الصابره المحتسبه
الحلقه الثالثه
في الصبحيه جاء اهل العروس كعادتهم يهنؤ واخذت ام سماح ببنتها لغرفه النوم
ام سماح:ايه يابت طمنيني عملتو ايه
سماح:ماعملناش حاجه
ام سماح :ياحوستي ليه يابت كفي الله الشر
سماح:مافيش يامه عندي عذر
ام سماح:يخيبك خضتيني وانتي عبيطه مشكنا اجلنا الفرح زمان الواد شايط ياكبد امه
سماخ:تلاقيه بيقول بركه ياجامع وانا كمان مرتاحه منه
ام سماح:ليه يابت
سماح:ياختي قعد يقولي نقاب ومانقابشي
ام سماح:الواد غيران عليكي ياخيبه ومش عاوز حد غيره يشوفك
شوفي بقي لايمي امورك معاه لحسن ابوكي حالف ايمنات طلاق لو ما لمتي نفسك ماهيعديهالك مش ناقصين الشراكه تبوظ واحنا ف اولها
سماح:حاضر ياامه
.............
ذهب الجميع وجاء مصطفي بجانب سماح يتحدثون كعادتهم هذه الايام
سماح:انت اجوزتني ليه
مصطفي:زي مااجوزتيني بالظبط
سماح:بس انا بنت والبت مالهاش راي واهلها يقطمو رقبتها وتبقي تحت طوعهم
مصطفي:وانا بحترم ابويا ولا يمكن اخالفه
حتي لو قالي اسلم رقبتي له زي سيدنا اسماعيل لما سلمها لابوه سيدنا ابراهيم مش هتاخر واهو ربنا فداه بكبش سمين وبقي عيد الاضحي بتاعنا
يمكن بطاعه ابويا يكرمني بهديه كبيره
بصي يابنت الناس سواء انا وانتي مجبورين اولا فاحنا خلاص اجوزنا وبقي امر واقع ولازم نتاقلم معاه
سماح:ازاي بقي
مصطفي:يعني تعملي الحاجه اللي ترضيني وانا اعمل اللي يسعدك
تحفظيني فم مالي وعرضي وتصوني شرفي
وانا كمان ونبقي سند لبعضنا نعين بعض ع الطاعه مش تكسري مقديفي
سماح:شوف بقي انا ممكن اعملك اي حاجه لكن لبس النقاب وابقي ست الشيخه دي صعب انا ممكن ابطل بناطيل والبس جيبات فساتين انما نقاب وكده لا
مصطفي:وانا مش هياس منك وهحاول معاكي واصبر عليكي
مش هتطهري ف سنتك بقي
ولا مقدمه اعتذار السنادي
سماح:ههههههه شكلي كده نقضيها اخويه السنه دي
مصطفي:ماهي جوازه باينه من اولها
وسعي بعيد وروحي نامي
.....................
وبعد فتره يقابل مصطفي شيخ الجامع كعادته
مصطفي:ياشيخنا زوجتي حاولت بكل الطرق معاها تلبس النقاب مافيش فايده ولا حتي بتحاول تقرا ف الدين وانا تعبت معاها
وماقدرش اطلقها ولا اجوز عليها هتحصل مشاكل كتير
عملت زي الايه الكريمه وعظوهن مابتتعظش ولو هجرتها ف المضجع ماهتصدق وتقول خير وبركه وانا مش عاوز اضربها عاوز تيجي منها بالتراضي
الشيخ:عليك بالدعاء والاستغفار فهما يدرءان البلاء وفيهما شفاء لما فالصدور
واصبر واحتسب لعل الله يحدث بعد ذلك امرا
أنت تقرأ
الصابره المحتسبه
General Fictionكان يرغب بالزواج من فتاه ملتزمه فهو في بدايه التزامه ويريد من تعينه وتقويه ولكن والده كان له راي اخر ليجبره علي الزواج من بنت جاره حتى يزيل الخصومه بينهما ولتكون سبب شراكه فيما بعد فماذا سيحدث هل ستستجيب له ام ستظل علي عنادها
