بسم آلَلَهّ
.
يلا نبدي
.
محمد : بعد ما دك عليه هذا الولد وكلي اخوك بالمستشفى اني عقل ما بقى براسي شلون يصير هيج ويه اخوية والله الا اندم الي جان السبب كلت لاهلي عن الحادث ورحت لبغداد ومشيت بكل سرعتي ووصلت للمستشفى سألت عليه كالو بغرفة العمليات رحت عليه وجان اكو ولد ووياه زلمة كبير بالعمر يمكن ابوه كاعدين يم الغرفة اني تذكرت اخوية ورحت اركض على الولد لزمته من ياخته وكلت..
محمد :ولك انته شلون هيج تسوي ليش ما تنتبه على طريقك واللهاذا صار شي بأخوية لدفبأخوية من وما تلوم الا نفسك
محمود : اهدأ وليدي عوف الولد اكيد ما متقصد يسوي هيج وهسه يطلع الدكتور ونفهم منه شصار
محمد: يابة هذا دعم اخوية وتريديني اسكتله
عمار : بعد ما خابرت اخو الولد الي دعمته سديت الخط ودخلو الولد على غرفة العمليات وبعد كم ساعة اجه اخو الولد ووجنت كاعد يم غرفة العمليات واجه ركض عليه ولزمني من ياختي وصار الحجي الي فوك 👆🏻
بعدها طلع الدكتور من الغرفة وكال..
محمد: شفت الدكتور طلع من غرفة العمليات ورحنه ركض عليه
دكتور بشر شصار شبي اخوية خوما صارله شي
الدكتور: البقية بحياتكم ما كدرنه ننقذ المريض
محمد: انته شجاي تحجي هذا اخوية ميصيرله شي شلون ما كدرت تنقذه انته مو دكتور
محمود: محمد عوف الدكتور ماله علاقة وسوه الي عليه وهذا قضاء وقدر
محمد : رحت لزمت الولد الي دعمه وشبعته بوكسيات
كله من وراك اخوية مات والله لدفعك الثمن واعيشك بجحيم
خالد: ابني حقك علينه واحنه نعتذر وندري هالشي صعب عليكم واي شي تريدو احنه حاضرين
عمار: اني اسف وحقك عليه بس ما جنت متقصد ادعمه وكع تلفوني ودنكت حتى اجيبه وصار الحادث
محمد: اعتذاركم مراح يفيد بشي ومراح يرجع اخوية من الموت والله لدفعك الثمن واعيشك بجحيم
محمود: ولك محمد عوف.الولد وكال ما جان متقصد وصار الي صار ويلا خلي ننقل الجثة للبصرة ونشوف شنسوي بعدين
.
...نروح على مريم
مريم: بعد ما رجعت من الامتحان وشفت الي صار وحجولي كلش كلش نقهرت وكمت ابحي على اخوية وسندي شلون هيج صار بي وفات للسجن وخفت عليه كلش لا يصير بي شي هذا اخوية وصديقي وعزيز عليه يا رب يطلع بالسلامة 😭
بعد ما عرفت انو الولد الي دعمه عمار مات كمت ابجي بالزايد كلت اكيد راح يسوون شي بأخوية
فاطمة: يمه وليدي راح يروح من بين ايدي رجعولي ابني 😭😭
مريم: شفت امي تبجي وتلطم ومقهورة وزادت اكثر من عرفت الولد مات واغمى عليها ورحت اركض عليها
يمه يمه اكعدي الله يخليج
اخذها ابوية للمستشفى ردت اروح بس ما قبل
.
.
خالد : طلع الدكتور وكال
الدكتور: صاير عدها انهيار عصبي كلش ولو جبتوها متأخر جان صار عدها سكتة قلبية ابعدوها عن التوتر
والحمدلله على سلامتها
خالد: الله يسلمك دكتور مشكور
بعدها رجعنه للبيت وفوتها للغرفة ترتاح
مريم: جابو امي المستشفى والدكتور كايل عدها انهيار عصبي ولازم متتوتر او تبجي وطبعا اني خفت عليها كلش لايصير بيها شي لان اني متعلقة بأمي حيل وبقيت يمها
.
.
محمد: كلش انقهرت من مات علاء جان اكثر من اخ بالنسبة الي جان صديقي واخوية وبير اسراري ما جنت متوقع يجي هاليوم وافقد اخوية
نقلنه الجثة للبصرة ووالولد ذبيته بالسجن وسوينه الفاتحة واجوي هواية عالم علينه لان احنه شيوخ وكلنه نسوي كعدة ورة الفاتحة وخلصت الفاتحة ورة 3 ايام
ورحنه على اهل الولد ابغداد وسوينه الكعدة
محمد: اني اريد دم بالدم وغير هالحجي ماعندي
خالد: استهدي بالرحمن وليدي شنو دم بالدم اطلبو غير هالشي واحنه حاضرين وفلوس شكد متطلبون ننطيكم
محمد: الفلوس مراح ترجع اخوية واني اريد دم اخوية
محمود: محمد صلي عالنبي وخلينه نتفاهم وياهم على كيفنه
زياد (عم محمد): اني عندي حل يرضي الطرفين
الكل: وشنو هذا الحل
زياد : ليش ما ناخذ فصلية و50 مليون ونسد عالسالفة
خالد: لا شنو فصلية بنتي ما انطيها وهيه وحيدتي وبعدها زغيرة طلبو فلوس شكد متريدون انطيكم بس بنتي مستحيل انطيها
علي: شنو مستحيل انطي اختي فصلية طلبو غير شي
محمد: عمي كال فصلية واني ابد ما اقبل بهالشي وهذا مو حل بس من شفت اهل البنيه هيج عصبو وميريدون ينطوها معناها يحبوها حيل كلت راح اوافق واذلهم بيها واسويها خدامة
.
....يتبع
شراح يصير بمريم راح توافق تروح فصلية وتقبل بالواقع علمود اخوها
تابعوني حتى اكمل 🤍
