දෙවන ආරාධනාව
" නේහා බංඩාර "
නේහා අනුරාධී දිගු කල සුරත අල්ලාගන තම නම පවසනවාත් සමගම ගුරු නේවාසිකාගාරයට පැමිණියේ නේහාගේ මිතුරිය ලවන්යායි.
අනුරාධී තවමත් නේහාගේ සුරත අත නොහැර තදින් අල්ලගන සිටින්නේ තව අයෙක් ආ බවද අමතක කරදමාය . මෝඩ සිනහවක් මුව රදවා ගත් අැයගේ දෑස් එක එල්ලේම එල්වී තිබුණේ නේහා මුවට පහලින් නිකටේ වම් පසට වන්නට තිබූ උපන් ලපය දෙසටයි." සෝ කියුට්. "
අනුරාධී සිතුවේ එලෙසයි. ආකර්ෂණයට රැවටුනු පසු පරිසරයේ සිදුවන කිසිම වෙනස්වීමක් ශරීරයට නොදැනෙන බැව් අනුරාධීට අමතක වී තිබුනා." මේ කෙල්ල මගේ මූණ දිහා බලාගන අනිත්ය මෙනෙහි කරනවද. "
නේහාගේ සිතුවිලි ඇයට පැවැසුවේ එලෙසයි.කළු පාටම නොවුනු තදම නිල් පාට අනුරාධීගේ දෑස් නේහා දෙස එක එල්ලේම බලාසිටීම නේහාට කරදරයක් වුනා. ඒත් හදවතට නැවුම් හඩක් එක්වෙන බව ඇයට දැනෙන්නට වුනා .
" නේහා..... කරදරයක් නෑ නේද. "
ලවන්යාගේ හඩ ඇසුනු සැනින්ම නේහා තම අත අනුරාධිගේ ග්රහනයෙන් ගලවා ගත්තාය. වටපිටාවෙ වූ කිසිම දෙයක් පිලිබදව ඔවුන් දෙදෙනාට නිනව්වක් තිබුණේ නෑ. ඔවුන් සිටියේ දෑසින් ආරම්භ කර කතාබහක.
" අනේ සොරි මිස් අනුරාධී මම පොඩ්ඩක් ලේට් වුනා. ප්රශ්නයක් වුනේ නෑනේ . "
ලවන්යා එක්වරම නේහා අතැරිය අනුරාධීගේ සුරත අල්ලාගද්දි නේහාටත් නොදැනීම ඒ ඇස් ගියේ ඒ දෙසට.
මෙතෙක් ඒ අතේ දැනුනු තෙත මිශ්ර උණුසුම නැතිව යාම ඇයට හොදින්ම දැනුනා." නෑ ටීචර්. මම ප්රින්සිපල් සර් කියපු විදියටම ආවා. ඒත් මේ ටීචර් මාව දන්නෙ නැති එක තමා පොඩි ප්රශ්නෙකට කියලා වුනේ. "
අනුරාධී කිව්වේ නේහාව පෙන්නලා. කෙල්ල නම් තවමත් ඉන්නේ තරහින් . ඒ හින්දම ගස්සලා අහක බලාගත්තා.
" ආ.....ඒ නේහා.... මගේ යාළුවා. "
" නේහා , එතකොට මේ අනුරාධී . "
ලවන්යා ආයෙත් සැරයක් දෙන්නට දෙන්නවම හදුන්වලා දුන්නා....
![](https://img.wattpad.com/cover/265902986-288-k272654.jpg)
YOU ARE READING
COME TO ME || G×G
RomanceLove is not about finding the right person but creating the right relationship. It's not about how much love you have in the beginning but how much love you've built in the end. Neha , A young woman lost in love Anuradhi , A young woman living with...