خديجة: إيمان!!.
رويده: لا يا ماما دي مش إيمان، دي رتيل اللي بعتيني عشانها.
خديجة بدموع: نسخه من إيمان اللي يرحمها، تعالي يا حبيبتي في حضني يااه، كأن إيمان بجمالها بِرقتها معايا.
رتيل بدموع فلقد إشتاقت لإمها وهي تبادلها العناق: ماما وحشتني أوي.
خديجة: يا حبيبتي أنا دلوقتي ماما التانيه، تعالي يا حبيبي إتفضلي.
رتيل: شكرًا يا طنط.
خديجه: قلب طنط، دنا عملالم شوية أكل هتاكلي صوابعك وراه.
رويده بضحك: ماما فالأكل معندهاش تفاهم.
خديجة بإبتسامه: طبعًا، روحي يا رويده اقعدي مع مالك شويه عاوزه رتيل.
رويده: أسرار من دلوقتي، تشكري يا أمومه.
خديجة بضحك: العفش يختي.
-كانت رتيل تنظُر لهم بحب، فكم إشتاقت لذاك الجو العائلي، وكل شيء يُذكرها بوداليها؛ فلوهله كادت أن تسقط عبراتها-
-لاحظت خديجة ذالك، فأخذتها وأجلستها بجانبها ثم عانقتها وهي تربت على ظهرها في حُنو.-
خديجة بتأثر: وحشتك؟.
رتيل بدموع: أوي يا طنط.
خديجة: دموعك غاليه يا حبيبتي، تعرفي أنا كمان والدتي ماتت وأنا صغيره، كنت حاسه إن كل حاجه وقفت خلاص، وإني مش هقدر أعيش، تصدقي إني فكرت فالإنتحار حتى، بس وقتها ملقتش غير سجادة الصلاه أعيط عليها، حسيت إن ربنا بيطبطب على قلبي ويبقولي أصبري العوض جاي، وقتها أيقنت إني كنت مقصره في حقه أوي رغم إنه الوحيد اللي بيسمعني في كل الأوقات زعل فرح تعب هم، وعارف اللي في قلبي، عارف أسراري وشايفني وأنا بعصيه ورغم ده بيديني أكسجين وأنا بعصيه عشان أتنفس، ربنا عظيم أوي يا رتيل ويا بخت اللي يفهم ده.
رتيل بدموع: بس أنا تعبت أوي يا طنط، حاسه إني معدتش قادره أعيش حتى، الحِمل كبير أوي، أكبر ما تتصوري كمان.
خديجة:"لا يكُلف الله نفسًا إلى وِسعها".
رتيل: ونعم بالله.
خديجة: حبيبي تعرفي إن ربنا بيحبك؟.
رتيل: بجد!!.
خديجة: أيوه طبعًا بيحبك، ربنا لما بيحب حد بيبتليه عشان يشوف مدى صبره وقوة إيمانه، وفوق ده سابلك قمر صغنن، مفكرتيش في أختك لما تشوفك منهاره بالشكل ده هتحس هي بإيه وهي طفله اربع سنين، عوزاها تطلع معقده ومعندهاش ثقه في نفسها حتى جاوبيني.
رتيل: أكيد لأ طبعًا بس...
خديجة: مبسش إنتِ دلوقتي كل حاجه ليها، أختها وأهلها وصاحبتها وكل حاجه.
رتيل بإبتسامه: أنتِ جميلة أوي يا طنط أنا حبيتك.
خديجة بإبتسامه أكبر: يا عيون طنط إنتِ، قومي يلا مع البت رويده هاتو وتين عشان تاكل معانا هي كمان.
