COME TO ME || G×G

COME TO ME - 04

සිව්වන අරාධනාව

" මට එයා නැතිවුනා නේහා... මගේ ඇස්
ඉස්සරහම..."

.....................................................................
.....................................................................

දෙහෝරාවක්ම ගෙවුනේ ඔවුන්ගේ හැඩුම් කදුළු මැදින්. එකිනෙකාගේ උණුසුමට ලංවී අනුරාධීත් නේහාත් වේදනාවන්ට රිසිසේ ගලායන්නට ඉඩදුන්නා.  කදුළු කියන්නේ කෙනෙක්ගේ දුර්වලතාවයක් නෙවෙයි කදුළු වලට පුළුවන් දුර්වලතාව නැති කරන්න . කදුළු කියන්නේ වේදනාවට හොදම ඖෂධයක්.

" චූටී ටීචර්.... "

වියළුනු කදුළු ඇග රැදි බ්ලවුසයෙන්ම පිහිදාන අතරේ අනුරාධී කතා කරේ නේහාට. බිත්තියට හිස තබාගන නේහා දෑස් පියාගන . නේහාගේ දෑසින් ගලාගිය කදුළු වැල් ඇගේ දෙකම්මුල් මත  සනිටුහන් වෙලා.

ඇගේ පියවුනු දෙනෙත් , ස්පර්ශයක් බලාපොරොත්තු වන්නාක් මෙන් පෙනෙන පිරුණු දෙතොල් අනුරාධී හදවතේ ලබ් ඩබ් හඩ වේගවත් කරන්නට සමත්වූවාය . හිස එක් ඇලයකට ඇරී කඩාවැටුණු සාරි පොට උරහිසින් පහතට වැටී ඇත්තේ ඒ පෙදෙසම නිරුවත් කරමිනි. ඒ සියලුම දසුන් අනුරාධීගේ සිතේ ඇය කෙරෙහි ආශාවන් උපදන්නට සමත්වූවා.

එහෙත් රතු පැහැති සලකුණු ඇගේ එක් කම්මුලක් මත දිස්වෙද්දි අනුරාධීට ඇතිවුනේ පසුතැවීමක් .
තමන්ගේ හදවතට ආමන්ත්‍රණය කල  නේහාව අහිමිකරගන්න ඇය බයවුනා. පරණ මතක හැමදාමත් හීන වෙලා පාවෙලා ඇය ලගටම එද්දී ඒ හීන අස්සේ කිසිත් කරගත නොහැකිව ඇය අසරණ වෙද්දී ඇයට  හිනාවෙලා ජිවත් වෙන්න බැරිතරමට දැනෙන වේදනාවෙ අවසානයක් කවමදාවත් ඇය කරා ලගා නොවෙයි කියලා අනුරාධී සිතුවේ . 
වැරදීමකින් හෝ පව්කාර තමන්ගේ දෑස් ඉදිරියේම නේහාත් ජිවිතය අතහරිනවා බලන්න ඇයට ශක්තියක් තිබුණේ නෑ...

නේහාගේ දෑතේ රැදුනු බෙහෙත් පෙති අහුර , බිම වැටී කැඩී විසිරුණු වීදුරුව අනුරාධීගේ සිතේ මැව්වෙ ඇය කවදාවත් දකින්නට ආශා නොකරන ඒත් හැමදාමත් මොහොතකට හෝ මතකයට එන චිත්‍රයක් .....

" නේහා . "

අනුරාධී හිමින් සීරුවට නේහාගේ කම්මුලක් පිරිමදින අතරේ මහපට අැගිල්ලෙන් වියළුණු කදුළු සටහන් පිසදැම්මා..