ابن خالتي والحب ❤️

البارت الحادي عشر❤️(اول قبله)

فاطمه:-كعدت ثاني يوم متنشطه كمت غسلت وبدلت ولابسي وطبعا لبست الصدريه الي جابه علاء ونزلت اغني(الاغنيه كلمن وذوقه) واسوي ريوك فات خالي ،،

خالد:-صباح العسل شنو هل صوت الي يجنن من الصبح

فاطمه:-صباح العسل يعني عجبك صوتي لعد غني وياي بلكي صوتك حلو

خالد:-لالا كلشي ولا صوتي يخزي هههه

فاطمه:-هههه صدك خالو انت توصلني

خالد:-ليش مو خط

فاطمه:-لا السنه ما سجلت خط علاء يدزني بس اريد اليوم انت توصلني

خالد:-شنو متعاركين

فاطمه:-لاا خالوو بس ردت انت توصلني

خالد:-ههههه فهمت ماشي

فاطمه:-نزلت خالتي وكملنه التحضير وكعدنه وفات علاء ومرتب روحه صاير يجنن شنقصه هيج كاشخ اكيد يشوف حبيبته قابل الي سلم علينه وكعد يتريك شتعلت بناري ترخصت وكمت

خالد:-ها فطوم وين

فاطمه:-خالو احضر نفسي لان راح اتأخر

خالد:-ع راحتج

علاء:-تعمدت ارتب روحي اليوم زياده
لبست 👇

طبيت للستقبال وفاطمه تتباوعلي صبحت عليهم وكعدت وشويه وكامت تحضر روحه ع أساس شويه ونزلت مكمله

فاطمه:-يلا خالو اروح

ام علاء:-يمة مو علاء يدزج عوفي خالج عده شغل

خالد:-لا اليوم اني ادز فطومه وباجر ع علاء

فاطمه:-ماشي يلا نطلع

خالد:-اي ع كيفج استاذه فاطمه ما راح اطير المدرسه،،اعرفه لان شافت علاء كاشخ وعلاء كالي ع كلشي يحسه تجاهه ويحبه وسوهه هاي الخطه حتى يعرف ردة فعله ...

فاطمه:-وصلني للمدرسه وراح طبيت سلمت ع صديقاتي واخذت ادروس يوم عادي صارت ب12 اجه خالو اخذني وصلنه للبيت ،

علاء:-طلعت كبل للكليه لكيت اصدقائي سلمت وكعدت يمهم ،،شباب الخطه نجحت وجاي اشوفه تغار

محمد:-يعني هم تحبك

جاسم:-الف مبروك اكول تضحك من الصبح