بسم آلَلَهّ
.
يلا نبدي.
.
محمد : مر الاسبوع عادي وبدت امتحانات رشا وكل يوم اوديها واجيبها واتواصل ويه علاء كل يوم
.
مريم : اخيرا راح اخلص امتحانات واشبع نوم ممصدكه وباجر اخر يوم
كعدت الصبح سبحت وبدلت واجه السايق اخذني للمدرسة رحت للمدرسة وشفت صديقتي زهراء
فتنا للامتحان وخلصنا وطلعنا
مريم :هاا زهورة جاوبتي
زهراء :اي الحمدلله سهلة الاسئلة وانتي جاوبتي
مريم : اي زينة الحمدلله يولي راح اشتاقلج كلش 😭
زهراء : حتى اني كلش حشتاقلج
.
.
طلعنا من الامتحان وكعدت ويه زهراء واجه السايق وسلمت على زهراء وطلعت للبيت اول ما وصلت لكيت ناس هواية واكفين اباب بيتنا وفتت جوه ولكيت كل كرايبنه موجودين يمنه وماما كاعده تبجي رحت ركض عليها وكعدت يمها
مريم : يممه شبيج ليش تبجين شكوو شصار بابا بي شي اخواني بيهم شي ردو عليه شبيكم ليش ساكتين 😭😭
فاطمة : يمه وليدي راح يروح من ايدي يمه اخوج داعم واحد وهسه اخذو للمركز 😭
مريم : يمه منو من اخواني احد يرد عليه شبيكم 😭
الاء (عمة مريم): بنيتي بس على كيفج اخوج عمار داعم واحد من راجع من الدوام وهسه الولد بالمستشفى واخوج بالمركز
مريم : يممه اخووية رجعووولي اخوووية 😭😭
(وكمت ادك والطم)
.
.
.
محمد : اخر يوم امتحان رشا وصلتها على امتحانها ورجعت للبيت دك عليه علاء بس مو هذا مو صوته
عمار : الو السلام عليكم اخوية
محمد : وعليكم السلام منو انته
عمار :اخوية صاحب هذا الرقم سوه حادث اني دعمته وجبته للمستشفى وشفت رقمك مكتوب اخوية ودكيت عليك
محمد : انته شجاي تحجي شجاي تسولف اذا صار شي بأخوية احسب الله ما خلقك افتهمت بأي مستشفى هو هسه
عمار : بمستشفى.....ابغداد
.
....
عمار : جنت بالكلية ومن رجعت جنت اسوق سريع ودك موبايلي ووكع دنكت حتى اجيبه وما احس غير دعمت سيارة ثانية واني راسي نضرب نزلت على كيفي حتى اشوف الولد الي دعمته وشفته مغمي عليه شلته بسيارتي ورحت للمستشفى واخذت تلفونه لكيته مفتوح شفت اخر مكالمة مكتوب اخوية دكيت عليه وحجيت وياه وصار الحجي الفوك 👆🏻
.
...يتبع
