هشام،شنننننو
ملاك، مثل مسمعت
هشام، شبيج بابة انتي صاحية لو خبلة خاف جنتي نايمة ومئثر عليج
ملاك، لا نايمة ولا شي وصاحية كلشي مابية وداكلك طلكني
هشام، شوف لحد الان اني صابر عليج دشوف وين توصلين شبيج انتي تخبببببلتييي
ملاك، لتاخذني بعياطك كتتتلك طلكنيييي
هشام، لا انتي تخبلتي رسمي اكيد تخبلتي كعدي كعدي خل نتفاهم ترة خلص صبري
ملاك، لتفهمني ولاافهم٠٠٠٠٠
هشام بعصبية، كعععدي
ملاك، صدك خفت منة بس حاولت مابين كعدت جان يكلي
هشام؛ احجي شبيج ليش هيج قبل يومين كلشي مابيج شجاج
ملاك، كلشي مابية بس طلكني اكون٠٠٠٠٠٠٠٠
هشام بعصبية، شوف ترة والله لحد هسه مطول خلك وياج لتخليني اتصرف غير تصرف وبعدين هسه احنة لو متعاركين اكول اكو شي اشو احنة كلشي ماكو وطلكني ماطلكني اكعدي دشوف شبيج
ملاك، كعدت وهوة كبالي مسح وجهة بيدة وكلي
هشام، شبيج شكو كليلي حتة افتهم لين صطرتيني والله
ملاك، تريد تعرف
هشام، اكيد احجي مو فتيتي كلبي صارلج ٣ايام
ملاك، خوش لعد اسمع٠٠٠٠٠٠٠٠٠٠٠٠٠٠٠٠٠٠٠٠٠٠٠
حجيتلة كل السالفة وهوة مبين علية مصدوم بس ابد ماقاطعني خلصت وكتلة
ملاك، بس كلي شنو شعورك وانتة ماخذ وحدة تحت التهديد؟ شنو شعورك لمن غصبتني علة شي اني ماريدة ؟شنو شعورك لمن صرت الك خلص انتصرت؟ ربحت؟حسيت انك رجال وكلمتك المشت وفزت واخذتج غصب هاذ الحسيت بي مو؟؟
هشام، لارد
ملاك، هاا شو ساكت ماعندك جواب لو تدري بروحك غلطان
هشام، لارد
ملاك، طلكني هشام
حجيت كل هل حجي وهوة صافن بوجهي كلشي محجة من كتلة طلكني كام فتح الباب وطلع واني طلعت كبل للغرفة شبعت بجي اريد اسكت لين تعبت ماكدر فاتت دانة
دانة، عزة العزاني اني كلت اصالحتو
ملاك، لارد
دانة، بس كليلي شبيج شحجيتو صالحتو لا
ملاك، لارد
دانة، خلص ارتاحي بعدين نحجي
ملاك، تسئلني واني ابجي عافتني ارتاح طلعت ضليت ابجي لما نمت كعدت ثاني يوم راسي طبل ودايخة كمت غسلت وبدلت باوعت علة روحي عيوني حمرررر عاد حطيت كحل وطلعت لكت خطية دانة كلشي مخلصة حتة الغدة ودتسبح وخالتي دتقرة قرءان كملت وكالت
