قدري

البارت العشرون

ملاك، هنة يحجن واني اباب المطبخ انصطرت من الي سمعتة كوة واكفة معقولة لا مستحيل يعني البجي والنوح كلة كلة طلع جذب لا يربي والله ممستعدة اخسر احباب ضليت واكفة اباب المطبخ كوة مشيت وصلت يم الدرج داصعد جان صيحلي سارة

سارة، ملاك ها وين شو صاعدة

ملاك، حتة مكدرت احجي عفتهة وصعدت فتت للغرفة شفتة نايم جان توة راجع من الدوام ونايم ذبيت حجابي رحت كعدت عل جرباية من الجهة الثانية اريد ارتب افكاري حتة اعرف شسوي راسي احسة يريد يطك يعني كلة خطة وتدبير يربي شهل امتحان محسيت علة روحي الة هشام كلي

هشام، ملاك ملاك شبيج ليش تبجين شو باعيلي

ملاك، ضليت ابجي واشهك وهوة تخبل يريد يعرف شبية

هشام، بس كليلي شبيج منو وياج ملاك احجي شبيج ولج منو وياج

ملاك، ضليت بس اشهك وابجي عافني ونزل اسمعة يحجي جوة يكول شبيهة شوي وصعدلي

هشام، اي ادري شبيج يعمري بس كوليلي والله حتخبل بس كليلي شبيج

ملاك بشهكة، ود وديني ل لبيت ع عمي

هشام، يا عم يمعودة بس كليلي شبيج لشلعين كلبي

ملاك، مرديت علة لين الشهكة لزمتني هوة سكت وكاعد كبالي ضليت بل ساعة ابجي حتة تعبت واحس راسي حينفجر ارتاحيت شوي وهوة بعدة كبالي كتلة

ملاك بصوت ممبحوح، وديني لبيت عمي

هشام، هسه غير افتهم صار ساعة عايفج تبجين اكول خل ترتاح بس كليلي شبيج ترة خبلتيني

ملاك، صفنت بوجهة وكتلة مخنوكة شوي بس وديني لبيت عمي شكم يوم ارتاح واجي

هشام، شنوووو شكم يوم شنو لا والله اخذج وارجعج بليل

ملاك، كلي هيج رجعت ابجي وكتلة اني وابجي هشام والله مخنوكة اريد اروح اذا متقبل اخابر عمي يجي ياخذني والله

هشام، هسه غير افتهم شكو شبيج هسه اذا اوديج حيكلولي شبيهة شكول

ملاك، معليك اني اكللهم بس وديييني

هشام، اللهم طولج يا روح زين كومي بدلي دوديج

ملاك، بس كلي كمت بسرعة بدلت عسريع شلون مجان وكتلة يلة باوعلي بحيرة وكلي

هشام، يلة امشي

ملاك، طلعنة وخالتي وكفتنة

ام وسام، هاي يمة وين

هشام، اوديهة لبيت عمي

ام وسام، خوما اكو شي يمة ذاك لسبوع جنتي هناك

هشام، لا يمة ماكو شي شوي هية ضايجة اوديهة تغير جو وجيبهة

ام وسام ممقنتعة بل حجي، هاي هية يمة بكيفكم مهونة