ما بين الحرب والحب

الحلقة 5

#ما_بين_الحرب_والحب ❤
الحلقة الخامسة
صبح 8:00🌤🌤
المطبخ:-
ساجدة:خيرهم هذوا وجوهم مقلوبه هكي؟!! كأنها صار شي وله!!
وداد :تشوف لي امها خيرهم ماما فيه شي!!
فاطمة:يلا كملي أكلك وامشي لقرايتك بسرعة ميبوش يقولوا حتى خدم سألتهم قالوا صاير شي فيهم ومخبينه!!
ساجدة:افففف بنقعد بروحي اسمعي نمشي معاك عادي ؟؟
وداد:منعرفش لو تقدري هو عادي في ثانوية متاعنا لو جت ضيفه لينا!!
ساجدة:باهي كملي أكلك واني نلبس ونلاقيك عند باب❤
وداد:تمام نستنى
نورية:داخلله للمطبخ وجها مخطووف لونه ...طلعي أكل الكل في صالة
فاطمة:حااضر
_____________________________________
صالة:-
مالك:جدي إن شاء الله لابأس عليك توا انا بنمشي لي محكمة لو مفيش مانع!!
صقر:عدي يا ولدي ربي ينصرك وحط ايده على كتفه
مالك:بأس ايد جده وطلع
صقر:كان مهدود على آخر كانت نظرااته مش زي كل مره كاان قعد يشوف في شي في عيون الكل يكره يشووفه نظره شفقه كاانت أحقر شي حس بيه صقر وسبب ليلة وحده خلت كل نظرااتهم تتغير لي صقر 💔

صفية:كول اقل شي مالك اصبر...
مالك:امي شغل على رأسي اسمحيلي نطلع توا
صفية:ربي يباركلك إن شاء الله ❤وكملت توصل فيه لعند باب

ساجدة:امي فيقي ماما افففف خلاص لما نرجع نقوللها هياا غاطسه في نووم يلا ودخلت لبست وطلعت❤

نور:تاكل وتشوف لي جدها وفي داخلهاا والله كبررت ياصقر وقريب تموت شكلك هههه هذا جزاتك على كل شي قعد دير فيه💔
خلود:تشوف لي جدها وكل مره تنزل دمعه من عيوونهاا عليه كانت متقدرشش تأكل وكل مستغرب منهاا مش مفهووم هيا خيرها هك؟؟
عيلةة كلهاا تأكل في صمتت كبيرر ومفيش حتى كلام يحكوا فيه الا بس يتبادلوا في نظراات استغرااب وشفقه على حالت حاج الي صدمةة باينه عليه❗
صقر:ناض من سفرة وركب للجناح متاعه ...
سالم:سلامه بوي كبيره والله
حسين:من ولد لحرام هذا الي وصل لعند سرير بوي وخش فووق كل هذي حراسه الي برأ؟؟
علي:لاحول ولا قوة إلا بالله...معقوله حالت بوي توصل لي هكي!! استغفر الله وخلاص
نورية:خلاص منبوش تطلع على حاج اي اشاعه ولاحتى بلكلام ردوا بالكم هو قعد يفكر في انتخابات ولو طلع اي كلام او اشاعه عليه حيقولوا مريض وكل شي يوقف..
سالم:لاكن يا امي اهم حاجه صحة بوي قبل كل شي !!
نورية:كلامي واضح اناا مهم انا قلتلكم ميطلع شي من هنا ومتحكوش لي حد حتى نعرفوا من هذاا!!
زياد:اكيد حد هنا يشتغل مفيش غير هك لانه لو مش من هنا كيف خش للقصر!!
حسين:صكر فمك ومتتكلمش حد مطلب رأيك وتوا نوض دير شي خير من انك صايع هك ومدير في شي...
زياد:نزل رأسه ونااض من سفرة
سالم:كسرت بخاطره ولد قدامنا مش عيب عليك
حسين:انت بذات خليك على جنب ولدك مالك واخذ محبة متااع بوي واخذ كل شي خلينا نربوا اولادنا كل حد على كيفه ....نااض من جنبهم!!
علي:عنده حق ياسالم خليه يربيه ولد هذا انا منرتاحش لي تصرفااته وحتى مكانت بوي مستحيل تناسب طيشه رااه
سالم:ربي يهديه إن شاء الله...يلا انا طالع ندير دوره على مصنع ورااجع لشركه ...امي اي شي يصير لي بوي قوليلي!!
نورية:إن شاء الله