هلو حبايبي شلونكم انشالله زينين
زهراء : كلنه كاعدين ونطقت عسل
عسل : امير وين جنت كل هل مده
امير : احم احم وين صار الغده
زهراء : بشك تمام هسه يجي
ام امير : يمه تعال للغرفه مالتي
امير : اي يمه جاي
زهراء : راحو امير و ام امير للغرفه واني كلت لعسل عسل حبيبتي تعالي انصب الغده
عسل : وهيا صافنه تمام انتي روحي واني اجي وراج
زهراء : تمام رحت دا امشي وسمعت صوت امير يحجي طبعا اني مدا اتنصط بس سمعت كلمه خلتني واكفه بمكاني احس الدم وصل لراسي
ام امير : يمه يعني انت كول هل مده هناك وهيج متعذب
امير : يمه ما اريد حتى ابوي يعرف انو اني كل هل مده ميسريني
زهراء : ما انتبهت عله نفسي واني ابجي وشهكت بصوت قوي
امير : زهراء شبيج
زهراء : يعني كول هل مده وانت متعذب هيج
امير. : مصار شي هاي شوفي اني يمج ويم امي وبعد اسبوع نخطب
زهراء : ب دموع فرح الحمدلله
ام امير : شنو شبسرعه يمه
امير : لا يمه اني اريدها وهيا هم اذا نطول تصير مشاكل
ام امير : كول الهلا بزهراء وخوش بنيه اني من هسه موافقه
زهراء : بقهر واحس الكلمه تتطلع كومه منين تطلبوني اشو لا ام ولا اب ولا اخت ولا حتى عشيره تطلبوني منها
امير : اني اصيرلج ام واب و اخ و اخت وسند و كلشي بحياتي
زهراء : حبيبي ( يا رويلي اول مره اكوله لواحد )
ام امير : لا تنسون نفسكم ترا اني هنا
امير و زهراء : هههههههه
زهراء : رحت اصب اكل لہٰ امير وعسل صافنه كلتلها عسل عسل
عسل : ولله امير مو عله بعضه
زهراء : شلون يعني
عسل : اي ولله متشوفيه كل ساعه مغير الموضوع مالته
زهراء : حته لو حبيبتي جوز عنده سر 🤐
عسل : وشنو هاذه السر الخافي علينه ها اخاف متزوج
زهراء : لا عسل لا تضلمين امير وبعدين شنو متزوج لا سامح الله
عسل : انتي ضلي عله هاذه غباءج عود انتي دكتوره
زهراء : عسل شبيج انت اشو مو عله بعضج
عسل : كلشي مبيه انتي بس عوفيني بحالي وخلاص راح تاخذين شيخ وراح يسجل البيت باسمج وراح تتمتلكين كلشي افرحي حبيبتي
زهراء : عكدت حواجبي وكتلها شنو هل كلام شنو اني هنا جايه علمود الفلوس لو شنو
عسل : ها جا ليش اجيتي
زهراء : عسل كافي ترا مصختيها اني احبج وما اريد اجرحج ب كلام كافي
عسل : مثلن شنو تكولين ها
زهراء : واني جاي احجي وعسل ضربتني راشدي ضليت لازمه خدي وكتلها مع الاسف عليج
عسل : زهراء اتأذيتي
زهراء : وخري عني وخري
عله الصياح اجه امير و ام امير والكول اجه
امير : شكو شصار
زهراء: لا مصار شي
عسل : لا صار اني ضربت زهراء راشدي وهنته وكتلها انو هيا جايه علمود الفلوس
امير وكرار : انت شتحجين
امير : انتي شلون هيج تحجين ياها
زهراء : خلاص امير عسل بعدها صغيرها لا تحاسبها وهيا بعدها بحالت صدمه ممستوعبه جيتك
امير : يعني بعد كل هاذه الي سوته وتعذريها
زهراء: خلاص كلت عسل بعدها صغيره ومن وره عصبيتها هيج سوت
عسل : لا ولله مو وره عصبيتي انتي تستاهلين اكثر عود جاي تافعيلي لا حبيبتي ترا امير كلشي ميسوي هوا الي غاب سنتين مدري شكد شتوقعين منه
كرار : بصوت عاليه وغضب عسل كافي اشو انتي منتربايه
عسل : خلي التربيه الك عيني استاذ كرار
زهراء : امير جر عسل من شعرها وخذها للغرفه فرك ونسمع بس صوت صياح امير وعسل
زهراء : اني اترخص اضاهر وجودي ثكيل عليكم
ام امير : خاله مسحيها بوجهي
زهراء : لا خاله مصار شي بس اذا بعد تتحتاجون شي من الباب انطي
