وقفنا البارت اللى فات عند دخول طفلان يركضان إلي بيان ويحتضنوها
الطفلان : وحشتينا يامامى
بيان : وانتو كمان وحشتونى يا قلب مامى
كان الجميع في صدمة هل لها طفلان كيف يحدث هذا
بيان : عملتو ايه فى غيابى ياتوجى
ريتاج : انا معملتش حاجة يامامى عدى هو اللى ضرب ليو ومارك
بيان : ضربتهم ليه ياعدى
عدى بهدوء : بابى قالى إن أى حد يقرب ل اختك أو ل مامتك اضربه
بيان بعصبية : الكلام ده صح ياسيف
سيف ببرود : صح انا اللى قولتله كدة
بيان بغضب : انت غبى ياسيف ... انا عايزة أفهم انا عندي طفلين ولا تلاته فهمونييي
ريتاج بضحك : معلش يامامى أهدى شوية
عدى ببرود : أهدى يامامى لحسن يطقلك عرق ولا حاجة
أسر بضحك : الواد ده هيجيبلها جلطة ببروده
عدى ببرود : طالع ل خالى أسر
أسر بعصبية : انا بارد يابن الجزمة
عدى ببرود : الجزمة دى تبقى اختك ... مامى مين دول
بيان بتوتر : هاااه دددول .... قولي يا مليكة
مليكة بتوتر : ااااا دددددول ييييبقوو ... قول يا أسر
أسر بتوتر : ااااانا دددددول .... قوله ياسيف
سيف بتوتر : هوووو ييييعنى دددوول ييييعنى يبقووووو ييييعنى
ريتاج بعصبية : ايه كمية يعنى ديه يابابى ماتنجز وتقول
عدى ببرود : ريتاج تعالى معايا
بيان : راحين فين
عدى : هنخرج الجنينة شوية فهموهم احنا مين ونادولنا ... يلا يا ريتاج وانا هفهمك مين دول
خرجت ريتاج وراء عدى إلى الحديقة
مالك بعصبية : انا عايز أفهم مين دول وليه بيقولولك مامى وبيقولو ل سيف بابى
بيان بهدوء : أهدى شوية وانا هفهمكو .... الولد ده اسمه عدى الأمير والبنت اسمها ريتاج الامير ولاد تيم الأمير و ورد الغرباوي ودول صحابنا من الطفولة تيم كان بيحب ورد جدا وورد بردو كانت بتحبه واتجوزو وورد حملت فى توأم وكانت مبسوطة جدا هى وتيم وفى يوم ولادة عدى وريتاج كان تيم رجع الفيلا بتاعته يجيب حاجات لورد قبل ماتخش العمليات ولما دخل لقى ماجد أخوه مستنية وقتله لأنه كان بيحب ورد بس تيم اتجوزها بعد ما قتله هرب وانا كنت راحة مع تيم فى الوقت ده وشوفت اللى حصل بس ماجد مش شافنى لان تيم سبقنى ولما جيت ادخل لقيت ماجد وشوفت كل اللى حصل ولما ماجد هرب دخلت جوة لقيت تيم بيموت وقالى خلى بالك من ولادى دول أمانة فى رقبتك حافظى عليهم وقولى لوردتى انى بحبها اوى واتشاهد ومات اتصلت على أسر وجه خدنى وجهزنا اوراق الدفن علشان يتدفن فى مصر ورجعنا المستشفى لقينا ورد دخلت العمليات وبعد ساعتين خرجت الممرضة وادتنى انا وسيف الأطفال ونقلو ورد على العنايه المركزة وانا دخلتلها وقالتلى تيم قالك ايه يابيا حكيتلها كل حاجة حصلت قالتلى تيم قالها يابيا خلى بالك من ولادنا وادفنينى جمبه واتشاهدت وماتت ومن ساعتها انا وسيف اللى ربينا عدى وريتاج كنا ساعتها صغيرين بس قدرنا نربيهم والباقى بردو ساعدونا ..... وهى دى كل الحكاية
