مهمه عاشق♥️بقلم خلود وائل

مهمه عاشق ♥️ الفصل السادس

علي:انا في الجنه ياماما امال حور العين دي مين ياماما وشاور علي ليلي بابتسامه🤩
ليلي اتحرجت جامد وخدودها احمرت وبصت في الارض و مكانتش عارفه تعمل ايه في نفس الوقت كلهم بصو ناحيه ليلي كانهم اول مرة يشوفها واتحولت دموعهم لضحك
الحاجه منال:حور عين مين ياابني دي الدكتورة ليلي
نهي بضحك:ايوة ياعم وانا ال هموت من قلقي عليك وانت هنا مقضيها
استأذنت ليلي وخرجت من شدة احراجها وخدت نفس جامد وكان الاوضه مكانش فيها اكسجين
الممرضه دخلت خرجت اهل علي عشان يسبوه يرتاح شويه وخرجو قعدو برة الاوضه
وشويه وجت سارة مرات عماد
سارة:علي ماله ياماما انتو كويسين
نهي:انتي فين من امبارح ياسارة
سارة باحراج:معلش غصب عني والله في اول فرصه جيت علي طول
الحاجه منال :هو كويس ياسارة الحمد لله علي كل حال
شويه وكل عيله علي جم للمستشفي يطمنو عليه وعدي وقت طويل وليلي جايه من بعيد علشان تروح لعلي اول مانهي شافتها
نهي:حور العين اهيه يامامي ههههههه
الحاجه منال:بس يانهي وبصت لليلي لقتها فعلا تستاهل انها يتقال عليها حور العين واتمنت من قلبها انها تبقي مرات علي ابنها
سارة:بتقولي ايه يانهي حور عين مين دي
نهي:شايفه الدكتورة القمر ال دخلت لعلي دي اول ماعلي فاق قال عليها حور العين بس تصدقي زوقه عالي هي فعلا قمورة اوووي
سارة حست بغيرة من ليلي
جوة عند علي كلمته ليلي وهي بتغيرله علي الجرح
ليلي:حضرتك صدقت بجد انك مت ولا ايه مش فاهمه
علي:لا مش للدرجه دى بس لقيت اهلي قلقانين عليا فكان لازم اعمل اي حاجه تخليهم يضحكو ولا كلامي زعلك
ليلي:لا هيزعلني ليه انت مغلطش
علي باستغراب:مش فاهم
ليلي:منا فعلا حور عين ولا جمالي مش واضح
علي تنح شويه من الرد:معلش عيدي تاني
ليلي:حاجه احب انك تعرفها عني انا مبعدش كلمه بقولها ياعلي بيه اسم الله عليه
علي:افندم
ليلي:اه محنا مطولين مع بعض ف انا سميتك كدة ايه معترض
علي:انتي تعرفيني تقربيلي حاجه
ليلي:لا
علي:امال واخدة عليا كدة ليه
ليلي: بس ياحج اخد علي مين عدي كدة اما اغير علي جرح دراعك
علي مش فاهم هي عاوزة ايه بالظبط ف سكت
ليلي:افهمك واريحك انا
علي:نعم
ليلي:انت مستغرب اسلوبي صح
علي:جدااا والله
ليلي:دة رد فعل عادي جدا لواحد من ساعه ماشفته عيني مشافتش النوم ولا الراحه
علي ضحك:ايه حبتيني وانا نايم ولا ايه
ليلي كشرت حواجبها:حبيت مين يابابا فوق كدة انت هنا في ملعبي
علي:انتي بتكلمي ظابط في المخابرات فاهمه يعني ايه
ليلي ضغطت علي جرح علي جامد وهي بتلزق غيار الجرح:معلش حقك عليا
علي:اااااه حاسبي ياغبيه
ليلي:اوبس ياحرااام معلش حقك عليا
علي لسه هيتنرفز دخلت عليهم سارة:انتي اتاخرتي كدة ليه ياابله انتي
ليلي:ابله؟!!
