NOTE .
هاي كوينز كيفكم؟
أسفه لو حسبتوه تشابتر بس حبيت أقلكم حاجه 💜💜
أحنا دايماً نحزن ونبكي على حاجات نحسّها أكبر مننا ، نحس محَد قادر يفهمها ولا يتحمّلها ومحنا عارفين كيف قادرين نتحمّل هالأعباء الثقيلة صح؟
معظمنا مرّ بهذي الحالة والبعض يعني.. يجرح نفسه؟ سيلڤ هارم على أشياء تافهه ، بعضهم تآكل أدوية كثيره عشان تمرّض نفسها ..
بيبيز الحياه حلوة ، ربي أخذ منك حاجه بيعوضّك عنها بحاجه صدقيني! أو بيدفع عنك بلاء كبير! أو بيعوضك إياه باليوم اللي تحتاجيه!!!
شكّوانا كثيره أنا عارفه ، ما أقولهم يعنني أنا الفتاه اللي ماتحزن واللي متفائله ومدري آيش؟ لا أنا أحزنّ وأنفّس وأعصب وأبكي على كل حاجه ، بس بسرعه يتبدل مزاجي لأني واثقة أن الحياه حلوه !
أغلب شكوانا ، مشاكل عائلية ، مشاكل مدرسية ، مشكلة مع أصحاب ، مافي أصحاب ، مدرسة جديدة ، مدينة جديدة ، مشاكل صحيّة ، أحساس بالنقص ، مافي ثقة بالنفس ، إكتئاب وآلخ..
ياخي إستانسي!! الحياة قصيرة لا تخلين حاجه تضايقك!! أنا عارفه فيه حاجات أحنا صغار أننا نتحملها بس أحنا جيل قوي!! يعني لو منتي عارفه السيلڤ هارم وجرح النفس والموس وهالخرابيط حرام!! حححرراامممم!! وحده من صحباتي أتذكر تحزن؟ تروح تسوي سيلڤ هارم! تقلّي أنقهر لمن أبغا اكون زي الروايات يصير ألم جرحي مو زي ألم قلبي بس آكلتبن لين يلتأم الجرح ، يعني هه ألم على غير سنع!! وآثار ماتروح!
كإعتراف؟ أتذكر مره جرحت نفسي بموس والصراحه للحين ندمانه على هذي اللحظه ، يعني كنت معصبه وحزينه وكل حاجه مرهمره ملخبطه ف حسيته الحل الوحيد بس طلع خرطي ، الشعور اللي فالروايات كذب وخلق من الخيال مو ريل! أنتي مو ملك نفسك أنتي ملك لله سبحانه! مالك حق تأذين نفسك!! مالك حق تأذين نفسك جسديًا أو نفسيًا!! أنا مو جميلة ، أنا قبيحة ، شعري معفن ، جسمي معفن ، عيوني معفنه ، أنا دلوعه ، أنا طفلة ، أنا وحيده ، أنا أنا أنا أنا..
بس يكفي تصرفات طفولية!! أحنا كبار على هالتصرفات! يعني.. آهخ ياخي 💔
يعني خنتفترض فرضاً اوك؟
أمك وأبوك يتضاربوا سوا؟ أتز أوك خليهم يتضاربوا وخليكِ أنتي فحالك مع جهازك وسماعاتك بعالمك الخاص!
أمك أو أبوك عصبّي ويحطوا لك حواجز شويه؟ آتقبلي الحواجز لأنها فالنهاية لمصلحتك 💜
فاقدة أحد أفراد أسرتك؟ الحمدلله هوّا دحين بمكان مره جميل فالسماء عند ربي بس هوّا راح يكون سعيد بدعائك ، الله يرحمنا ويرحم أموات المسلمين يارب 💜💜
مشاكل صحيّة؟ مريضة بمرض حاد ، مرض مزمن آلخ.. ربي أخذ منك عافيتك عوّضك بحاجه ثانيه أكيد! حاجه أنتي مو ملاحظتها ، يعني غرفة كويسه بيت آمن وكبير وموفّي لك حاجاتك ، بلد آمن ومستقر وبأوضاع أمنية نحمد ربي عليها نعم لا تعد ولا تحصى !!