كرار : زهراء شهل حجي انتي بنته صرتي منه وبينه
زهراء : اني عشيرتي مرادتني انتم تريدوني وكمت اشهك صح كلام عسل الي يشوف بنيه مالها عائله عباله اخذ فلوسكم لا ولله مو علمود هل شي
احمد : شنو احنه مندري بيج زهراء انتي خوش بنيه ونعم التربيه بيج
زهراء : ميخالف اني اترخص
ام امير : الله وياج يمه
زهراء : رحت والدمعه بعيني رحت لبيت لكيت حلا نايمه وبصفها نفس نايمه بست نفس ورحت لغرفتي حته الشوز منزعته ونمت
امير : اخذت عسل فوك وهيا ولا سكتت اكتل بيها وتحجي وتعيط اخر شي ضربتها راشدي ( طبعا امير بس لازمها من شهرها وهيا تعيط ) سكتت
عسل : تضربني علمودها هاي
امير : لا مو علمودها علمود قلت التربيه الي عندج
عسل : امير اني تعبانه تعبانه تعرف يعني شنو
امير : تعبانه طلعين تعبج بينه هااا
عسل : اني اسفه ولله
امير : شنو اسفه انتي تعرفين شسويتي لو لا
عسل : تمام كلت اسفه ولله بعد شنو اسوي يله اني اعتذر وبعد ما اعيدها
امير : عسل طلعي بره اذا بقيتي هنا دقيقه محد ياخذج من ايدي
عسل : امير ولله اسفه
امير : طلعي بره
( الصراحه انقهرت عله عسل من تكول تعبانه بس مو هيج تسوي 😭💔-)
امير : نزلت جوه ادور عله زهراء بعيوني كلت لامي يمه وين البنيه
ام امير : يمه زهراء راحت وكالت اني بعد ما اجي و اني ثكيله عليكم
امير : هسه هيا وين
كرار : تلقاها راحت لبيتها
امير : وانته تندله
كرار : اي لان اني جنت اروحلها من انته ما موجود
امير : شتسوي يمها
كرار : ولله انت تفكيرك وين راح اشوفها شمحتاجه شبيك
امير : امشي وديني الها بسرعه
ام امير : يمه روحلها باجر انته هسه ارتاح
امير : لا يمه خطيه البنيه كلشي مسوت
ام امير : بكيفكم بعد
امير : رحنه اني كرار لبيت زهراء دكينه الباب
حلا : كعدت شفت زهراء نايمه ب شوز نزعته منها وغطيتها ونفس نايمه اندك الباب رحت شفته من العين السحريه امير هاذه شجابه
كرار : اوكفي يمكن عندي المفتاح ضليت ادور ب جيوبي ها لكيته نفسهاذه وخر خلي افتح الباب
حلا : ركضت عله غرفتي وقفلتها ورحت يم نفس اخاف طلع صوت
امير : وينها هاي جوز موجوده بله اوكف راح ادك عليه دكيت عليها والمبايل ب بيت
كرار : موجوده هنا لعد وينها
امير : اني ضليت ادك لحد ما رفعته
زهراء : اني نايمه ودك التلفون رفعت شفت امير يدك رفعته الو امير
امير : الو زهراء وين انتي
زهراء : ب بيت مالي ليش
امير : اني بيتج انتي وين
زهراء : بصوت عالي شنو كلت بكلبي خاف شاف حلا لا محجي وياي هيج بهدوء اذا شافها كتلها لا اني بغرفتي هسه اطلع طلعت واني ادور عله حلا ب عيوني ماكو الحمد لله بعدها نايمه كتلها اهلا امير هلو كرار شلون طبيتو
امير : كرار جان عنده نصخه من المفاتيح
زهراء : ها تعالو نحجي بره لان البيت فوضى
امير : بس مجاي اشوفه وصخ
كرار : اني اروح يله مع السلامه
زهراء و امير : الله وياك
زهراء : راح كرار واني ضليت بقلق اكول هسه تبجي نفس وفعلا ردت اكول لامير تعال اكعد و بجت نفس باوعلي امير بشك كال
امير : اول ما اجت زهراء وهيا مو عله بعضها عرفت اكو شي ردنه نكعد وبجت طفله كلت لازهراء منو موجود
زهراء : هاا بتلبك و خوف
البارت اليوم قصير عذروني ولله لان عندي دوام باجر فا نزلته لخاطر البنيه الي علقت عله الاعتذار ❤️
تحياتي : الكاتبه ... زهراء الموسوي
