Winter bear(Taennie)

💜Chapter-11💜

Jennie pov:

Chu palian zet mitmeng pawisak neihlo tih hriat zeta min melh kur tu chuan min lo pan hnai zel a kei erawh chu ka lo tawlh hnung hret hret thung, thahrui a ngah tih hriat zetin a ban chu a phiar tha pang a a hmel erawh ka hmu theilo mask a vuah tlat a mahse a mit erawh chu chiang takin ka hmu thung.

Chupa chuan minlo pan hnai zel a, a kut veilam a chem hriam hmel zet a ken chu eng atan nge a hman dawn ka chiang ngang mai au chhuah ka tum a mahse ka theilo chupa chu alo che thut a min vih tum chuan a chem chu alo lek kang a. Ka harh zawk mai thlan in min lo bual huh hliam a ka thaw kawk kawk bawk, ka nightstand a tui chu ka ban vat a ka in nghal khawlh khawlh a tlemin ka zia ta deuh.

Ka mumang teh hrep chu mumang mah nise a tak ang mai a chiang ani chuan keimah ah hian hlauhthawnna lian tak a awm tlat bawk a eng nge a chhan erawh chu ka hrethiam lo ani.

Ka phone chu ka ban vat a zing lam dar 3 chiah alo la ni kaokao talk a ka msg te chu ka chhiar thuak thuak a Lisa msg a tam ngang mai chutia ka online reng lai chuan msg alo lut a Taehyung hnen atang alo ni "I mu thei nange?" Tih alo ni a "Umm ka thangharh a" tiin ka va reply a "Lullaby sak sak i duh em?" A rawn tih chuan ka khi suk a "Duh e" kalo ti thuai a rei vaklo ah voice msg a lo thleng a ka ngaithla chu ka nui nasa ngang mai "I van thiam ve" tiin ka reply thuai a "Winter bear, ka thiam lam anilo i mut a chhuah nan alawm ka sak le tunah mu leh tawh rawh le" a rawn ti a reply tawh lemlo chuan ka phone chu dahin mut tum chuan ka mit chu ka chhing vang vang a rei vakloh ah chuan ka muhil ve nghal mai bawk a

Ka harh leh meuh chuan ni chu alo kang sang tawh hle ka tho vat a in ti fai turin bathroom ah chuan ka lut a ka insiam zawh hnuah inhnuai ah breakfast ei turin ka chhuk thla a chutih lai chuan ajhumma chuan news alo ngaithla a tualthahna a thleng anih hmel breakfast ei mawlh mawlh chung chuan ka ngaithla ve a a piankum leh a date of birth an sawi chuan ka phu zawk mai October 8(a birthday diktak anilo aw) ka birthday ni chiah chiah leh ka pian kum ang chiaha piang anih chu mawle. Ka thil eilai chu thial nachang pawh hrelo chuan news chu ka en reng a chu hmeichhia chu zan a eitur leia a chhuak chu an that ta a ani awm e a nghawngah zai ani a a kut veilam a a finger ring chu tan sak ani bawk a ka rap ngei mai.

Chutia tihtak zeta news ka lo enlai chuan kan doorbell chu alo ri a ajhumma chuan a hawnsak thuai a Taehyung chu alo lang nghal zat bawk vawiin chu nidang anglo takin a mah hrim hrim chu a nung sarh lo a hmel atang chuan ka hre thei tlat a tinni a mengrei deuh te pawh ani mahna le.

Car khalh pah chuan Taehyung chuan minlo melh leh zeuh zeuh thin a "Winter bear" a rawn ti chhuak ta nge nge "Umm" ka lo ti thuai a "Rei vaklo chhung chu ka zin a ngai dawn a, chumi chhung chuan I driver niloin Jungkook lo in hruai tir la in thlah tir leh thlap thin ang che. Chuan nangmahin khawiah mah kal lo la hmun tawi te pawh nise tu emaw hruai tel zel ang che, zan i mut dawnin i room kalh theihnghilh lo la i lukham hnuaiah in venna tur eng emaw tal dah reng la i kalna apiang ah heihi keng zel bawk ang che" tih pahin thil spray chi hi minlo pe a ka tawng veleh hma chuan "Ka sawi chu i hre reng rawh, ngenna nilo in order anih chu college banah khawiah mah pawh pengkawi loin haw tlang nghal thin la tumah ring ngawt suh ang che. Zan laiah pawh phone call i chhang tur anilo chuan tu pawn engpawh sawi mahse"  sawi zawm ta mailo chuan car chu a ti ding a min melh kar chungin  "keima thusawi chiah ring la ka duh ani, ka sawi anih loh chuan tu thusawi mah i awih tur anilo" ati leh a a aw ril ruih chuan mak tak maiin min hneh hle ani mahse a thusawi awmzia chu ka hrethiamlo, kei hi miin thah min tum ni awm ang maiin lawm le a tawng le

"Ngatinge? Engvang chuan maw tiang zawng zawng chu ka tih anga? Ngawi teh, tunah hian thah min tum an awm em ni?" Ti a ka zawh chuan a thaw deuh hak a min en vang vang hnu chuan "Aw, mahse tunah chuan engmah ka la hrilh theilo che ka lo haw hunah engkim ka hrilh ang che chumi hma chu tha takin lo in veng fimkhur la veng tur che in mi ka ruai tawh a hlauhthawn a ngailo ania anni chu i ring thei ang thlamuang takin awm rawh. South Korea ah anni aia tha an awmlo a, an venghim ngei dawn che a mahse Jungkook erawh chu i inhruai tir ziah tho tur ani chu pawh chuan chhan tha tak anei bawk chuan college chhungah chuan Namjoon, Hoseok, Jin, Jungkook leh Jimin te an awm a an venghim ang che anni pawh chu I ring thei bawk ang" ati leh dap dap a

Ka kut ah alo vuan a "Engtikah mah ka chan lo ang che, ka venghim tlat ang che" a tih leh chuan a hmelah chuan natna thuk tak mai ka hmu thei a min ngaihtuahna mitmeng nen.

