- حل الصباح ومالك مازال على مقعده بجوار رتيل فقط صلى الفجر وظل بجوارها مره أخرى، وما إن فتح عيناه لم يجدها على سريرها، فظن إنها ربما إستيقظت، حتى لمح ورقه مكانها.
.........................
رويده بحزن: بس يا ماما هو ده كل اللي حصل امبارح.
خديجة بحزن: يا حبيبتي يا رتيل ربنا يكون في عونها.
رويده بتعجب: إي يا ماما دا إنتِ كنتي لسه إمبارح زعلانه منها.
خديجة بهدوء: رتيل دي بنتي..و بعدين منا أحيانًا بشد معاكي وبنزل من بعض، قومي نروح نطمن عليها.
رويده: عندك حق، يلا.
......................
مازن: صاحي.
سيف: اها انا فالشركه.
مازن: طب تعرف تجيلي؟.
سيف: في حاجه ولا إي.
مازن: لأ عاوزك.
سيف: طيب هشوف البشمهندش هيقولي اي، إدعي يوافق.
مازن: هيوافق بإذن الله، مستنيك في....
سيف: تمام، السلام عليكم.
مازن: وعليكم السلام ورحمة الله وبركاته.
.............ّّ.......
منار: يعني إنتَ دلوقتي هتتجوزها ولا لأ حيرتني.
سليم بغيظ: أومال أنا بتكلم في إي من الصبح.
منار: معلش خدني على قد عقلي.
سليم: عاوز اطلب إيدها بس في نفس الوقت مش وقته.
منار: بس، مفيش غير رتيل هتقدر تفتح الموضوع مع دكتور مالك.
سليم: وهي رتيل فيقالي يعني.
منار: لأ متقلقش هتبقى كويسه.
سليم: بإذن الله، هحاول أكلم مالك فالموضوع.
منار بضحك: ماشي يا عم وقعت اهه.
سليم: إخرسي يا زفته، دنا لسه شايفها إمبارح.
منار: ما ده اللي محيرني.
سليم: لا تحتاري ولا حاجه، أنا بس لما شوفتها حسيت براحه كده، كأني مش أول مره أشوفها، مع إنها منتقبه.
منار: اممم، ربنا يقدملك اللي فيه الخير يسطا.
سليم: يسطا!!، أنا فالسن ده ويتقالي يسطا.
منار: أها عادشي
سليم: يارررب.
-دلفت فريده عليهم وعلى وجهها قسمات القلق-.
سليم بقلق: في حاجه يا أمي ولا إي؟.
فريده بدموع: دكتور مالك إتصل بيسأل على رتيل بيقول إنها سابت البيت وسابت ورقه وقالت إنها تعبت وقررت تعيش لوحدها وأخدت وتين معاها.
