مهمه عاشق♥️بقلم خلود وائل

مهمه عاشق ♥️ الفصل الثامن عشر

الاء: اوعا النسر اوعاااا
عند علي::...
خلص على شغله ورجع البيت ولما دخل قابلته نهي
نهي:الحمد لله انك جيت بدري عشان تلحق عماد قبل مايرجع اسكندريه وماما ناويه ترجع معاه
علي:بجد ماما هتروح معاه
نهي:ايوة تعالي شوف سارة خلاص اقنعتها
دخل علي البيت وسلم علي اهله
علي:ست الكل انتي بجد هترجعي اسكندريه
الحاجه منال:اسكندريه وحشتني اوي ياعلي هروح شويه انا وبباك ونيجي تاني ونهي هنا معاك اهيه ياحبيبي
علي:طب مش تستني طيب لما تخطبيلي
الكل انذهل من علي وقراره المفاجئ
الحاجه منال:ايه بتقول ايه انت بتتكلم جد ياحبيبي بجد عاوز تخطب ياعلي
نهي:انا كنت متأكدة
عماد:متأكدة من ايه انتي تعرفي حاجه احنا منعرفهاش ولا ايه
علي:سيبك منها انا هقوم أخد شاور عما بابا يجي ونتغدي وانت اعمل حسابك مش هتمشي النهاردة عشان تيجي معايا وانا رايح للعروسه
عماد:مين بقي العروسه ال شقلبت كيانك كدة ونستك مني وعقدتها
علي ملامح وشه اتغيرت وكتم عصبيته وسابهم وطلع اوضته ياخد شاور جايز الميه تهدي النار ال جواة وشريط ذكريات مني معدي قدام عنيه اما تحت عند عماد
نهي:انت ايه ياأخي حرام عليك احنا مصدقنا ربنا هداة وعاوز يتجوز ويعيش حياته
الحاجه منال:ليه كدة ياعماد دة كلام تقوله لاخوك وهو بيقلك عاوز يخطب بتفكرة بست زفته دي ليه الوقتي
عماد:والله ياماما ذله لسان انا مقصدش خالص انا هطلع اعتزرله
نهي:لا طبعا انت عارف انه لما بيكون متعصب مبيحبش يشوف حد قدامه استني لما يهدي وينزل لوحدة
شويه والحاج محمود جه ودخل عليهم لقاهم متجمعين وبيتكلمو
الحاج محمود:ايه ياعماد انتو متغدتوش ليه علشان نسافر بدري
الحاجه منال:احنا مش هنسافر يامحمود
الحاج محمود:ليه ايه ال حصل
نهي بفرحه:مش هتصدق يابابا علي عاوز يخطب
الحاج محمود بفرحه:بجد ال بتقوليه دة يانهي طب هيخطب مين
نهي:لسه مش عارفين يابابا
الحاج محمود:اطلعي ناديه بسرعه
نهي:ثواني واجيبه واجي
طلعت نهي تنادي علي خبطت كتير ومفتحش ففتحت الباب ودخلت لقت علي واقف في التراس وسرحان
نهي:احم احم
علي:تعالي يانهي
نهي:هو مش غلط ياسيادة المقدم انك تسرح كدة ومتحسش بيا دة حتي خطر علي نفسك
علي:اممممم ضابط المخابرات لو فقد تركيزة ثانيه واحدة ممكن يضيع بلدة بحالها
نهي:يعني انت مطنش ترد بمزاجك
علي:يعني مش عاوز انزل معاكي
نهي:انت عرفت منين اني عوزاك تنزل معايا تحت
علي:عشان محدش عندة جرائه يناديني وانا مضايق غير محمود بيه وهو ال باعتك
نهي:عماد طيب والله وميقصدش حقك عليا انا متزعلش منه دة بردو اخونا الكبير عشان خاطري ياعلوة
علي:ازعل منه ليه هو غلط في ايه انا ال واحد مغفل سلمت قلبي وعقلي لواحدة رخيصه داست عليهم وكرهتني في ستات الدنيا كلهم ...اخوكي مغلطش فيا هو بس فكرني بماضي نفسي انساه نفسي يانهي
نهي:افتح قلبك ياعلي مش كل البنات ذي بعض وليلي غيرها واحسن منها كتير
علي:باين عليا اوي كدة اني بحبها
نهي:طق طق طق باين انك بتعشقها بس
علي:😹😹
نهي:طب يلا بباك طاير من الفرحه تحت ومستني يعرف مين العروسه
نزل علي ونهي لتحت وقابله بباه بفرحه غير عاديه ومامته ال كانت بتتمني تسمع اسم ليلي عروسه لعلي وسارة ال هتموت من الغيظ خايفه يكون هيقول علي ليلي وعماد ال راح يعتذر لاخوة
عماد:حقك عليا ياويكا