"Ka ring che alawm, ka him ang tih pawh ka hria engvanga min thah tum nge anih chu ka hrelo na a mahse ka hlau lo ka kiangah i awm reng laiin hlauh tur eng nge ka neih?" Ka lo tih chuan a nui suk a ka bianga rawn dawm pahin

"A hma khan engtin nge keng zawng zawmg hi ka lo hmuh kan theih zawk?" A ti sap a ka mit ah chuan chiang fahran hian a en bawk a

"Thil hlutna hre tur chuan belhchian a ngai fo thin" ka lo ti a

A nui leh suk a "Ni e a pawnlam landan mai nilo a a chhungril mawina leh thatna hmuh thiam tak chin ah hi chuan mi vannei ber alo nih theih anih hi" ati leh deuh sap a

\\\\\\\\\\\\\\\\\\\\\\\\\\\\\\\\\\\\\\\\\\\\

Taehyung zinna pawh kar khat lai ani ve tawh a, kan inbe ngai manglo ka ngai thei em em a engvang a lo ngai ve ngawt nge ka nih pawh ka hrelo.

Chuan Taehyung thusawi kha ka ngaihtuahna ah a cham reng a tu phiangsen chuan nge min thah lo tum a eng vang a min thah tum nge anih chu hriat ka chak et et mai ani. Mahse ka ngaihtuah fe pawn tunge hetiang thil ka chungah ti anga engvangin nge a tih ang rin ngaihna ka hre hlawllo. Taehyung sawi ang khan engkim ka ti vek a chuan keimah min veng tura a rawih te pawh hi an tha tawk tih ka hria a ka ring ngam bawk mahse thlamuang taka awm erawh a har ka ti hle thung.

Kar khat a liam leh meuh chuan chanchin duhawm lo tak mai South Korea mipui chuan kan nei leh ta tualthahna dang bawk ani. Ni e a ngai ang chiah ani, a pianni leh thla leh kum keimah nen a inang vek chusn a finger ring a kut veilam ami chu tan ani bawk. Awm ngaihna hrelo chuan ka vak kual ruai a engvang tehrep a tiang hi thleng zel nge maw anih le, he tualthahna hian keimah nen inzawmna a nei tih ka chiang lutuk tlat ani. He mihring hi tunge a nih a engvanga hetiang a ti nge anih le, mihring anih pawh ka ring teh hrep love. Keimah vanga khang hmeichhe pahnih te khan an tuar a ka ngaih tlat na hian min ti hrehawm ngawih ngawih ani, ka sam chu ka tham tawk tawk a

Chutih lai chuan ka room kawngka alo ri rak a ka hawi chhuak vat a Taehyung chu alo lut hlawl mai ka hmuh rual chuan ka ding hluai a ka lam pan alo phei vat a minlo kuah nghal chat a keipawh chuan kalo kuah ve nghal bawk a engkim a that thu min hrilh mawlh mawlh bawk. Min kuahna a tang chuan a in la hrang a ka mit a chiang taka en chungin ka mittui luang ngiai ngiai chu a kut chuan minlo hruk hul sak a.

"Keimah vang tiraw kha mi te kha keimah vanga thi anni tiraw?" Ka ti nghal mawlh mawlh a Taehyung chuan "Min en rawh, Jennie min en rawh ka mit ah hian en rawh" a ti a ka en thei hauhlo thung "Min en rawh ka tih chu" ring deuh fe a atih takah chuan ka en ve ta a "I thiamloh pakhat mah a awmlo, nangmah vanga thi anni lo min ring tiraw" nem deuh zawk hian a rawn ti a ka lo bu nghauh a "Engmah i thiamloh a awmlo, kha zawng phiangsen-a thil tih vek kha ani" ati a ka harhchhuak thut mai.

Ka mittui chu ka hru hul sawk sawk a "Le min hrilh rawh engkim, ka hre vek duh ani engkim" ka ti ta a

Taehyung chuan ngun zeta min melh chungin "Awle" ati sap a

+×+ +×+ +×+ +×+ +×+ +×+ +×+ +×+ +×+ +×+

Zanin chu engmah ka ziak mumal theilo, tunah hian kan veng a kang mek a rilru lak pen nan ka rawn ziak zuai zuai anihhi.

LUNGLEI leh hmun hrang hrang a kangmei chhuak te hi a reh vat theih nan in  tawngtaipuina kan mamawh takzet ani

#PrayforLunglei

Chuan he story hi in rinloh dan daih in ka rawn her chho tan dawn a inlo chang theuh thin dawnnia aw BORAHAE💜