ابن خالتي والحب ❤️

البارت العاشر❤️(شنو تفسير غيرتي عليك)

فاطمه:-اذكرت كلشي وبجيت وحضنت خالي

خالد:-ولج فطوم خالو احجي قلقتيني

فاطمه:-حجيته عن موضوع ابن عمي حسن وشتاقيت لهلي وعركاتي ويه علاء

خالد:-اوف ياخالو جان دكيتي عليه وحجيتيلي
بس ما صار شي تاكدي كلشي ينحل وابن عمج ما يجبرج ع شي اكيد واني اسندج يعمري زين ما كلتلي ليش علاء طلع معصب حسب كلام خالتج

فاطمه:-سئلني ليش تبجين وما كتله ضاج وطلع

خالد:-وهسه اسئلج بينكم شي او تحسين شي تجاهه وتأكدي اني وياج شما تكولين

فاطمه:-ما اعرف

خالد:-يعني ما متاكده من مشاعرج

فاطمه:-ايي

خالد:-هوه ما كالج شي

فاطمه:-لا ما كال

خالد:-لعد اخذي فترا استراحه وصفي بالج واعرفي گلبج وين يروح

فاطمه:-ماشي خالو

خالد:-شنو وين خبالاتج

فاطمه:-ههههه مو هيه من وره خبالاتي راحت رجل اخوي

خالد:-لا نشاءلله ما بي شي كل فترا اعرف اخباره من امج وابوج

فاطمه:-خالوو

خالد:-يروحه لخالج

فاطمه:-وانت ما حبيت

خالد:-لا بعدني يلا اروح اتصل ع علاء اشوفه وين ما وين

فاطمه:-ماشي خالو

خالد:-محتاجه شي تردين شي منا منا

فاطمه:-لا خالو سلامتك

خالد:-اعرفه عده احساس تجاهه بس لسا ما معترفه لروحه نزلت من غرفتهه اتصلت ع علاء ما رد شويه وهوه اتصل وكال اني بيتنه شويه واجي كعدت يم ام علاء نشرب جاي وتحجيلي ع خبالات علاء وفاطمه(او بلاحرا يسون خطط حتى يجمعوهم)

فاطمه:-كمت ادرس لان ما اريد احس اي شي لا حب ولا كره لايي احد

علاء:-كعدت من النوم الساعه ب4 ونص كمت سبحت وبدلت وشسورت شعري واخذت التليفون شفت خالي متصل عليه هوااي اتصلت عليه وكتله اني بيتنه شويه واجيكم طلعت صعدت بلسياره ……

فاطمه:-جنت اقره اجتي خالتي يمي

ام علام:-ولج يمة عوفي الدراسه شويه عيونج راحن استراحي وارجعي كملي

فاطمه:-خاله اني مكمله بس اراجع لان المواد كله صعبه وباجر الصبح اروح(دروس مو متحانات قصده)

ام علاء:-الله يساعدكم يخاله يلا كومي اني وخالج جوه وشويه ويجي علاء حتى تنزلين ساعديني بلعشه

فاطمه:-ماشي خاله شويه واجي وراج

ام علاء:-اخذي راحتج بنيتي