سارة:معلش يااستاذة
ليلي:انا خلصت وخارجه
خرجت ليلي ولسه هتمشي وقفتها سارة:ابقي انجزي شغلك ياهانم وبلاش لكاعه عيب انك تقفي مع شاب لوحدك في اوضه كدة
لفتلها ليلي بثبات ومشيت كام خطوة ووقفت قدام سارة وقالتلها بكل هدوء:دكتورة ليلي الشاذلي بكاريليوس طب بشري قسم جراحه عامه وماجستير في جراحه القلب وبجهز لدكتوراة هناقشها في امريكا وعملت عمليه حرجه لعلي بيه وبصت بطرف عنيها لعلي ف علي ابتسم علي ال هي عاوزة تقوله وبصت تاني لسارة وموظفه هنا في المستشفي دي وبأدي شغلي مع مريض تحت ايدي وعلت صوتها بتهكم انتي بقي مين؟! قالتها وعنيها كلها شر
سارة متفاجئه من ليلي وثباتها مش عارفه ترد عليها
علي:دي سارة مرات اخويا الكبير
ليلي:اهلا وسهلا اطلعي برة
سارة:انتي مجنونه انتي بتطرديني برة داانا اشتريكي يابتاعه انتي
سارة بكل هدوء:انا عاقله واه بطردك برة عشان هنا انا ال اققول مين يطلع وامتي وانا مش سلعه للبيع هااا هتطلعي بالذوق ولا امنع الزيارة نهائي
علي:اطلعي انتي برة الوقتي ياسارة وحقك عليا
طلعت سارة وهي بتغلي
علي:انتي اذاي تكلميها كدة وليه بتتعاملي مع الناس كدة انتي ايه
ليلي:بعد اذن حضرتك وسابته وخرجت راحت الاستراحه وقعدت تعيط هي فعلا مش عارفه هي عملت كدة مع علي ليه ، شويه وجت الاء :مالك ياليلي في ايه
ليلي:مفيش
الاء:مفيش اذاي وعنيكي ال وارمه من العيط دي ايه
ليلي عيطط تاني والاء حضنتها وبعدين ليلي حكتلها ال حصل وطلبت منها انها ال تروح بعد كدة لعلي خلص النهار وليلي روحت بيتها
حسام:الحلو ال منفضلي وفرحي قرب ومحتاج استشارات منه
ليلي:عاوز ايه يابتاع سلمي
حسام:بتاع سلمي يابتاعه علي بيه اسم الله عليه
ليلي بأنفعال:انا مش بتاعه حد
حسام:ايه ياليلي انا بهزر معاكي زعلتي ليه كدة
ليلي:حقك عليا الشغل كان كتير النهاردة وكان عندي عمليتين ف اعصابي مضغوطه اووي
حسام:ولا يهمك ياحبيبتي تعالي نتعشي سوا ونشوف بقي تجهيزات الفرح عاوز افاجئ سلومتي بحاجه حلوة يوم الفرح
ابتسمت ليلي:ماشي ياحسحس هغير هدومي واجيلك
رن تلفون حسام:طب اطير انا بقي
ليلي:ماشي يابطه
حسام:بت اتعدلي
ليلي :لو مش عاجبك طلقني😹😹
حسام:الوووو ياسمسومتي
سلمي:اذيك يابيبي
حسام: قلب البيبي وربنا
سلمي:باقي علي الحلو يومين
حسام:ايوا بقي هموت واتجوز عشان العشا ال حماتي هتعملهولي
سلمي:وحيات الحاجه كوثر
حسام:ايه يابت ماانتي ال هتاكليني بأيدك ولا ايه ياقلبي
سلمي:بتكثف ياحوسحس
حسام :يالهوي علي احلي حوسحوس بسمعها منك والله بقلك عم عبد المنعم عامل ايه
سلمي :والله انت وحظك بقي
حسام :امممم ماشي ياست البنات يلا تصبحي علي خير
سلمي :وانت من اهلي
راح حسام وقعد مع اخواته وكانت سهرة جميله كلها ضحك وغيرو مود ليلي ال كانت زعلانه
تاني يوم الصبح في المستشفي ليلي بتمر علي كل الحالات وقدام المستشفي وقفت عربيه نزلت منها الاء
الاء:كانت ليله حلوة اوووي ابقي خلينا نشوفك
الشاب:ماشي ياقلبي بس ابقي كلميني بقي عشان اعرف هنتقابل تاني امتي
الاء:لا ياعم انا مش قد الشقاوة والهدة ال حصلت امبارح
الشاب:ماشي ياستي انتي حرة
