بس آلله
.
يلا نبدي
.
طلعت رشا وبقيت بالغرفـة وحدي وكمت افكـر يعني راح نكعد ثنينه بنفس الغرفـة زين يمكن هـو ميقبل ابقى هنا خلي اكوم ابدل بين ميجي السيد
كمت بدلت ولبست فستان ابيض طويل ولفيت شالي
رشا: مريم اجه السيد يلا تعالي راح يعقدلكم
مريم: ماشي امشي ننزل سوية
نزلت جوه وكلها تباوع واكو بنية بس تخزر مبين عليها مو راحة كلت خلي اسأل رشا
رشا اكلج هاي منو ذيج البنية الي بس تباوع وتخزر وما عاجبها شي
رشا: يمعوده هاي بنت عمي رغد وهيه تحب محمد او بالاصح تحب فلوسه واملاكه وتريد تصير مرته حتى تاخذ كلشي
هسه انتي كعدي هنا خلي يعقدولكم واني بعدين اكملج الحجي
مريم: ماشي
كعدت وبدت السيد يحجي ويكول شكول كولي انتي ورايــة عقدلنا الشيخ وخلصنا واكو بيهم باركولي وبيهن بس يخزرن
.
.
محمد: بعد ما اجتي الفصلية فاتت جوه وجبنه الشيخ وعقدلنا وباركولنا وعرفت اسمها مريم كلت اني اعلمها الا اراويها نجوم الظهر صح مو هيه الي قتلت اخوية بس الي قتله يصير اخوها والا اندمهم
.
.
...نروح على عمار
عمار: بعد ما حطوني بالسجن بقيت هناك اسبوع واجه ابوية وحجه وياي وكال حلوها وراح نرجع للبيت رجعنه للبيت وتلكونه بالهلاهل وكلها اجت سلكت عليه بس ما شفت مريم وياهم
فاطمة:هلا بوليدي هلا بشمعة بيتي تعال يمه خوما اذوك سولك شي ضربوك
عمار: لا يمه مابيه شي الحمدلله شوفيني بس وين مريم شو ماكو
الكل: لا رد..
عمار: متحجون شبيكم وينها مريم هيه بغرفتها
مررررريم وووينج تعاااالي اني اجييييت (بعياط)
شبيها مريم ليش مترد خاف مريضة متردون
خالد: شوف بوية الي صار قضاء وقدر ومن سوينه الكعدة طلبو من عدنه فلوس ووو
عمار: اي وشنو انوب هسه غير يحجون
فاطمة: ورادو فصلية واحنه ما قبلنا على هالشي بس مريم رادت هيج وراحت حتى ميصيرلك شي انته
عمار: من سمعت فصلية نجنيت شنو يعني اختي راحت فصلية واني ما ادري يا ريتهم قتلوني ولا اخذوها
انتو شجاي تحجون شلون تنطوها شلون كلبكم نطاكم تنطوها فصلية ما فكرتو شراح يصير بيها راح يسوها خدامــة راح يعذبوها ويضربوها ولكم هاي المدللة شلون هيج يصير بيها شلون خليتوها تروح
خالد: يا بوية هيه رادت هيج وتروح واحنه ما وافقنه بس هيه عندت حتى ميصيرلك شي او تتأذه
رونق: والله يوليدي ما قبلت تروح بس راحت علمودك وكالت كولو لعمار اختك ضحت بروحها علمودك حتى انته تعيش وميقتلوك
