الصابره المحتسبه
الحلقه التانيه
مصطفي:ياابه حرام عليك ترمي ابنك الرميه دي
دي بت مخها فاضي دي عوزاني افسحها ع الكورنيش واكلها دره مشوي دي ماتعرفش حاجه ف دينها خالص
فاروق:وماله لما تفسحها مش خطبتك
مصطفي:يابه انا غريب عنها ازاي اتمشي معاها كده
فاروق:قال يعني انت اللي بتفهم ف دينك اوي
مصطفي:انا ماقولتش اني عالم بس لسه ببتدي وبعرف وعاوز حد يساعدني ويعني ونبدا سوامش يهدني وينزلني لتحت معاه ويبقي حمل عليا
فاروق:بطل ياد ومشي حالك ولما تبقي ف بيتك اعمل اللي عاوزه معاها
.................
سماخ:ياابه حرام عليك داانا بنتك ترميني الرميه السوده دي دا واد خنيق وغتت مش طيقاه دا مابيضحكش للرغيف السخن
دا لو ضحك وشه يفلق
سحاب:ماتتلمي يابت عاوزه واد فرفور من بتاع اليومين
دا مصطفي شايل تجاره ابوه ودراعه اليمين
ولو سمعتك بتقولي الكلام ده تاني هقطع خبرك
.............................
ثم يتحدد موعد الفرح ويتم زفاف عادي وليس اسلامي كما كان مصطفي يريد فكل ما كان يريد ذهب مع الريح
..............
ويذهب مصطفي وسماح الي شقتهما
مصطفي:روحي اتوضي عشان نصلي سوا
سماح:ماينفعش
مصطفي :ليه بقي ان شاء الله علي رجلك نقش الحنه
سماح:عندي عذر شرعي
مصطفي:يا نهار ابوكي مالوش ملامح
انهارده .انتي عبيطه ولا ايه مش تبقي عامله حسابك في حد يعمل فرحه ف الايام دي مااجلتوش ليه
سماح:وانا اعمل ايه هي جت من الخضه
مصطفي:خضه ايه هو انا لسه جيت جمبك
ياربي ع التخلف ده هو جوازه باينه من اولها
والجواب بيبان من عنوانه
قومي نامي ياسماح
ولا استني طالما فاضيين نقعد نتكلم شويه انا اصلا ف الخطوبه لا كنت بكلمك ولا باجي اهو نتعرف اليومين دول يمكن خير لنا
سماح:لا انا هتفرج ع المسلسل
مصطفي: نعم ياختي جوزك يقولك عاوز يقعد يكلم معاكي تقوليله مسلسل
طب تعالي نتفرج علي برنامج ديني
سماح:لا ماليش مرار ع العالم دي
انا عاوزه المسلسل
مصطفي:طب بلاها تليفزيون خالص ف يومك ده ياسماح وامشي خشي قدامي نكلم
سماح:يوووه ماتزقش كده
مصطفي:والله شكلي هيبقي اول عريس يضرب مراته ليله الدخله ويكسرلها عضمها
سماح:اخس عليك ياصاصا تضربني ف ليله دخلتي
مصطفي:صاصا دلع مريء
هي فين الدخله دي ماضربتلنا الليله
انا مش متفاءل من اولها
مصطفي:بصي بقي انا كان نفسي مراتي تبقي منتقبه
سماح:لاااالاااالاااا انسي البتاع اللي بيخنق ويطلع بلحه الزور ده
لا ماليش فيه دا انا اتخنق شوف بقي انت واخدني علي كده ماغشتكش انما تقولي نقاب يفتح الله
مصطفي:ياستي بلاش نقاب نبتديها واحده واحده وانا معاكي بس انا جوزك واقل حقوقي عليكي تسمعي كلامي ولما اقولك تلبسي ده وماتلبسيش ده تسمعي اللي بقوله عشان مانفضلش ف خناق سوا
سماح:وماله لبسي اشيك بت ف الحاره
مصطفي:هي الشياكه ماتجيش الا بالضيق ده
وده بقي مابيخنقكيش ويطلع بلحه زورك
سماح:لا انا خدت عليه
مصطفي:ربنا ياخدك ياشيخه طلعتي عيني ف اول ليله
قومي من وشي بدل مااتغابي عليكي
قال مرتاحه ف الضيق والنقاب يطلع بلحه الزور
سماح:انت عاوز ايه ياصاصا مني دوقتي
مصطفي:عاوزك توسعي لبسك شويه وتبطلي مكياج وتتعلمي ف دينك شويه
صعب ده
سماح:قال بعد ماشاب ودوه الكتاب
مصطفي :والله اشقلبك من ع السرير
انتي خساره معاكي الكلام
دا انتي ع الابيض
سماح:شوف بقي انا كده وبحب عيشتي كده هو انت اللي هتتحاسب ولا انا
مصطفي:ماانا هتحاسب معاكي يافالحه وهتجريني معاكي بعمايلك دي
سماح:وانت مالك هو انت اللي بتلبس ولا انا
مصطفي:اسلامنابيقولنا كلكم راع وكلكم مسؤل عن رعيته
سماح:ودا معناته ايه بقي
مصطفي:ان انا مسؤل عنك وعن عيالنا اللي هيجو لما ربنا يفرجها علينا ان شاء الله
سماح:ههههه يوه جاتك ايه ياصاصا ضحكتني
مصطفي:هو ده كل اللي ركزتي فيه من كل اللي بقوله
نامي ياسماح كفايه عليا الجرعه دي ليوم واحد يومين كمان وهتجبيلي ضغط وسكر
أنت تقرأ
الصابره المحتسبه
General Fictionكان يرغب بالزواج من فتاه ملتزمه فهو في بدايه التزامه ويريد من تعينه وتقويه ولكن والده كان له راي اخر ليجبره علي الزواج من بنت جاره حتى يزيل الخصومه بينهما ولتكون سبب شراكه فيما بعد فماذا سيحدث هل ستستجيب له ام ستظل علي عنادها