حمزة بذهول : انا حاسس انى فى فيلم
أدهم بحدة : أخرس مش وقت تفاهة
بيان بهدوء : مالك انا حكتلك كل حاجة ولازم تفهم انى مش هخلف بوعدى ل اخواتى وعدى وريتاج ولادى لو مهما حصل ومش هسيبهم ابدا
مالك : انا مطلبتش منك تسبيهم ولو انتى فكرتى تسبيهم انا اللى هقفلك .... حد يناديلهم علشان نتعرف عليهم
ديما : انا هجبهم
ذهبت ديما إلى الحديقة وبعد دقائق عادت بهم وكانت ريتاج تبكى بشدة فأسرعت بيان ومالك وسيف اليها
بيان بخضة : مالك ياتوجى بتعيطى ليه
ريتاج ببكاء : علشان انتى اتجوزتى عمو ده وهتسبينا انا وعدى
صدمت بيان من كلام ريتاج ولم تقدر على الكلام فقط نزلت دموعها
مالك بهدوء : بيان عمرها ماهتسبكو ياريتاج هو فى أم بتسيب ولادها
ريتاج وهى تمسح دموعها بطفولية : يعنى انت ياعمو مش هتخليها تسيبنا
مالك : لا طبعا مش هخليها تسيبكو ... وبعدين انتى عرفتى ازاى أنها اتجوزتنى
ريتاج : عدى هو اللى قالى
مالك : وانت عرفت ازاى ياعدى
عدى بهدوء : من توتر مامى وبابى وخالو أسر وخالتو مليكة لما سألت انتو مين ومن صدمتكو لما قولنا يامامى ومن نظراتك لينا
مالك بانبهار : واو انت ذكى جدا
عدى بثقة : انا عدى الأمير لازم ابقى ذكى
مالك بضحك : مغرور وانا متعودتش أن حد يتغر عليا
عدى : مش غرور دى ثقة ... وبعدين وسع كدة خلينى أتعرف على العيلة
وأخذ عدى يد ريتاج وذهبو
مالك بصدمة : بقى انا مالك الصياد الفسل ده يسبنى ويمشي
سيف بضحك : ولسة هو انت شوفت حاجة
بيان : تعالو نشوفهم
كان سيف سيمسك يد بيان ولكن مالك امسكها من خصرها بتملك وذهب ذهب سيف وراءهم وهو يضحك
♡♡♡♡♡♡♡♡♡♡♡♡♡
عند العائلة
سيا : كنتى بتعيطى ليه ياتوجى
ريتاج : مش مهم احنا جايين نتعرف على العيلة ... انا اسمى ريتاج تيم الأمير وعندى 10 سنين
عدى : وانا عدى تيم الأمير وعندى 10 سنين وأشار على كريمة مين بقى المزة دي
فضحكت كريمة
سليم بغيرة : ولا ملكش دعوة بمرتى
عدى بحزن مصطنع : هو انتى طلعتى متجوزة
سليم بغيرة : ايوة متجوزة وتبجى أم الشحط اللى هناك ده وام سجى كمان
مالك بصدمة : انا شحط
بيان بضحك : ههههههههه كبرت وبقيت شحط يامالك هههههههه
مالك بعصبية : اسكتى يابت شوية ماصدقتى ولا ايه
كتمت بيان ضحكها بصعوبة
عدى بصدمة مصطنعة : هو انتى مامتهم انا افتكرتك أخت جى جى الصغيرة
سليم بغيرة وعصبية : روح العب بعيد يالا انت جاى تعاكس مراتى قدامى
ريتاج : بس بقى احنا عايزين نتعرف على العيلة مش عايزين نعمل مشاكل ياعدى حضرتك مين يا اونكل
سليم : انا سليم الصياد والد مالك وسجى
ريتاج : وحضرتك مين
كريمة : انا كريمة أم سجى ومالك
ريتاج وهى تشير على عدنان : مين المز ده
