ثلاث أدعية لا تنساها:
1- اللهم إني اسألك حسن الخاتمة
2- اللهم ارزقني توبة نصوحة قبل الموت
3- اللهم يامقلب القلوب ثبت قلبي على دينك.
***********
اوصل سيف اسيل الي القاعه مره اخري وقبل ان تنزل من السياره ابتسم لها ونظر لها نظره مطوله واردف:
انهرده هنيجي انا وماما وهنطلب ايدك تاني ..
ضحكت اسيل وقالت:ماشي وعلي فكره المحكمه هتضحك علينا ضحك السنين لاننا لسه متطلقين
سيف ورفع حاجبيه : ملهمش دعوه ويلا انزلي عشان امك اهي ووقفه بتعيط ..وشاور عليها من السياره
نزلت اسيل بسرعه من السياره فركضت تجاه والدتها وضمتها بسعاده
هدي ببكاء وهي لا تصدق نفسها:اسيل كنتي فين؟ خضتيني عليكي واخذت تبكي
سيلين بغضب:انتي يهانم كنتي فين ؟وجيه مبسوطه حضرتك واحنا اللي قلبنا واقع من الخضه عليكي ؟
عمران بضيق:متردي كنتي فين ؟؟
كندا بخبث طفولي :كنتي فين يبت يا اسيل ؟ روحتي عند امو (عمو)عبده بتاع الكشري في الخباثه واكلتي لوحدك …صحححح اعترفي ؟
اسيل بضحك هستيري :جماعه اهدوا كده وسمو الله مبدأيا كده المحروسه بنتكم اللي هي انا طبعا وبكل فخر اتخطفت من الثعبانه كرما وطبعا قره عيني ها قره عيني جيه وانقذني ذي الرويات يلهوي يلهوي يجماعه وقالي تتجوزيني وانا قولت اي اتخيلو ؟
الجميع :قولتي لا طبعاً
اسيل بنفي وهي تحرك رأسها :لا قولت اه
ومش بس كده هيجي يتقدملي انهرده واغمضت عينيها بيديها
هدي وهي تضرب كف بالاخر: انا مني لله عشان خلفت الكلبه دي لا دا انا بهين الكلاب كمان عشان وصفتهم وشبهتهم بيكي
امسكها عمران من قفها :يلا يبت يلا يبت قدمي علي البيت
صعدت اسيل السياره واتجهت علي المنزل وكانت في قمه سعادتها
وفي المساء وصلو عائله سيف لمنزل اسيل ..
واستقبلوهم عائله اسيل بكل ود وترحاب
جلست خلود بإبتسامه واردفت : انا يشرفني اطلب ايد بنتي التانيه اسيل لابني سيف
عمران بإبتسامه : انا موافق بس بشرط
سيف بقلق : شرط اي يعمي؟
عمران بضحك:هههه متقلقش انا مش قاسي (قاسي قاسي قاسي وجرحت احساسي💃) ..شرطي انك متزعلش ابدا بنتي ولا تخلي دمعه تنزل منها تحافظ عليها اكتر من اي حاجه تهتم بيها وتتقي ربنا فيها انا المره الاولي موصتكش علي بنتي لاني كنت فاكر انك مش هتزعل بنتي ابدا بس لما انا عرفت اللي حصل يسيف كنت بصراحه يا ابني كرهتك من اللي عملته في بنتي ..لكن انت انقذتها من كرما واعتذرت منها وهترجع فلوس علي.. وعملت كل حاجه تقدر تخلي بنتي مبسوطه وعشان كده انا موافق بس ده شرطي ها هتحافظ عليها ومش هتزعلها؟
أنت تقرأ
الصداقه عنوان الحب (مكتمله)
Romanceكالشمس هي تنشر نورها في كل مكان اما عنه فعالمه مليئ بالظلام هل سيختفي هذا الظلام وتشرق تلك المجنونه حياته من جديد ام سيبقي اسيراً للأبد في هذا الظلام.. روايه باللهجة العاميه المصريه ممنوع النقل او النشرر الا بإذني.