ماعندك أصحاب؟ بالريل لايڤ ماعندك اصحاب بس بالأنترنت؟ لا تقولي هذول أصحاب أنترنت!!! لأنك تكلميهم أكثر من اللي تشوفيهم بالحياة ، أو مافي حاجه للأصحاب أنتي صديقة نفسك داعمة نفسك محد بيحبك ويعرفك غير نفسك الحمدلله أنتي وجهازك وسماعاتك والواي فاي بخير؟ الدنيا بخير 💜💜
تحسين بالنقص؟ ماعندك ثقة بنفسك؟ كئيبة آلخ..؟ ماتتقربين لربي!! جرّبي لأسبوع واحد طيب؟ عاهدّي نفسك تقومي بفروضك بوقتها الصحيح خصوصاً صلاة الفجر ، صدقيني أقسم لك بالله وأسألي مجرب بتحسين بشرحة صدر مو طبيعية ، بتحسين كل اللي كان يهدرك ويتعبك وعالة فوق كتوفك راح هباءً منثورا .
حسّاسة وتبكين بسرعه؟ أنا بالناحية هذي أستانس الصراحه لأنو فيه ناس يتمنوّا تتحرك فيهم المشاعر! يتمنوّا يبكوا بس مشاعرهم جامدة!!
ف على كل حال أحمدي ربك ، على صغيرة وكبيره ، ربي مابيأخذ منك حاجه بيعوضك عنها بثانية 💜
أنتوا سمعتوا بقصّة آماندا تود؟
اللي ماسمعت قصتّها ، شوفيها باليوتيوب بحط اسم الفيديو تحت ، كل شيء حزنتي عليه بكيتي عليه بيصغر بعينك لأنها صدق الحياة حطت لها حواجز ، وبنهاية الفيديو البنت أنتحرت ، بس أحنا ماعندنا أنتحار لأنو حرام أوك؟ همّا يأذوا أنفسهم ينتحروا يلاقوا جحيم فالنهاية أحنا الحمدلله عندنا قرآن صلاة عبادة رب تدعينه يستجيب لك 💜💜
ف شوفي مقطع آماندا وشوفي كيف قدرت تتعايش مع حالتها ..
Amanda todd's story *arabic subtitle*
أتمنى تحظوّا بيوم كويس ، بعيد عن الأحزان والكئابات 💁💜💜
وبالمناسبة .. متضايقة فأي وقت؟ محتاجه تفضفضي؟ تتكلمي مع أحد ينفّه عنك؟ كلميني خاص بالواتباد أور اسأليني بأي مكان وأنا بكل وقت بكون موجودة أن شاء الله .. يعني ماعرفك ماتعرفيني الحمدلله بس أتكلمي معايا وأنا بحرص محا أخليكِ تسكّري ألا وأنتي مبتسمه 💁💜
آوعدوني ماتبكوا ماتحزنوا ماتسووا سيلڤ هارم ما تتعبوا أنفسكم لحاجات دنوية تافهه ، آوعدوني؟
لو حابّين منشنوا أشخاص فالواتباد على كلامي أو انسخوا كلامي أو اسألوني أنسخه لكم 💜
أحبكم جميعاً قسم 😭💜💜
رزان xx
أنت تقرأ
My Bodyguard - Z .H -
Non-Fictionهل تعرِفون ماهو شعُور أن تستلطِف شخصاً مَا ويكُون قريباً مِنك للغاية وفجأه.. بووم يتغير الإستلطاف وتتغير المشاعر ؟ أجل أجل فلا أحد يستطيع أن يُفكر حتى بالشعُور بهذا الشعُور اللّعين.. أتمنى فقط أن أرمِي حُبي للأبد بعيداً ، لكن المشاعِر لا تسِير حسبم...