عدنان بضحكة : انا عدنان الصياد جدهم
حمزة بمرح وهو يذهب إلى ريتاج : وانا حمزة الصياد ابن عم مالك 23 سنة وسنجل على فكرة
أدهم بمرح وذهب إلى ريتاج أيضا : وانا أدهم الصياد ابن عم مالك وحمزة 24 سنة وسنجل بردو
عدى بعصبية : انتو راحين تخطبو ابعدو عن اختى وأخذ ريتاج إلى حضنه
سيف بضحك : ياعم دول بيهزرو أهدى شوية
بيان بضحك : دى وراثة ومحدش يقدر يغيرها
مليكة بضحك : من شابه اباه فما ظلم
كريمة : يلا علشان تاكلو
بيان : طب برق مش هياكل
كريمة : وده بياكل ايه وانا اجبله
بيان : انا قولت ل مليكة تجيب اكله معاها ... فين الأكل يالوكا
مليكة : فى العربية
بيان : روح هاته ياأسر
أسر يتذمر : كل حاجة أسر أسر أسر اوووووف
بيان بتحذير وعصبية : روح هات الحاجة وبطل برطمة
ذهب أسر من امامها بسرعة فهو يعلم بيان عند الغضب
وعاد اسر بعد دقائق ومعه طعام برق وجلس الجميع يأكل وبعد الطعام ذهب الشباب إلى الحديقة وذهب الجد والأب إلى العمل
♡♡♡♡♡♡♡♡♡♡♡
فى الحديقة
بيان بملل : احنا هنفضل قاعدين زى المطلقين كدة لا شغلة ولا مشغلة
روفان : تعالو نلعب
ديما : نلعب ايه
سجى : الصراحة
مليكة : اشطا هاتو ازازة
سيا : اوكى انا هجيب
قامت سيا واحضرت ازازة ورجعت
سجى : يلا نلعب
بيان : يلا ياشباب
مالك بسخرية : لا كتر خيركو والله
أدهم بسخرية : هو احنا هنلعب معاكو لا مش مصدق نفسى بصراحة
مليكة باستغراب : انتو بتكلمو كدة ليه
حمزة بسخرية : لا ولا حاجة يدوب بس انتو قولتو هنلعب وحددتو اللعبة ولا خدتو رأينا وعايزينا نلعب معاكو لا كتر خيركو
سيا : بس احنا مقصدناش حاجة احنا متعودين بناخد رأى بعض و...
بيان مقاطعة : بس ياسيا يلا يابنات نروح اى مكان تانى
غادرت بيان ووراءها الفتيات
حمزة : هو احنا عكينا ولا ايه
سيف : انتو طينتو الدنيا خالص
مالك : طب نعمل ايه
أسر : انت بالذات تسكت خالص يعنى متجوز البت امبارح وتزعلها النهاردة
مالك : اعمل ايه العرق الصعيدى اشتغل ... قولى اصالحها ازاى
سيف : زى ما سامر بيصالحها
مالك : وانا اعرف الزفت ده بيصالحها ازاى
سيف : هاتلها شوكلاته وورد واعتذر وبوسها سامر كان بيصالحها كدة
مالك بعصبية : كان بيبوسها ازاى يعنى وانت اخوها المفروض متسمحش بده يحصل
أسر : ياعم انت فهمت ايه هو كان بيبوس ايدها بس مش اكتر
مالك بعصبية : بردو مالهوش الحق يبوس ايدها
أسر : بطل غيرة شوية
مالك بعصبية : يعنى عايز تقولى إن فى واحد بيبوس مراتى واسكت
أدهم : بااااااس احنا عايزين نصالحهم مش عايزين نتخانق احنا .... بقولك يامالك مازن هيجيب الورق كمان شوية
مالك : تمام تعالو نروح للبنات
الشباب : يلا
♡♡♡♡♡♡♡♡♡
عند الفتيات
كانو يلعبون ويضحكون إلى أن جاء الشباب وجلسو معهم
سيا ببرود : خير
أسر : عايزين نلعب معاكو
