ابن خالتي والحب ❤️

البارت الاول ❤️(نضرات عاديه)

مثل ما كلت بلبدايه حياتنه حلوه وما بيه حزن بس بيوم الجمعه امي جانت بلبيت وابوي جان طالع يجيب اغراض للبيت و كملو ...

بابل الساعه 10:7 ص

فاطمه:(وهيه تنزل من الدرج) يمةة ليش ما تكعدوني من النوم من وكت مو قربت المدرسه واريد اقره(فاطمه متعوده كل سنه قبل لا تبدي المدرسه تقرا الكتب وخاصه السنه سادس)

ام فاطمه:- يعمري ما حبيت ازعجج واكعدج

مرتضى:-ديلا شلون راح تقره وتحصل معدل ميه

فاطمه:- انجب ولك ولله اجيك

مرتضى:- اولا روحي لمي كفشتج

فاطمه:-يمةة صيحي بي

ام فاطمه:- ولك عوفه شلون ويه عركاتكم يلا فطومتي روحي غسلي وتعالي تريكي وروحي ادرسي

فاطمه:- ماشي يروحي..غسلت وصعدت الغرفتي اجيب كتبي وادرس جوه اجاني مرتضى

مرتضى:- يلا ام كفشه امي تكول تعالي تريكي

فاطمه:- اي اجيت (مرتضى بقه واكف مكانه)
يلا ولي شكو واكف يجوز اريد ابدل

مرتضى:- منتضر البرنسيسه تنزل

فاطمه:-اهوووو ولله اجيك

مرتضى:-اي تعالي بس سمينه متكدرين تركضين وراي يل دبه دبهه ههههه

فاطمه:-اني دبه ولك تعاال (وركضت وراا)

مرتضى:-(نازل يركض ع درج)يمةةة الحكيلي يركض وراي الفييل هههه

فاطمه:- ولك ولله لعلمك اني دبه وفوكاها فيل

مرتضى:-(صااح يمةةة وطاح من الدرج ع رجله)ااخخخ يمةة وينجج(وطبعا يبجي ويصيح)

ام فاطمه:- يمةة وليدي شبيك شصاار

فاطمه:- ركضت ورا وصلت ولكيته طايح من الدرج ويبجي ويصيح،،هاا رضاوي شصاار حبيبي ولله ما ادريي شبيك شنو اليوجعك

ام فاطمه:- يمةة وليدي شصابك شنو اليوجعك

مرتضى:- رجلي يمةة رجليي

ام فاطمه:- ولج يمة كومي اتصلي ع ابوج يجي حتى ناخذ اخووج للمستشفى كوومي

فاطمه:- ركضت للغرفه اتصلت ع ابوي وكال شويه ويمكم امي حضرت نفسه وحضرت مرتضى وشويه واجه ابوي

ابو فاطمه:- بنيتي لا تخافين ما بي شي روحي لغرفتج وارتاحي،

ام فاطمه:- يمة بنيتي صارت صفره وما متريكه فطومتي اتريكي واتصلت ع خالتج تجي يمج

فاطمه:- حبابين من توصلون اتصلو عليه وطمنوني

ابو فاطمه:- بنيتي لا تخافين مرتضى قوي(لان مشاكله هواي والمدلل ويمكم العلم)

فاطمه:- اخذو امي وابوي مرتضى وراحو وبقيت ابجي وألوم بنفسي كله بسببي طاح وشويه واندكت الباب لبست شالي وطلعت فتحته،،

ام علاء:- هلا بنيتي شصاير شو امج ما فهمتني

فاطمه:- هلا بيج خاله فوتي واكلج

ام علاء:-يروحي،،فوتت يمةة علاء فوت

فاطمه:-فاتت خالتي وابنه وطببتهم للستقبال وسولفتلهم كلشي وابجي حضنتني خالتي ونمت بحضنه كعدت ع صوت خالتي الساعه ب1 ونص الضهر كالت اكعدي شويه ويجون اهلج واضن علاء طلع رحت لغرفتي سبحت وبدلت ونزلت جوه بلا شال وشعري مبلل اريد خالتي تمشطلي
(فاطمه وهيه تنزل من الدرج)خاله تكدرين تمشطيلي شفت علاء كاعد بلستقبال (الدرج بنص الستقبال )ركضت لغرفتي،،يربي شجابه هسه مو جان طالع عادي اصلا علاقتي بي مثل كل بنيه ويه ابن خالته ما بينه اي شي ...

علاء:-اتصلت خالتي ام فاطمه ع امي وكلتله تعالو لبيتنه يم فاطمه ف رحنه وصلنه دكت امي الباب طلعت فاطمه مبين جانت تبجي وعيونه وخشمه العنوني(يعني صغير)حمر،طبعا احنه نجيهم بين فترا وفترا المهم طببتنه للستقبال وحجتلنه كلشي وهيه تبجي وتنشغ(يعني تبجي وتسحب نفس) نامت بحضن امي واني كلت لامي طالع ويه اصدقائي اذا صار شي اتصلي عليه وطلعت رجعت تقريب ال2 الضهر كعدت بلستقبال وامي تسوي اكل بلمطبخ نزلت فاطمه مبين هستوه طالعه من الحمام وشعره مبلل عباله امي بلستقبال كالت خاله تكدرين تمشطيلي اول ما شافتني كمزت تركض ع درج لغرفته ،،

فاطمه:-مشطت شلون ما جان ولبست شالي ونزلت اساعد خالتي بلغده وره ربع ساعه هيج اجو اهلي
بس طالع عد مرتضى شلل نصفي الي هوه بس برجله وماكو علاج بلعراق اله يروح للهند ويعالجه،
بويةة كله بسببي كله صار بسببي اخوي ميكدر يمشي (تبجي وتلطم)

ام فاطمه :- يمة بنيتي ع كيفج نشاءلله يتعافه

ابو فاطمه:- بنيتي لا سوين هيج بنفسج اخوج ما بيشي وانشاءلله نروح للهند ونعالج ،

ام علاء:-الف الحمدلله والشكر هاي ولا غيره ونشاءلله وليدنه ويتعافه ويكوم

علاء:-صح اكو يحبون اخوهم وبشكل مو طبيعي بس ستغربت من فاطمه شلون تبجي ع اخوه شكله متعوده ع اخوهه هوااي ...

مرتضى:-شنقصتكم موتوني كلشي ما بية لا تخليون هسه اكوم اركصلكم چوبي

الكل:-ههههه

فاطمه:-مرن يومين امي وابوي حضرو الجوازات يرحون للهند لعلاج مرتضى واني ما اكدر اروح وياهم لان بعد كم يوم للمدرسه لهيج راح خالتي وعلاء يبقون يمي ع ما يرجعون اهلي،(امي اخذت اجازه من هاي السنه )ابوي كال لاعمامي واجو يمنه من الصبح لليل واني وخالتي وامي من المطبخ للستقبال وبنات عمي هم ساعدنه صار اليل راحو اعمامي وبقن رهام ومروه
وعلاء كاعد يم ابوي ومرتضى بلستقبال سوينه جاي وكعدنه اني وامي وخالتي والبنات بلستقبال،،

ابو فاطمه:- باجر الصبح انشاءالله احنه بلمطار
يتبع ...❤️

علقو وصوتو بليز ✌️❤️