فزيت علة صوت عياط كلش عالي
طلعت اركض اشوف شكو لكيت عمتي والبنات يدكن ويلطمن ملاخات روحن عمي وسجاد وعماد واكفين علة صفحة وعيونهم حمر واحمد يبجي ضليت صافنة بعدين كلت خاف ام عمتي ماتت لين هية مرة جبيرة فة جيت عليهم ركض
رحت علة ودق كتلهة ودق حبيبتي شكو شهل بجي جان تباوع علية ونفجرت بجي اريد افتهم ماكو نوب رحت عل بقية محد يجاوب اني صارت بية مثل الصدمة مدا ابجي من المنضر الشفتة مال عمتي وبناتهة ضليت صافنة وحدي جان يجي عمي ابو سجاد كلي تعاي بنيتي اريد احجي وياج كلتله اي جيت رحنة كعدنة عل تخم جان يكول
ابو سجاد، عمو احنة منو خلقنة؟؟
ملاك ،ضليت صافنة بوجهة ستغربت السؤال
ابو سجاد، شبيج عمو جاوبي احنة منو خلقنة؟؟
ملاك، بستغراب كتلهة رب العالمين جان يكول عفية رب العالمين وهوة الي ياخذنة صح لو اني غلطان
ملاك، بستغراب كتلة حشاك عمو من الغلط صح كلامك كتلة بس شكو شصاير؟
جان يباوع علية بنضرت قهر ونكسار جان يكول عمو البقية بحياتج
ملاك، ضليت صافنة بوجهة مستغربة حيل شنو البقية بحياتج هوة اني منو عندي حتة يموت
مجان ابالي اهلي خلاص
ملاك، كتلة هههه هاي شبيك عمو هوة اني منو عندي حتة يموت جان يكول اهلج عمو اهلج ماكول بس الله يصبرج
ملاك، من كال هيج ضحكت ضحكة قوية بحيث كلهة سكتت وضلت صافنة علية ضحكت بهسترية جان اكلهة
ملاك، هاي شبيك عمو اهلي اصلن اليوم راحو للسوك وبعدين امي تريد تروح للمتنبي شنو شنو هل حجي
بهل اثناء اجة علية سجاد جان يكول
سجاد، ملوكة حبيبتي هاذة قضاء وقدر رب العلمين متكدرين تعترضين علة انا لله وانا اليه راجعون
ملاك، صفنت علية هاذة شبي كتلة هاي شبيك سجاد اهلي ميموتون ضحكت وبعدين كتلةبلة شون يموتون جان يكلي
سجاد، شوف حبيبتي همة الصبح راحو للسوك وللمتنبي فة تخرو اندك عليهم ميجابون ماكو لحد ذيج الساع جان يدك ابوج جاوبت جان يطلعلي رجال غريب كتلة انتة منو صاحب التلفون وين؟ جان يكول
الرجال، اخي انتة شصير من صاحب التلفون ؟
سجاد، كتلة ابنة ممكن تنطينيا
الرجال، هاا والله اخي ماعرف شكلك بس صاحب التلفون سوة حادث بل سيارة قبل ساعة وجت السعاف شالتة بس لكيت الموبايل وكلت اخبر انطيكم خبر
سجاد، بصدمة وين وين بيا مستشفة
الرجال اخي مستشفة٠٠٠٠٠٠٠٠ والله يكون بعونكم
سجاد، حبيبتي قمر يلة عسريع كومي بدلي دروح نشوف اهلج انشالله مابيهم شي خل اروحلهم للمستشفة