وسابها ومشي ومن بعيد بيتابع الحوار عاصم صاحب علي وبص ل الاء بقرف ودخلت الاء المستشفي من غير ماتاخد بالها ومرت علي حالاتها وراحت لعلي وليلي دخلت لعلي لقت الاء عندة
الاء :لولي جيتي امتي
ليلي:من بدري انتي جيتي امتي قالتها وهي بتحاول تتجنب تبص لعلي
الاء:لسه من شويه اساعدك وهخرج
ليلي:ماشي
دخل عاصم وسلم علي علي ومامته ال كانت قاعدة معاه مش بتفارقه واول ماشاف الاء هتدي لعلي حقنه قالها بأنفعال وصوت عالي:ابعدي ايدك القذرة دي عن صاحبي
الاء بعدم فهم:افندم حضرتك بتكلمني
عاصم:ايوة بكلمك واحدة زيك متستاهلش تكون دكتورة انتي اذاي مقرفه كدة تقضي ليله مع واحد بليل وتيجي تعالجي واحد الصبح
الاء بصدمه:انا
عاصم:ايوة انتي اعملي فيها محترمه اصل انا هصدقك
الاء:انت مجنون ولا ايه انت بتكلمني كدة ازاي اصلا انت تعرفني وليله ايه ال بتقول عليها دي
عاصم:انتي واحدة شمال ابعدي عن صاحبي لو سمحتي
الاء مقدرتش تمسك دموعها من كلام عاصم وطلعت تجري برة الاوضه
الحاجه منال :ايه ال انت بتقوله دة يابني ليه كدة
علي:انت جرالك ايه ياعاصم ليه عملت كدة
ليلي:انت اذاي تقول انها واحدة شمال انت تعرفها
عاصم:لا
ليلي:عمرك شفتها
عاصم:لا
ليلي:حكمت عليها انها كدة علي اساس ايه انت اذاي تتكلم في اعراض الناس كدة مفكر نفسك مين ها
ليله ايه ال قضيتها انطق
عاصم:شفتها نازله من عربيه شاب وبتقله كانت ليله حلوة ومش قد الشقاوة والهدة وبينهم تلفونات تفهمي ايه
ليلي:افهم انك واحد غبي بتحكم بالمظاهر
عاصم: احترمي نفسك
ليلي:لما تحكم علي واحدة اخوها موصلها لشغلها انها مقضيه معاه ليله تبقي غبي اما تحكم علي كلامهم ال انت مش فاهم معناه تبقي غبي عارف هي تقصد ايه بليله امبارح كان حفله عيد ميلاد ابن اخوها ومراته حامل وتعبانه ف هي ال استحملت شقاوة ولادة ونضفت البيت بعد الحفله وباتت عندهم وهو جه وصلها الصبح حضرتك لازم تعتزرلها
عاصم:انا ظابط وليا مركزي اعتزر لمين حضرتك
ليلي بابتسامه سخريه:سبحان الله اهو اخوها دة يبقي رئيس نيابه 😒عارف ياحضرة الظابط انا لو شفت الاء بتعمل حاجه وهي قالتلي انا معملتهاش هكدب عيني وهصدقها بعد اذنك
علي اعجب بليلي اوووي وبدفاعها عن صاحبتها وعدم خوفها من عاصم
علي:روح اعتذر لدكتورة الاء ياعاصم انت غلط
عاصم:فكك انا كنت جاي اطمن عليك ربنا يعكنن عليهم ايه الستات الهم دول
الحاجه منال:شهادة لله ياابني البنتين دول ادب واحترام والله...
عند الاء ليلي بتحاول تهديها ليلي:خلاص بقي يابنتي دا واحد متخلف اصلا
الاء:انا ياليلي انا واحدة شمال
ليلي:مش قلتلك واحد متخلف يابنتي هما كل الظباط اغبيه كدة عايشين حياتهم تحقيقات سيبك منه وكلميني بقي عن يوسف بيه بقي
الاء ضحكت:اسم الله عليه هو كمان 😹😹😹
ليلي:الاة ليه كدة
الاء:ابن عمه تعبان واجل موضوعنا شويه شفتي الحظ
ليلي:ياستي ولا يهمك
الاء:ياما نفسي امسكه الظابط دة وارنه علقه موت
ليلي:كبري دمااااغك بقي وتعالي نشوف هتلبسي ايه في فرح حس اخويا الفرح بعد بكرة
الاء:والله انا نسيت خالص
قعدو البنات يتكلمو ويضحكو سوا اما عند علي...
الحاجه منال:علوة حبيبي
علي:ايوة ياست الكل:ايه رايك في دكتورة ليلي؟