان الدخان مالي المستودع واكو نار والمشكله انو الي حرك المستودع انتضر تدخل حتى يسد الباب عليها وهي من دخان ضلت دك الباب ومحد يسمعها طارق انتبه الغيابها واستغرب انها تأخرت ومن وصل للدرج علمود ينزل للمستودع شاف دخان وهنا هو ركض نزل بسرعه حاول يفتح الباب مكدر لأنه جان مقفول ضل يصيح. على سارا بس هي مترد جان يجيب المطفأ ويكسر بيها قفل الباب وهنا طلعت نار قويه من باب المستودع ضل يحاول يفوت لحد ما قرر انه ينزع قميصه يخليه بالمي خلاه على خشمه وطب بنص النار والدخان يدور على سارا وجان يشوف سارا من بعيد واكعه وايدها ورجالها محروكين هو ركض عليها كبل بس هو بهل لحضه خلص الأوكسجين الي عنده فشال سارا وركض بيها للباب راد بس يوصل الباب وهنا هو من طلع للباب كبل وكع لأن جان مخلص اوكسجين استلموهم الحراس الي خابروا الإسعاف والاطفائيه صح جان سامي فاقد الوعي بس فاتح عينه وجانت عينه وكلبه كلها يم سارا الي جانت بلا نفس وتقريبا ميته من اجو الاسعافين وجانو جاي يحاولون يخللولها اوكسجين ويسولها جهاز الصاعق جانت ميته هو خلوله اوكسجين وجان جاي تنزل الدموع من عينه عليها وضل رغم أنه تعبان ومجاي يفهم شي الا انه جان يدعي ميصير لها شي وقدم ايده ولزم ايدها قوي ويه آخر صعقه وجان يرجع نفسها
وبدت تكح وتختنك من الدخان الي دخل الجسمها وهنا اول مشافها رجعت للحياة وكأنه اطمن وكبل اغمه عليه ونقلوهم للمستشفى طارق كام بعد ساعتين لأنه ما تنفس الدخان هوايه بس سارا ضلت يومين غايبه عن الوعي بسبب كمية الدخان الي جانت شامته ضل طارق وياها ومخلاها ضل يجي كل ساعه يلزم ايدها ويضل يدعي انها ترجع بخير هنا هو حس بحبه الها حس هل مره لا انه ملازم يعوفها ويخليها تروح من ايده اتذكر آخر يوم الهم بالجامعه من أعلنت الحكومه عطله مفاجأه بسبب اوضاع البلد جان مقرر يحجي وياها ويشوف هي هم عدها شعور مثله بس مكدر بسبب الظروف كالعاده تردد خاف لا يخسرها ....
وبعد مراح يكدر يباوع عليها أو يبتسم اول ميشوفها الصبح مراح بعد يكدر يكوللها احبج اقصد صباح الخير الي جانت بالنسبه إله مثل كلمة احبج خاف يخسر كعداتها وحجيها وياه خاف يخسر سوالفها الحلوه ومن تجي تطلب منه شي خاف يخسر كل هل سوالف لو مقبلت بحبه وراها مراح يكدر يحس بكل هل شغلات وصارت عطله وبعدها مشافها وكل واحد بيهم مشى بطريق رجع للواقع وكال لا هل مره مراح اخسرج هل مره مراح اخلي شي يفرقنه اني احبج واحبج هوايه وهنا هو حط راسه على بطنها و بدت دموعه تنزل وكاللها احبج من يوم جنتي تتنرفزين وتتعصبين على اتفه الشغالات احبج من اليوم الي جنتي تفشلين بيه الناس لأنهم غلط احبج من يوم جنت اشوف ابتسامتج ويوكف كلبي من وراها احبج من كل كلبي وراح أضل احبج هي هنا ومن خله راسه على بطنها هي كعدت سمعت كل حجيه وجانت جاي تبتسم بس متكدر تحجي شي لأنها تعبانه بس هي خلت ايدها على راسه ومن كام وفرح بأنها كعدت ابتسمت وكلتله اني هم احبك المهم هنا جانت ايديها ورجليها محروكين لهذا جانو ساديهم بس الطبيب أمر بأنهم يطلعوها من المستشفى بعد ما استقرت حالتها
وهنا شالها طارق و وصلها للبيت خلاها بفراشها وكلها ممنوع تسوين شي ولا تكومين إلى أن تصيرين احسن وهنا بده يوكلها ويشربها يساعدها تكوم للحمام ومن تلبس جان يساعدها بكلشي ويمشط شعرها لحد مصارت احسن هنا سامي حس بالذنب صح جان يريد يخرب شغلهم بس نيته مجانت يأذي شخص لهذا هو هنا ضاج كلش وعاقب الي سوه بيها هيجي واجه وبيده ورد السارا وطلب منها تسامحه وكلها اني الشغل والطمع خلوني انسى انسانيتي اني اسف واتمنى تسامحيني وهي سامحته هنا اتفقوا يتنافسون بشرف وبكل جهد علمود المسابقه وصاروا زملاء عمل وبس وبعد ما تحسنت حالة سارا رجعت للدوام ورجعت تشتغل وتسوي كلشي وجانت هل أيام من أحسن شي بحياتها لأن جانت راح تخلص المسابقه وبده أكثر من عميل يتفق وياهم ورجعت شركتهم من اول وجديد الها سمعه حلوه وهنا جانت آخر شي بالمسابقة انو يسون عرض أزياء متكامل من سبع فساتين جانت مهمه صعبه وحضروا بيها أهم مشاهير البلد والمصممين جانت لحضه حلوه عاشتها سارا جانت جاي تشوف نجاحها بالمجال مالتها وبعد مقدمت العرض جانت خايفه كلش و وصل وكت إعلان النتايج الي الكل خاف منه وجانو متوترين وهنا جانت شركه( اماده مود) مقدمه من أحسن أنواع الفصالات وجانت هي الرابحه بالمرتبة الأولى وهنا وكف طارق وطلب ايدها كدام الكل وحب انه يكمل حياته وياها وتكون هي شريكة حياته
أنت تقرأ
حبة مشاعر 2
Storie d'amoreصدفه... خليك قوي وتمسك بايامك ولا تخليها تضيع منك والي هو الك ميصير الغيرك فلا تتعب وتشيل هم
