تگول
والدي توفى من سنتين وامي تعودت كل شهر هيج تاخذني اني لو اخوي وتروح للنجف تزوره وتسويله ثوابات احنا من العماره نأجر سيارة من وكت كلش علما نوصل النجف نطب للأمير نزور ونصلي وبعدها نتوجه للمكبره
بذاك اليوم اخوي ماكدر يروح ويا امي فااخذتني وياهع وصلنا زرنا واندعينا ورحنا للكبور بس اني بيه طبيعه امشي واعاين على الكبور المفلشه والسراديب المفتوحة واركز بيهن واكول بنفسي خطيه،بس أمي ماتقبلي تكلي موزين لا تباعين
المهم وصلنا گــبــر ابوي الله يرحمه ويرحم مواتكم كعدت امي تغسله بمي الورد واني كعدت اطلع من جنطتي الشموع والقران لمحت گــبــر بمسافة قريبه مفلش من جوا ظليت اباوع بي بس كلبي مامرتاح هل مرة وصفنت اباوع على المكان المفلش منه وجان شفت عيون وخيال راس چفلت والدم يبس بيه رجلي وكفن وايدي ماكدر
أحركها
وهذا يباوعلي واحسه صار بيه وحاوطني
امي انتبهت
رأسآ جتي تسمي على راسي وتقرا ايات وتنخى الامام علي دخيلك بنيتي اني اسمعها بس من الخوف متت
هلكد ما هو جان مرعب
صحيت شويه وحجيتلها على الي شفته
لامتني وكلتلي مو حذرتج يايمه بعد مااخذج وياي
ردينا لبيتنا العصر بس اني مارجعت وحدي
جان هذا الي شفته
بالكبر وياي احس سكني وكلبي مقبوض
وصلنا ارتاحينا كتلها لامي
اروح انام
نمت وحلمت بي كاعد على صدري
مكرفص شكله عيونه بكصته ايديه ورجليه اطول من جسمه
عيونه حمر تجدح
وكال اسم
عبالك ديلقني احجي وفعلا كلت الاسم
اسم الجن ( لن يذكر لخطورة الاسم - اسم الجن -اسم الجن
كررت الاسم 3 مرات
ومن كلتها حسيت نفسي وكعت من السما للكاع بحفره كلها نار وهذا وزبانيته يجرون شعري
ويأذوني
وظليت ع هل حال لا اني مخبله ولا اني عاقله
رحت اطباء نفسسين وشيوخ وساده
وكالوا هذا
جني كافر يهودي تلبسج
من كلتي اسمه ٣ مرات
وكل الشيوخ والساده كالوا هذا جني مقابر خبيث
مايحضر ولا يتلبس الانسان الا ينكال اسمه ٣ مرات حتى لو بس ينقري
يحضر
وياريت ماكلته اتمنى الموت حتى بس اخلص منه