علي:ولا يهمك ياعمدة
الحاج محمود:مين بنت الناس الطيبين ال انت عاوز تخطبها ياحبيبي فرحت قلبي ياعلي
علي:ايه رايك يابابا في دكتورة ليلي الشاذلي
كلام علي نزل علي سارة كأن في حد ضربها علي دماغها ومنطقتش ولا كلمه علي عكس كل الموجودين ال فرحو جدا وباركو لعلي
الحاج محمود:طب هنروح نطلب ايدها امتي
علي:النهاردة لو تحب
عماد:يااه داانت مستعجل ياعلوة
علي:مش مستعجل ولا حاجه بس خير البر عاجله وذي ماتحبو انا بس عامل علي سفرك وشغلنا ال متعطل بسبب قعدتك هنا
الحاجه منال:علي عندة حق ياجماعه هنستني ايه بدل مانلاقيها اتخطبت خصوصا انها كانت قمر امبارح في خطوبه يوسف واكيد شباب كتير شافوها
نهي:كلامك صح ياماما
سارة بغيظ:لا مش صح المفروض نسأل عليها اول مش نجري نخطبها كدة ومتنسوش انها مش من مستوانا اكيد هتبقي طمعانه في علي
علي بهدوء:انا سألت عليها ياسارة واكيد مش هاخد الخطوة دي غير وانا مالي ايدي منها تحبي تعرفي عنها ايه
سارة:هو احنا نعرف عنها غير انها دكتورة
علي:هي دكتورة متخرجه بأمتياز مع مرتبه الشرف والاولي علي دفعتها طول سنين الكليه ومعاها ماجستير وبتجهز لدكتوراه ومحترمه جدا وابوها عضو في مجلس ادارة بنك اجنبي يعني بيقبض بالدولار واخوها محاسب واخوها التاني في كليه حقوق وامها خريجه اداب وست طيبه وناس عارفين ربنا ومستواهم المادي كويس جدا مش فقرا ولا محتاجين ومش لازم يكون عندهم ملايين عشان اتجوزها كفايه انهم ناس محترمين وفي حالهم وهي عجباني ودي عندي اهم حاجه
الحاجه منال:دة كفايه ذوقها ياسارة والله دي بنت عسل بتدخل القلب علي طول لما تعرفيها هتغيري فكرتك عنها
سارة:ربنا يتمم بخير 😤
علي طلب الحاج مصطفي علشان يعرفه انه هيروحلهم النهاردة بليل هو وعيلته والحاج مصطفي اتفاجئ بس رحب بيهم جدا وبسرعه طلب ليلي يستفسر منها
الحاج مصطفي:ايوة ياليلي ياحبيبتي هتروحي امتي النهاردة
ليلي:كلها ساعه كدة ياحبيبي وهكون في البيت في حاجه ولا ايه
الحاج مصطفي:حضرة الرائد علي ابن عم يوسف خطيب الاء ال كان تعبان في المستشفي عندك دة فكراه
ليلي وقلبها بيدق جامد:ايوة يابابا ماله
الحاج مصطفي:كلمني من شويه وبيستأذني انه يجي يزورنا النهاردة هو وأهله
ليلي:خير يابابا
الحاج مصطفي:باين كدة عاوز يطلب ايدك ياليلي
ليلي بفرحه بتحاول تداريها:هو قالك كدة يابابا
الحاج مصطفي:لا مفسرش يعني بس انا فهمت كدة
ليلي:وانت رأيك ايه يابابا
الحاج مصطفي:اما يجي يابنتي واسمع منه واشوف مامتك ورايك ونقرر
ليلي:طيب ال تشوفه يابابا
الحاج مصطفي:طب انا هكلم مامتك اققولها وحسام عشان يحضر معانا النهاردة وانتي متتأخريش بقي
ليلي بكثوف:حاضر يابابا مع السلامه
قفلت ليلي التليفون وقلبها بيرقص من الفرحه وراحت ل الاء وحكتلها مكالمه بباها
ليلي:يلا بقي نخلص وانتي كلمي سعاد وتعالي عندي بقي النهاردة انا تايهه ومش عارفه اعمل ايه
الاء:اهدي بس كدة انتي باين الفرحه مأثرة عليكي
ليلي:انا حاسه اني هيجرالي حاجه ياالاء علي هيخطبني انا مش مصدقه نفسي
الاء:لا حول ولا قوة الا بالله هما الرجاله عاوزين مننا ايه حتي البت العاقله علي بيه جننها
ليلي بضحك:اتلمي يابت انتي مبتشوفيش شكلك اما بتتكلمي عن يوسف
الاء:يلا يابتاعه علي
ليلي:يلا يابتاعه يوسف😝
خلصو البنات شغل وطلعو علي بيت ليلي وقابلتهم كوثر بفرحه وسعادة
