Winter bear(Taennie)

💜Chapter-8💜

Taehyung pov:

Lu na bur in zingah chuan ka tho chhuak a, nizan khan ka lo lem hnem deuh ni ngei tur ani. Choka lam pan chuan ka kal a ka pa chuan newspaper chhiar chung hian green tea alo in a "Good morning dad" tih pahin ka pa chu ka kalpel a fridge a tui bottle chu la chhuak in ka in nghal khawlh khawlh a "Good morning, Jennie nen in inkar a that leh tawh thu ka lo hria a. I ti tha e ka fapa hetia itih hian Rose tan thil tha iti tih hria la chuan ka fapa inih chhunzawm thei bawk ang. I tana tha tur vekin engkim hi ka ti tih hria ang che" a tih chhunzawm nghal zat a.

A bula thut thlak ve pah chuan "Ka hria alawm chuan Rose nen kan inkar ah engmah a awm tawhlo tih ka hrilh duh che. Chuvang chuan Rose chungah engmah tilo la ka lawm hle ang" ka ti ve a ka in pet ruh nasa hle

"Ka thutiam ah chuan ka ding nghet thin tih i hriat kha, chuan nangpawh i thutiam a ding nghet turin ka duh che. Hmeichhe vanga buai hman ini lo, hmachhawp lian tak mai i nei a company pawh hi ita vek tur ani chuvang chuan ka thu i zawm ta hi inchhir lo la nakina i tana tha tur ani. Khanu kha i duh tih ka hriatthiam pui che mahse kan duh te apiang hi kan ta tur anni kherlo chuvang chuan nangpawn theihnghilh in hmalam pan ang che ngenna ani lo thupek anih chu" ati leh dap dap a hnuai lamah ka lo in hum ruh ngar ngar thung a tawng chu dam hle mahse ka tan erawh chuan ka thin zawna sah sawk sawk ai hian a nat dan chu a  danglam chuanglo. "Awle" ka ti sap a ka ding a ka room lam pan chuan ka kal ta deih a.

Ka thutluka hi ka tisual dawn em chu ka hrelo na a, Rose kalsan in Jennie, ka chhungte leh ka chanvo ka pa fapa ka nihna anga ka rochan ve tur te lam ah chuan ke ka pen ta chu ania. Ka pa hi kei ang mai mai tan a nek luih a han runluih chi zia zang anih loh bakah Jennie vang mai mai a ka ta ni sa ka chan hi ka phal awkawng lo ani. Rose erawh chu thlah mai a harsa hle a ruk a kan inkar hi kalpui zel ka la tum fan a he thil hi ka pa in a hriatchhuah hunah engtin nge min tih ang tih ka hrelo a. A thinrim in min tuithlar ngei pawh ka ring a chuan Rose leh a chhungte chungah pawh lawmthu a sawi mai mai ka ring hauhlo bawk mahse chu thil a takah em pawh la thlenglo vang erawh chuan ka hmangaih hi kalsan ka tum bau lo a tawp thlengin ka kaltlangpui ang tiin ka rilru ka siam nghet sauh sauh zawk ani.

Ka pa tih lungawi na awlsam ber chu Jennie laka that chhuah a a lawmna siamsak a kan inkar tih that hi a ni tih ka hria a chuvang chuan Jennie chu ka theihtawp in ka care chho tan ta ani. Ka pa nen kan inkar a khi siam a, Rose rilru tihnat sak fo tu Jennie hi ka thinlung zawng zawngin ka hua a. Ka chunga a thil tih ang hian hrehawm ka tuar tir ve dawn ani.

A hmasa berah chuan ka pa nen kan inkar siamthat ani a chumi ti tur chuan Jennie nen inzawmna nghet zawk siam a ngai a, kha zawng phiangsen-i kha ka tih lawm angai anihchu; chuan Rose chu ka kalsan der ta a, mi hmuhah kan awm dun ngailo ka pa hian khawi hmunah pawh mit a neih avangin kan fimkhur hle. Chung zawng zawng ka tihchhan chu ka hmangaih ka venhim a, ka rochan tur te kha ka chan theih nan ani bakah henu phiangsen vang hian ka chhungte nena in huat ka duh awzawng lo. Jennie hi ka neih duhloh chuan ka unaupa(ka pa u fapa) Kim Seokjin hnenah ka rochan ai te hi ka pa in pek a tum vangin ka duhloh ber thil chu ka ti ta a. Tichuan Jennie hi ka thil duh ka neih theih nan a ka hmanraw pawimawh ber chu alo ni ta ani.

Jennie chu zing tin college kal turin ka hruai ziah a banah ka thlah leh thlap thin anu thin a tih rim a hlauh vangin peihlo zetin ka rual chuan a kal ve ziah a a tum deuh bar thin cute zetin. Ka biak hian a bung deuh deuh hian min chhang thin a chutia min be peihlo tih ka hriat chuan amah runluih nan hrim hrim ka be lui ngat ngat zel a  a tawpah chuan ka ti thinrim leh nge nge thin a min hnek chawrh zel kei atan erawh chuan a nui hmel mah a that nak alaiin a tum bur chang phei hi chuan fawh nawk nawk hi ka chak thin. Yaaa! Thil tullo deuh ka'n sawi leh pek chu a!

Ka insiam nghal mawlh mawlh a Jennie hruai turin kal leh ka tum ani. Ka insiam zawh chuan inhnuai lam panin ka chhuk thla a, ka nu in kawngka thleng minlo thlah a ka in khalhchhuak nghal a. Jennie hian bike a chuan hi a nin em avangin a vawikhat nan car ka kengchhuak ve chu ania engtin tak lo ngai ang maw?