مليكة ببرود : مش احنا بناخد القرارات من غيركو عايزين ايه بقى
حمزة : احنا اسفين بس العرق الصعيدى اشتغل بقى معلش
بيان : خلاص يابنات طالما اعتذرو هنسامحهم بس متتعودوش على كدة
مالك : قلبى اللى بيسامح ياناس 😘
أسر : نحن هنا
مالك : دتك القرف عيل فصيل
سجى : يلا نلعب
وبدأو اللعب وجاء الدور على روفان وبيان
روفان بخبث : حبيتى كام مرة في حياتك
بيان : ولا مرة
روفان : بياااااان
بيان : مرة
روفان : بيااان
بيان : مرتين
روفان : بيبوووو
بيان : تلات مرات
روفان : بياااااا
بيان بتافف : خمس مرات ... استريحتى
روفان بابتسامة نصر : اه استريحت ... يلا نكمل
واكملو اللعب إلى أن قاطعهم دلوف شخص
الشخص : بقى كدة يامالك تتجوز من غير ماتعزمنى
بيان بهمس : الصوت ده انا عارفاه ممكن يكون وتوسعت عيناها بصدمة واردفت بهمس لا اكيد مش هو اكيد
مالك : معلش يامازن كل حاجة جت بسرعة
مازن : خلاص بس عرفنى على مراتك
التفتت بيان إلى مازن وصدمت مما رأته
بيان بصدمة : مازن
مازن بصدمة : بيان
أدهم : انتو تعرفو بعض
مازن ببسمة : طبعاً نعرف بعض ولا ايه يابيان
بيان بابتسامة : طبعا ... انا ومازن أصحاب من اعدادى
مازن : مليكة وحشتينى
مليكة بابتسامة : وانت كمان وحشتني يامازن
مازن : فين مراتك ياعم مالك
مالك وهو يحتضن بيان بتملك : ماهى ادامك اهى
مازن بصدمة : بيان هى مراتك
مالك ولازال يحتضن بيان : اه .... مالك مصدوم كدة ليه
مازن : أصل بيان كانت معارضة فكرة الجواز على العموم الف مبروك اتفضل الورق اهو يلا سلام
الجميع : سلام
أسر : يلا يابنات نمشى
بيان بحزن : هتمشو دلوقتى
سيا : متزعليش يابيا هنكلمك تانى بكرة
ديما : القمر ده ماينفعش يزعل اضحكى بقى
روفان : فكى كده وفرفشى
مليكة : ماتحولوش يابنات ده أثر الجواز ومش هيروح أبدا
ضحكت بيان على أختها وكلامها
سيف : يلا ياجدعان علشان نمشى هموت وانام
أسر : حد ينادى عدى وريتاج علشان نمشى
مالك وبيان : عدى وريتاج هيفضلو هنا
عدى وهو يدخل : لا يامامى احنا هنروح معاهم
بيان : عايزين تسيبونى ياعدى
عدى : احنا هنقعد معاهم كام يوم وبعدين هنيجى تانى
بيان : ليه ياعدى
عدى : علشان نشوف جدو مراد ونتعرف على العيلة وبعدين هنيجى
ريتاج : علشان خاطرى يامامى وافقى
بيان باستسلام : خلاص ياولاد زى مانتو عاوزين
ريتاج بفرحة : تعيش مامى تعيش مامى
سيف : يلا عاوز انااااام
بيان : غور يلا من هنا
سجى : سيف يلا من غير مطرود
سيف : بقى كدة ياسجى بتطردينى .... انا همشى قبل ما كرامتى تتبعتر اكتر من كدة
وخرج سيف ووراءه أسر والفتيات الذين يضحكون
سجى : بيبو
بيان : خير
سجى : تعالى معايا الجيم
مالك : لا معلش انا حاجز قبلك
وأخذ مالك بيان وذهب بسرعة
حمزة بضحك : مالك اتجنن
أدهم : يلا بينا على الشغل
