ما بين الحرب والحب

الحلقة 11

#ما_بين_الحرب_والحب 11
وقت الي الكل في غرف رااقد وهدووء كبير وقت الفجر
سمعوا صووت عرااك وعيااط كبيرر في جنان القصر🔥
وبسرعةة الكل متجمع ويحزوا في عركة وشكله الاجواااء حاميه هلبا...
مالك:من زمان عارف مصايب حتجينا منك قعد ناازل في زيااد ضرب بي ايديه ورجليه ..!!
أحمد:يحاول يبعده عليه ...
المساوين  وبناات يعيطوا والكل تلاقوا في جنان وكل حد يشوف من جيهة !!
لبنات قعدوا يتفرجوا من بلكونه
ساجدة:ياربي يكمل عليه ...!!
ااء اسفه خلود لاكن خوك ميستحيش بكل ورجعت تتفرج  ...
خلود:قعده مصدوومه ....وبعدها طلعت بسرعةة
ريهام:بالله توا هذا كلام تقوليه يستاهل وتدعي عليه قداام اخته ..
وداد:هو صح يستاهل لاكن ناس عيب كلهم يتفرجوا عليه ..
ساجدة:وهو مالك يعرف العيب شوفي بالله شن داار في ولد حي شوفي عقربه ميرا ورواسي طلعوااا ..!!
وداد:اكيد كل وحده بتكسب الموقف في صالحها
ريهام:من امتى انتي وهيا تحبوا تقريم لدرجه هذي !!
ساجدة: هااا عندك الحق ...يلا مدخلناش حني خلي نرتبوا البلكونه ونرقدوا ليلة حفلة❤
مخاطريش في شي الحق
ريهام:خلاص انتوا ارقدوا واني توا نشوف شن صاير البرأ وكل أمور تنحل بعدهاا

مجد:صكر باب ودخل كانوا ايديه من قدام وخلف كلهم دم ومجروحين كانوا جسمه مهدود ع آخر
دخل لي مقر بسرعة بدون ماحد يحس عليه وع طوول لي دور أرضي ...
كان يبي يخبي جروحه الي باانت ع كل جسمه كاان خاطرهاا يعيط والا يقوول شي
ضحيت ع خاطر بلادي بس في مقابل مفيش حد ضحه على خاطري .. 💔
نست كل شي وتوا فرحانه مع راجلها نست حلمي اني نرجع ونتزوجها مكلفتش نفسها تحزن عليا شهر اقل شي ليش لي هدرجه انا رخيص وقدري هكي بين عيلتي وناسي 💔
حاول يفتح باب غرفته ويدخل دفف  باب وخش :-
قعد يكسر في حااجات طاولة وكل شي في غرفة