الحاجه كوثر:ياألف نهار ابيض كبرتي وبقيتي عروسه ياليلي
الاء: اه اخيرا هنرتاح منها ياكوكو
ليلي:بس ياماما انا باكل من بيتكو
الاء:يلا يابنتي قدامي ورانا شغل كتير انتي هتصاحبيني ولا ايه
ليلي:مصاحبش فرافير حتي لو راكبين فراري
الاء بتصقيف وغنا:اصاحب التقدير حتي لو هركب اتاري
وانضم ليهم ماهر:واتاري الدنيا اتاري مش حلوة ذي ال في بالي
الحاجه كوثر:ربنا يفرحكو ياولاد ويديم عليكو ابتسامتكو دي
كلهم:يارب
ماهر:القمر بتاعي كبر وبقت عروسه
الاء:لحظه ابكي تراني تأثرت اهئ اهئ اهئ
ليلي :يلا من هنا ياجذمه ...عقبالك ياميمو ياحبيبي
ماهر:اممممم يارب
ليلي بضحك:هكلمهولك والله خلاص
شويه ودخلت ليلي والاء اوضه ليلي وبدائو يختارو فستان لليلي وشويه والاء سابت ليلي تاخد شاور وتلبس وراحت تساعد كوثر تجهز المكان للضيوف وشويه وجه الحاج مصطفي وبعدة بشويه حسام وسلمي
حسام:متدخلو ياجماعه تشوفولنا ليلي اتأخرت ليه كدة
سلمي: سيبها براحتها متستعجلهاش
حسام:يابنتي اختي وحشتني
ماهر:ماانت كنت لسه معاها امبارح لحقت توحشك
الاء:انا هقوم اشوفها
دخلت الاء علي ليلي ال كانت قاعدة متوترة قدام المرايه وبتبص لنفسها
الاء:الجميل سرحان في ايه
ليلي:تعالي ياالاء
الاء:ايه ياحبيبتي مالك
ليلي:انا خايفه
الاء:من ايه
ليلي:مش عارفه علي قد منا طايرة من الفرحه بس قلبي مقبوض حاجه جوايا مش مرتاحه حاسه ان حاجه وحشه هتحصل ومش هنكون لبعض فهماني
الاء: ليه كدة ياحبيبتي اتفائلي خير
ليلي:منا متفائله خير والله بس انا أحساسي عمرة ماكذب عليا بجد انا خايفه اووي
الاء حضنت ليلي جامد:متخافيش انشاء الله مفيش غير كل خير قومي تعالي يلا حسام وسلمي برة من شويه وبيسألو عليكي
قامت ليلي وخرجت لاهلها ال كانو مستنينها وباركولها اول ماشافوها
سلمي:ايه الجمال دة يخرب بيتك
حسام:لا ايه الحلاوة دي بجد
ليلي:الله يخليكو ياحبايب قلبي وحشني اووي امبارح معرفناش نقعد سوا
سلمي:احنا جينا النهاردة بدري مخصوص عشان نفرحكو معانا
ليلي:اوعي يكون ال في بالي حصل
سلمي:حصل ياقلبي وهتبقي احلي عمتو في الدنيا
ليلي بفرحه:ياربي علي الاخبار الحلوة دي
الحاجه كوثر:الف مبروك ياسلمي مبروك ياحسام هتخلوني تيتا ياولاد
ماهر:اممممم طب مش تقولو من بدري ياجماعه كنت عملت اي واجب
حسام:بلاش انت والواجب بتاعك والنبي احنا لسه عارفين امبارح بليل بعد ماروحنا من خطوبه الاء
الاء:عشان تعرفو بس اني وشي حلو عليكو....
عند علي:::...
الحاجه منال:يلا ياولاد انتي ملبستيش ليه ياسارة مش جايه ولا ايه
سارة:معلش ياطنط بطني وجعاني شويه مش هقدر اجي
الحاجه منال بفرحه:طب متحللي كدة تكوني حامل ياسارة
سمعها علي وهو نازل من علي السلم :دي تبقي الفرحه فرحتين ياسارة
سارة بتأفئف:لا كفايه علينا فرحتك ياعلي انا بعدين
علي ببرود:نهي فين ياماما هنتأخر
نهي:من ينادي نهي انا هنا
علي:يلا يابنتي هتأخرينا
نهي:بس ايه الشياكه دي
علي:رايح اخطب عقبالك
(كان علي لابس بنطلون جينس اسود وقميص اسود عليه بليزر رصاصي )
نزل علي وعيلته ومعاهم عمه كامل ماعدا سارة ال رفضت تروح وكأنها معلنه الحرب علي ليلي وفي الطريق وقف علي بعربيته ال كان فيها مامته ونهي
علي:استنوني هنا دقيقه وجاي علي طول
نهي:يارومانسي انت مبيفوتكش حاجه ابدا
علي:ابدا انا مذاكر المنهج كله😹