ساجد :تتجوز داليا، هو دا شرطي
صُدم الجميع بما تفوه به ساجد ونظروا جميعا الي داليا ثم وجهوا نظرهم تجاه ساجد
ولكن داليا هبت واقفه وعلا صوتها قائله
داليا : لا انا مش موافقه انا مش هتجوز تميم، انت ازاي يا ساجد تقول كدا هو انا سلعه قدامكم بتبيعوا وتشتروا فيا ماليش راي؟
انا مش هتجوز تميم وموافقه يا مامي علي تامر
وبعد ذلك تركتهم وصعدت الي غرفتها
اصبح الجو مشحون فقال شريف
شريف :طب يلا يا دلال، شكرا يا نسمه الاكل جميل
عاد تميم وعائلته الي قصرهم وصعد كلا من ساجد وتريم الي غرفتهم وبقي فقط نسمه وتامر ومدام سوزي
سوزي: طالما داليا موافقه يا نسمه نحدد معاد الخطوبة
تامر : المهم تكون قبل ما اسافر عشان عندي صفقه في فرنسا بعد اسبوعين
نسمه : خلاص ماشي نعملها بعد اسبوع علي يوم الجمعة كدا
سوزي : كدا كويس علي ما نعزم اصدقائنا والناس الهاي كلاس وكدا
نسمه: ايوا طبعا
تامر: طيب انا همشي دالواقتي عندي شغل و انتو اتفقوا مع بعض علي كل حاجه
سوزي :تمام يا حبيبي ربنا معاك
في تلك الاثناء داخل غرفه ساجد....
تريم : هو انت ممكن تخليني اعيش معاهم؟ وليه طلبت من تميم يتجوز داليا؟
شعر ساجد بالغضب لنطقها اسم تميم ثم رد قائلا
ساجد : اولا انا اعمل اللي انا عاوزه واقول اللي عاوزه وانت هنا تنفذي وبس لحد ما الاتفاق يخلص واطلقك وتأخدِ الفلوس وتروحي لحال سبيلك
تريم بضيق : حاضر
ساجد: وكمان شكلك خدتي علي تميم اوي، عموما في حاجات هقلك عليها بس مش حاليا
تريم : تمام
تركها ساجد وذهب الي اصدقائه:
ايمن صديق ساجد : اي يا كبير فينك كدا، وبعدين اتجوزت ازاي وفين، واحنا ما نعرفش، طيب كنت عرفنا كنا هنظبطك
ضحك ساجد علي كلامه صديقه ثم قال
ساجد: الموضوع جي بسرعه بس تتعوض بكره معزومين علي الغدا عندي
محمد: طيب هو انت اتجوزت مين؟ مش انت كنت بتحب سمر ووعدتها تتجوزها؟
ساجد: انا اتجوزت بنت اسمها تريم، هعرفكم عليها بكره، اما سمر فانا هتجوزها بس مش دالواقتي
ايمن: لا حيلك كدا حاسب هو انت عاوز تتجوز سمر واتجوزت بنت غيرها ومين بيودي علي فين!...
ضحك ساجد كثيرا علي ايمن ثم قال
ساجد: عادي هو الشرع مش حلل اربعه ولا اي
محمد: لا وانت ماشي علي الشرع اوي، عموما ربنا يسعدك
ايمن : مش مطمن ليك ههه بس بكره نعرف، يلا ربنا يسعدك
ساجد: عيبك انك فاهمني هههه، اشربوا، اشربوا
وفي قصر تميم...
شريف : انا مقدر اللي انت فيه يا نسمه بس مش معقول هتاخدي مراته منه لانها شبه بنتك الله يرحمها
دلال: انا حاسه انها بنتي، مش باخدها منه هو وافق وهياخد مقابل ، فيها اي لو فضلت معانا وانا هعمل العملية
تميم : مش مهم يا بابا، انا هتصرف و هخلي ساجد يوافق وان شاء الله تعملي العملية...
دلال: تمام يا حبيبي اول ما هتيجي هعمل العملية
تميم : تمام انا هطلع انام عشان مرهق شويه
دلال وشريف :نوم الهناء
صعد تميم الي غرفته وقام بالاستحمام ثم صعد الي فراشه وظل يفكر في كيف سيقنع ساجد بالامر ولكنه نفض تلك الافكار وتوكل علي الله واستغرق في النوم
عند ساجد واصدقائه.....
ايمن : طيب انا همشي عشان مرهق اوي وعاوز انام يلا سلام
محمد وساجد: سلام
ركب ايمن سيارته و في الطريق كان هناك قطه تعبر الطريق وكان سيصدمها ولكنه توقف قبل ان يصدمها وهبط من السيارة وامسك بالقطة، فكانت قطه سوداء ذات عينان خضرواتان
واذا بفتاه تركض وتقول
تعالي هنا يا ماري هيا تعالي
الفتاه : اوه انا اسفه جدا شكلها ازعجتك ممكن من فضلك
ولكنه قد تاه بملامحها الجذابة
الفتاة: يا فندم، يا استاذ
ايمن : اه اسف دي قطتك صح، جميله اوي
الفتاه : شكرا، ممكن القطه
حك ايمن راسه : اتفضلي
الفتاة :شكرا
ايمن : هو انتِ اسمك اي؟
الفتاة: احم اسمي روفيدة
ايمن : اسمك جميل انا ايمن
روفيدة: تشرفت بمعرفتك
ايمن: انا اكتر، تحبي اوصلك؟
روفيدة: لا انا البيت بتاعي قريب من هنا مافيش داعي شكرا
ايمن : لا والله ابدا مش هسيبك تمشي لوحدك كدا بليل اركبي هوصلك
روفيدة : تمام شكرا
ركب كلا من روفيدة وايمن الي السيارة ثم قاد ايمن سيارتة وكان طول الطريق يختلس النظر الي روفيدة
روفيدة : احم ممكن توقف هنا البيت
ايمن بتنهيده : وصلنا بسرعه، اتفضلي
روفيدة : شكرا
وعندما نزلت روفيدة من السيارة اذا بصوت احدهم يفزعها
روفيدااة.....
... يتبع
أنت تقرأ
ترنيمات قلب ♥، بقلم اسماء محمد
Romanceابكي وحيدة، لعل حزني يزول، ولكنه يزيد ويزيد اتري سينتهي هذا الحزن ام لا؟............
