المقدمه
لاتياس من تغيير من امامك
فلعل الله يحدث بعد ذلك امرا
الصابره المحتسبه
الحلقه الاولي
في احد احياء اسكندريه ماريا يسكن المعلم فاروق
صاحب اكبر محل خضروات وفاكهه ويساعده ابنه مصطفي وباقي اخواته مصطفي شاب ملتزم ملتحي في بدايته ويتمني من الله زوجه ملتزمه منتقبه
وفي نفس الشارع المعلم سحاب صاحب اكبر محل خضر وفاكهه ايضا ويساعده ابناءه وله بنت متبرجه تدعي سماح خريجه تجاره مثل مصطفي
اكيد عرفتو بطلي قصتنا سماح ومصطفي يلا نشوف القصه من بدايتها
......... في القهوه
.......................
يجلس المعلم فاروق مع صديقه رجب وهو ايضا صديق المعلم سحاب
رجب:انت عارف ايه اللي هيخلي العداوه بينك وبين سحاب تزول وتبقو حبايب وشركا كمان
فاروق:ايه يارجب حاكم انا تعبت من تقطيع الارزاق علي بعض دي
رجب:النسب
فاروق :ازاي
رجب :تجوز مصطفي لسماح
فاروق:ايه وسحاب يوافق
رجب :سيبها عليا المهم تقدر علي مصطفي
فاروق :الا اقدر هو في عيل يقدر يكسر كلمتي
دا انا كنت طردته من المحل والبيت واتبريت منه
رجب:خلاص يبقي كلمه وانا هكلم سحاب
فاروق :استبينا مستني ردك
..................
ذهب رجب وتحدث مع سحاب بنفس الاسلوب واقنعه كما اقنع فاروق وطبعا اللي يقدر ع الواد يكسر دماغ البت وتوافق واتفقا سويا ان يتقدم مصطفي لسماح لانهاء العداوه
...........
في عماره المعلم فاروق
فاروق:اناكلمت رجب يتقدم لسماح عشان مصطفي
مصطفي:سماح ايه اللي هتجوزهاني ياابه دي بت متبرجه عاوز تلبسني فيها عشان تحل مشاكلك مع ابوها
فاروق:مالها بت نغشه ولونه وزي القمر عاوز ايه تاني
مصطفي:دي بتلبس لبس استغفر الله ومكياج اد كده انا نفسي ف ملتزمه منتقبه
فاروق:احنا ناقصين كويس انهم سايبينك بدقنك دي وماتشدتش عاوز تجيب منتقبه كمان عشان تتشدو انتو الجواز
مصطفي:يعني امشي مراتي بلبوص ف الشارع عشان مانتشدش
فاروق:انا اديت للراجل كلمه وابقب نقبها قلعها انت حر فيها اما تبقي علي زمتك
مصطفي:ياابه انا ابنك ماتعملش فيا كده
فاروق:خلاص مات الكلام هي كلمه وانتهينا
.................
في بيت المعلم سحاب
سحاب:بت ياسماح عمك رجب كلمني بخصوص مصطفي ابن فاروق عاوز يجوزك
سماح:مصطفي الواد ابو دقن الخنيق ده
لا مايلزمنيش دا واد غتت ودمه تقيل
انا عاوزه واد روش يدلعني مش يكبتني ويكتمني
سحاب:انا اديت كلمه للناس خلاص ماعندناش بنات تقول رايها
..............
وفعلا جاء الموعد
وذهب مصطفي علي مضدد مجبر علي هذه الزيجه من اباه
فاروق:احنا بقي عاوزين نفتح صفحه جديده ونجوز سماح لمصطفي
سحاب:وانا يشرفني يافاروق ياخويا واحنا نلاقي زي مصطفي
وتدخل سماح ايضا مجبره ولكن بكامل تبرجها
ينظر لها ويرجع يستغفر وينظر للارض
ويقرو الفاتحه ويتفقو علي موعد الخطوبه
وياتو بالشبكه ولايريد مصطفي ان يلبسها الشبكه فتلبسها امه الشبكه
واصبحا مخطوبين رسمي ولا مفر من التراجع
....................
فاروق:انت ياد مابتزورش خطيبتك ليه الناس تقول شبكناها ورمناها
مصطفي:بصراحه مش طايق ابص ف خلقتها
فاروق:امال هتجوزها ازاي
مصطفي: ربنا يحلها من عنده ساعتها
فاروق :شوف بقي لازم تزورها وتديها المواسم بتاعتها يقولو علينا ايه مابنفهمش ف الاصول
مصطفي:حاضر هحاول
وفعلا استمع لكلام والده وراح لزياره سماح
............................
سماح: وشك ولا وش القمر انت لسه فاكر ان لك خطيبه خطبتها ورمتها
والله جيت علي نفسك ماكنت استنيت للدخله
مصطفي:مش عاوزين تقطيم
معلش كنت مشغول شويه
ثم الجماعه فين ليه سايبنلنا الاوضه احنا لسه مخطوبين مش مكتوب كتابنا ودي خلوه
سماح:ماهم بره اهم والباب مفتوح وانا هعمل فيك ايه يعني خايف مني اعضك
مصطفي:انا اللي هخاف منك موازين الدنيا اتشقلبت
يابنتي انا لسه اجنبي بالنسبه ليكي
سماح:هههههه ليه جاي من كوالا لامبور
مصطفي:ياجاهله اجنبي يعني مش من محارمك زي ابوكي واخوكي
سماح: مانت هتبقي جوزي
مصطفي:هبقي لسه مش بقيت
ثم ايه البلياتشو اللي عملاه ف وشك مع ان لو غسلتي البهدله دي هتبقي زي القمر عن كده
تضربه بكوعها بجد يعني انا زي القمر
مصطفي: ماتلمسنيش لو سمحتي
سماح:ليه نقضتلك الوضوء ياعم الشيخ
طب ماتيجي تمشيني ع الكورنيش وناكل دره مشوي
مصطفي:اقولك اجنبي تقوليلي نخرج ودره مشوي
بت مخك فاضي صحيح
انا ماشي دا انا اتمليت ذنوب ف القاعده دي
...............
أنت تقرأ
الصابره المحتسبه
General Fictionكان يرغب بالزواج من فتاه ملتزمه فهو في بدايه التزامه ويريد من تعينه وتقويه ولكن والده كان له راي اخر ليجبره علي الزواج من بنت جاره حتى يزيل الخصومه بينهما ولتكون سبب شراكه فيما بعد فماذا سيحدث هل ستستجيب له ام ستظل علي عنادها