حمزة : يلا ياخويا
وذهبا هما أيضا
سجى : كلهم مشيو وسابونى لوحدى اعمل ايه ..... انا هروح اتفرج على سبونج بوب
♡♡♡♡♡♡♡♡♡♡♡
فى غرفة مالك وبيان
دخل مالك وبيان إلى الغرفة
مالك : انتى تعرفى مازن منين
بيان : قولتلك كنا صحاب من اعدادى
مالك : ومقولتليش ليه
بيان : وانا اعرف منين انك تعرفه ...... أساسا احنا عرفنا بعض من اعدادى وفى ثانوى اختفى ومحدش عرف عنه حاجة وانا كنت نسيته اصلا
مالك : بس هو احنا هنقضى اليوم كله كلام عن مازن
بيان : هنعمل ايه بقى
مالك بخبث : ماتيجى نراجع على منهج امبارح
بيان بسرعة : انا راحة اخد دش
وجرت بسرعة إلى الحمام
مالك بصوت عالى : هتروحى فين هتخرجى هتخرجى
بعد دقائق
عند بيان أنهت حمامها جاءت ترتدى ملابسها تذكرت أنها لم تأخذ ملابس فلعنت غبائها ولفت الفوطة حول جسدها وفتحت الباب واخرجت راسها من الباب فلم تجد مالك فحمدت ربها انه غير موجود وخرجت
وعندما خرجت وجدت مالك يمسكها من خصرها
مالك بخبث : المرادى مش هتعرفى تهربى منى
بيان بخجل : مالك سبنى عايزة البس هدومى
مالك وهو يتحسس جسدها مت تحت الفوطة : طب هتغيرى ازاى وانتى حاطة الفوطة دى ماتشليها
بيان بخجل : بطل قلة أدب يامالك وسيبنى
مالك : هو فى أحلى من قلة الأدب .... احنا هنفضل واقفين كدة تعالى نقعد
جلس مالك على الاريكة واجلس بيان على رجله
بيان بخجل : مالك سيب......
قاطعها مالك وهو يقبلها بعشق وضعت بيان يديها على شعره وقربته منها وبعد دقائق فصل مالك القبلة لاحتيجهم للهواء ونزل إلى عنقها وأخذ يقبلها ويضع صك ملكيته عليها ويعود بعدها إلى شفتيها ويقبلها
مالك بتنفس سريع : كفايه نظرى تعالى نخش فى العملى
حملها مالك ووضعها على السرير ليسقطو فى بحور عشقهم
( وهنا تسكت شهرزاد عن الكلام المباح )
♡♡♡♡♡♡♡♡♡♡
فى الأسفل
مراد : فين مالك ياكريمة
كريمة : مالك وبيان فى اوضتهم
سجى : هما مش هينزلو بقى
كريمة بضحكة : لا مش نازلين مالك قالى ابعتلهم الأكل فوق علشان مش هينزلو تانى
سجى بحنق : اوووووف انا زهقت من القعدة لوحدى
صوت من خلفها : وتقعدى لوحدك ليه وانا موجودة يا جى جى
التفت الجميع لمصدر الصوت وصدمو مما رأوه
♡♡♡♡♡♡♡♡♡♡♡♡
ستووووووووووووووووب
اسفة على التأخير بس النت فصل وفضل يومين على ما اتصل وحاولت اعمل بارت طويل علشان اعوضكم
ثانيا ياجماعة والله العظيم زر الفوت مش بيعض
ثالثا مين اللى دخل؟
أنت تقرأ
تزوجت صعيدى
عاطفيةبنت جميلة عاشت عمرها كله فى أمريكا ورجعت مصر بعد ما اتخرجت من كلية الطب وعملت فى مستشفى عائلة صديقتها ولكن السعادة لا تدوم فماذا سيحصل ل هذه البريئة شاهد الصفحة الشخصية لـ To_The_SK على واتباد. https://www.wattpad.com/user/To_The_SK?utm_source=andr...