سندس:فزتت من سرير بخووف تسمعي في صووت كادي الي في دور الأرضي ..!!
كادي:لبست وشاحهاا متاعها
ايه هذا مجد رجع بس معرفتش ليش ضجه الي دايرها تحت!!
سندس:ااء ناضت من سرير زعما ننزل نشوفه؟
كادي؛كيفف انتي مهبولة والا شن اني وانتي ممنوع نطلعوا من مكان هذا واساسا محدش يعرف انه ساكنين هني من غير مجد ...
سندس:باهي خيره شن صاير معاه !؟
كادي:مش عاارفه الحق !! بس إن شاء الله خير ❤
نوضي صلي بي مأنه نضتي مفيش أحسن من انه تصلي الفجر حااضر
سندس:ايه صح بس كادي عادي لو سألتك توا اني تعرفي قصتي بس انتي شنو قصتك ؟
وشن جابك لي هني !
كادي:ماسكه قرآن ... اني توالدت بدون مكان نعيش فيه اساسا لقوني قدام جامع من سنين وبعدهاا عشت في ميتم لسنوات طويلة وبعدماكنت حندخل لي جامعه بعد حصلت نسبه كبيره في ثانوية فيه بنتين الله لايسامحهم حطوا في شنطتي تلفون مسؤله علينا وقعد اياام عندي وبسببه تعاركت مع راجلها وبعد ماكشفوا انه تلفونها في شنطتي تحساب انا درت هكي لي سبب وبعدها قررت تنتقم مني ... وفي نص طريق بعد مروحين من مشوار اني وبنات ... فتحت باب سيارة وقتلي انزلي منها وقعدت تعيط عليا...
نزلت في نص طريق وفي رااجل كبير في سن وصلني لي شرطه بعدها رجعت وقريت أمن حتى نقدر نأخذ حق كل بنت مظلومه ..💔
وطبعا اكيد بتسألي وين قعدت  طوول فتره هذي قعدت عند عيلة تبنتني وبعدهاا معش قدرت نثقل عليهم وطلعت بعد سمعت كلمة خلتني نسيب كل شي ونمشي
سمعت وحده من بنات قالت شن يضمن بنت هذي (مجتش بي لحرام)!💔
سندس: نزلت رأسهاا ...ياربي هذا كله عشتيه في حياتك💔 ....توا خلاص اني اختك وكل شي هذا كله مكتوب
كادي: الحمدالله ...باهي وانتي ليش مرجعتيش لي أهلك ..!
سندس:لانه مستحيل يستقبلوني بنتهم مختفيه لي اسبوع وناس كلها تحكي عليهم ومفيش سيره مطلعش عليا شن متوقعه يديروا ويمكن لو منجحتش في مهمه متاعكم وقدرنا نثبتوا برآئتي ونمسكوا الي تسببوا في الأذى ليا مستحيل نرجع ولانحلم في جديد نشوفهم..❗
كادي:باهي توا الكل معتقد انك ميته ؟
سندس:ايه الكل حتى ماما الي عمري ماخبيت عليها شي ..💔
كادي:خلاص متزعليش حنحلوا كل شي مع بعضنا يا قلبي❤
___________________________
في مربوعة:-
سالم:شن الي درته تضرب في ولد عمك بي طريقة هذي!
هذا كله من سلطه الي عطهالك جدك لولا هكي مبديتش متسلط ومتستحيش على وجهك ...
مالك:منزل رأسه وقعد ...مش قادر يقول شي ولاحتى يبرر على الي دااره ...!!
أحمد:شن الي صاار يازياد حتى ضربك هك قوول شني الي دايره مالك عمره ماغلط في حد!!
زياد:يمسح في دم الي ناازل من خشمه ورافع رأسه لي فووق اسأله توا روحت بس للقصر حتى نغير حوايجي هجم عليا منعرفش شن سبب حتى ...
حسين:متعرفش شن سبب أكيد داير مصيبه شن يا مالك قوول شن صار لميتوا ناس كلهم عليكم من عرس حولتوه لي مصيبه كبيرة ...!!
علي:بعد المصيبه هذي الأحسن انه مالك وزياد يبعدوا على العرس لانه عيب قدام الناس وفضيحه مشاكلهم
صقر:فتح باب ....شن الي صاير!
الدوشه هذي وشن سبب العركة الي صارت بينكم ..!!
علي:سبب من مالك ضرب زياد شوف قدااش الفرق بينك وبين عمره ادير فيه هكي ..؟!
مالك:طلع  وخلاهم يتكلموا ...
علي:يا أحمد انت عارف انه ولاد عمك مش مسؤلين خليك انت مع جدك ...
أحمد:كيف لاكن يا بوي! اءء عندي نادي
علي:كلامي وااضح انا
رجع مبتسم للمربوعه كأنه مشكله الي صارت جت في مصلحته توا بس مالك حينزل من نظر جده انه مستهتر وطايش حيفضى جوا ليه انه يخلي أحمد يمسك سلطه وكل شي وهو مش عارفه انه أحمد ميحبش حاجات هذوا وممكن يخربله كل شي 🤦‍♀️...