Winter bear(Taennie)

💜Chapter-12💜

Suddenly I wonder if you are watching me too?
I'm worry if you would discover all of my hurting wound.
I will circle around your side
I will be by your side
I will be your light
All for you❣️

Taehyung pov:

"Tualthahna dang a thleng leh tawh anihhi" tih pahin a phone chu Jimin chuan minlo pe vat a kalo ban ve thuai a

"Chu zawng phiansen-a mai mai chu" tih pahin ka in hum ruh a, ka ngaihtuahna ah Jennie a rawn lut nghal zat bawk

"In turn rawh, Jennie te in lam kan pan vat a ngai" ka ti nghal a Jimin pawh chu a in turn ve nghal mai a. Engtik a tang khan nge tiang em em hian Jennie hi ka ngaihtuah a, venhim ka duh tak kha ka hrelo kha zawng phiangsen-a khan eng ti kawng zawng mah hian min laksak ka phal ngai lovang mahse hetia Jennie laka ngaihsakna ka lantir hian he ka hmelma pa lakah hian chan tur ka nei ta ani tih ka hrethiam.

A tir ah khan Jennie hi ka ta anih zia lantir nan ka fa pai tir ka tum a ka thei thlawtlo anih kha keimah vanga taksa lam leh rilru lama na a tuar lai hmel hmuh kha mipa dang laka chan aia a nat loh chhan tur ka hrelo tlat a tinni. Tunah tak hian a lakah eng rilru nge ka put ka hrelo a mahse a hma zawng aiin ka ngaihtuah nasa a eng pawh ti hlek ila Jennie tih ngawt hi ka rilru ah hian alo awm thin. Ani erawh chuan engtin nge min ngaih ve ka hrelo a, mahse kan in hip tawnna nat zia erawh ka hai hauhlo

Hetia Jennie ka hnaih hian Rose lakah in thiamloh na ka nei tawh miahlo hi mak ka ti zawk ani, Rose ka then kha hrehawm ka tilo tihna erawh ani lo. Hun kha leh chen ka hmangaih a buaina tam tak kalo hmachhawn pui tawh leh a thianghlimna hial min hlan tu hmeichhia kha ka khawngaih a ka tina hi hrehawm ka ti takzet. Mahse amah ah ka rilru ka pe thei tak tak tawhlo tih hre reng chunga a der a ngaihsak vel kha ka thei thlawtlo ani chuvang chuan a theih lai hian kalsan a mipa tha tak tawng turin ka duh ani, a hma kha chuan Rose hi then theih ka ring ngailo hmeichhe dang vang ngat phei chuan mahse thil theihloh a ngaih min tih tir theitu hi Jennie ani tlat, ni e kha hmeichhe in duhtawk tak ka bula a mut reng lai pawh a a thianghlimna khawih chhe lo tura min insum tir thei tu ngei mai kha.

An in kan thlen chuan ka lut nghal thuai a,a room a ka luh chuan mangan hmel zet hian alo awm a chutia ka hmu chuan ka rilru a tina hle a kha zawng phiangsen-a ka huatna pawh a nasa sawt. Ka kuah nghal thlawp a, keimah ah hian thlamuang takin awm sela ka duh a a in nghahna nih ka duh bawk.

Engkim a hriat duh thu min hrilh chuan ka melh vang vang a, sawichhuah harsa ka tih zia hi hria se min zawt kher a ngem? Mahse a hriat ngei a tul si. Hrechhuak ta se kei nilo in khapa kha a thlang leh mai angem? Ka lakah hian eng rilru nge a put ka hrelo a chu chuan ka inrintawkna min hlauh tir a ka ngaihtuahna ah chuan thil tam tak alo lut zut zut bawk "Awle" ka ti deuh sap a

Khumah chuan in hmatawn a thuin thawnthu chu ka sawi tan ta a "Min Yoongi kha i hria em?" Ka tih chuan mak ti hmel pu deuh chung chuan a bu nghauh a "ka u anih kha chuan heng thil zawng zawng hi Min Yoongi tih vek ani" ka tih leh lai chuan a mak tihna chu a thup seng tawhlo ka sawi chhunzawm leh a "Hyung kha ka pa in ka nu a neih hmaa a fa hmasa anih kha" ka thaw halh a "Ka u kha kan hnena alo cheng ve khan kum 10 chiah kala ni a ani erawh chu kum 13 ani tawh thung, unau pianpui nei talo chu chutia ka u kan hnena alo cheng ve ta chu ka lawm em em a nilengin ka zui kual thin mipa tawng duh tak leh harh zek zawk tak ka ni a ani erawh chu a tawng ngai manglo a nui ngailo a, a riltam thu a sawi ngailo a, na a neih a sawi ngai heklo a kut zungte bung tep a a zai tum pawn na ti hmel engmah a pulo chuti a hnekin engtik lai pawhin a thinrim hlur thin. A tawi zawngin sawi ta mai ila ka u mizia avang chuan ka pa chu a ngaih a tha talo a doctor hnenah a hruai ta a tah chuan ka u chuan 'Alexithymia' natna a vei tih kan hrechhuak ta ani (Alexithymia awmzia chu hmangaihna, khawngaihna, lainatna etc engmah emotions feel theiloh natna ani)