The God Chasing The Star!

Part.2(Unicode)

The God Chasing The Star!
____________________________
____________________________
____________________________

စုန့်ဟွမ်ထျန်း တစ်ယောက် သူ့ထံသို့အသစ်စက်စက်၀င်လာသည့်မှတ်ဥာဏ်များကိုအကြမ်းဖျင်းလေ့လာပြီးနောက် မျက်တောင်သုံးချက်ခတ်လိုက်မိသည်။

သူရောက်နေသည့် ကမ္ဘာကို ဂျီးနီကမ္ဘာဟုခေါ်ဆိုကြပြီး ပညာရပ်အမျိုးမျိုးတွင်အရင်ကမ္ဘာထက်အနည်းငယ်တိုးတက်ထွန်းကား၏။

ဤခန္ဓာကိုယ်၏အမည်နာမသည်လည်း စုန့်ဟွမ်ထျန်း ပင်ဖြစ်သည်။အသက်၁၄နှစ်သာ ရှိသေးသည့် နုပျိုငယ် ရွယ်လွန်းသည့်ကောင်ငယ်လေးတစ်ယောက်ပင်။

ဘေးတွင်ထိုင်နေသည့် မိန်းမရွယ်မှာသူ၏ မိခင်ဖြစ်သူဖြစ်ပြီး နာမည်သည်က ချင်ရှားယွီဖြစ်၏။
အကြောင်းအရာများကိုအကျဥ်းချုပ်ပြောရသော ဇာတ်လမ်းက သူမကနေစရမည်ဖြစ်သည်။

သူမငယ်စဥ်အခါက အဒေါ်ဖြစ်သူနေထိုင်ရာ Carrox(ကာရို့ရှ်)မြို့တော်သို့နွေရာသီကျောင်းပိတ်ရက် အလည်အပတ်သွားစဥ် ထိုနေရာတွင် မတော်တဆ လူငယ်ကောင်ကလေးတစ်ယောက်နှင့်ရေစက်ကံကြမ္မာစုံခဲ့ကြ၏။ရက်မှလ၊လမှနှစ်ပြောင်း အချိန်တွေအလီလီကုန်ခဲ့သလို သူတို့သံယောဇဥ်တွေကလည်း ပို၍တိုးခဲ့ကြ၏။
ချင်ရှားယွီအငယ်လေးဟာ ကျောင်းဖွင့်ရက်ဆိုလျှင်ဇာတိကိုပြန်ပြီး ကျောင်းပိတ်ရက်ဆိုလျှင် ချစ်သူရှိရာမြေဆီသို့အပြေးလေးအရောက်လာတတ်၏။

ထိုသို့နှင့်တက္ကသိုလ်တတ်ရမည့်အချိန်သို့ရောက်လာသည့်အခါ မပြေလည်သောမိသားစုမှမွေးဖွားလာသည့် ချင်ရှားယွီအငယ်လေးဟာ အလုပ်နှင့်ကျောင်းကြားဗျာများလာပြီး ချစ်သူနှင့်တစ်တစ်တူးချစ်ကြည်နူးဖို့အချိန်တွေမရှိတော့ပေ။

ဒါကို ချစ်သူကောင်လေးကတော့လုံး၀ပင်လက်မခံနိုင်ပေ။ ထို့ကြောင့် ချစ်သူမိန်းကလေးရှိရာ ဌာနေတက္ကသိုလ်ဆီသို့ လိုက်ပြောင်း၍ တိုက်ခန်းတစ်ခန်း၀ယ်ကာအတူနေထိုင်ကြလေ၏။

ကြည်နူးဆွေ့ပြန်ဖွယ်အ ရာတို့ကကြာကြာမခံ။
ချစ်သူကောင်လေး၏မိဘများကသိသွားကြ၍ အပြင်းအထန်ကန့်ကွပ်ကြလေတော့သည်။
ထိုအခါမှ ချစ်သူကောင်လေး၏နောက်ကြောင်းအမှန်ကိုသိလိုက်ရသည့် ချင်ရှားယွီအငယ်လေးအတွက်တော့နွေခေါင်ခေါင်မိုးကြိုးပစ်ချလိုက်သကဲ့သို့ပင်။