#ما_بين_الحرب_والحب_7
صبح :- ساعة11ونص
وسط سااحه متاع كلية :-
طالباات يراجعوا بعد امتحاان وكانوا قاعدين في قروباات بجنب بعض ❤
أمل:حطت دفااتر متاع لقرااياا وبدت تندب من جديد مقدرتش نجاوب كويس ....اففف هممم هذا مش قاادرة غدوة امتحاان ومقدرتش نجاوب حتى يوم ؟!
بنت:هلا أمل شن امورك ؟
أمل:بي مللل مزفته حتى امتحان يوم مركزتش كويس كنت نقدر نجاوب باهي !
بنت:اهاا شكله صارلك زي ريان لاكنن توا امورهاا تمام وتعرفي تطلع من امتحاان مجاوبه كل شي وقالت اول ماتقرأ طوول يرسخ في رأسهاا ❗تعرفي كيف؟
أمل: انتبهتت لكلاامهاا كيف شن داارت هذي قوليلي بالله...
بنت:تعالي معاي للحمام دااخل وتوا نعطيك شن دارت !! لاكنن لو جربتي تقولي لحد تشوفي؟
سر هذااا
أمل:لااشن نقول خليه شي هذا لياا اني بس نبي نكوون اولى على الكل
بنت:ابتسمت بخبث ..وقربت ألحقيني
أمل:شاافت وهيا مستغربه ولحقتهاا
مالك:شنو يعني بتفسخ اشرحيلي من جديد!!
عرسك بعد اسبوع وتوا جايه تقولي بنفسخ ليش شن صاار ؟ واساسا من طلب رأيك انه يوقف عرس او لا!؟..
صفية:الله غالب عليهاا أختك منعرفش شن صار في رأسهاا قالت منبيش نكمل معاه!!
كله ع خاطر صارتلهاا مشكله معاه ع خاطر تكتب وهك...
مالك:شن هوا ع اساس مفيه حد طلب رأيهاا وقاللهم تحدد يوم ....قداش ليها مخطوبه توا اتذكرت تفسخ بعد قعد للعرس اسبوع! قولي شن جاك توا؟!
ريهام:قعده تبكي ...منبيش خلاص ارحمني يا مالك مش ناقصني انا بالله عليك معش نبيه!💔
مالك:كنت نقدر نساعدك زمان انك ترفضني لاكن توا لا جدي عزم مشايخ قبائل وجهز كل شي مشكله لبسيطه الي صارت حلوها
ريهام:متتحلش وربي متنحلش صدقني💔
ديما كنت نسكتله ونسمع في كلامه ونلغي في كل شي ع خاطره لاكن توا منقدرش بجد صعب 💔
صفية:الله غالب يابنتي اسمعي كلامه مره هذي بس جدك مش حيرضى عليك وفي نهاية بيدير الي في رأسه رااه ...
ريهام:لاكن مره هذي يبي يخليني بدون اكثر شي نحبه يبي يمنعني اني نكتب متعرفوش قداش كتابة مهمه بنسبة ليا منقدرش نعيش بدونهاا والله💔
مالك:اسمعي كتابة مش كتابة مش موضوعي هذا جدي كلمته وقالها وخلاص ومدخليش بوي في مشاكل مع جدي بسببك ...
ساجدة:خشت للغرفة علاش جدك اهم من مصلحة اختك ناس اهم من انها تفرح رااك سخيف هلبا ومريض وجدك يابس هذا خوود فازلين رطبله رأسه شويه ممكن يفهم ...!!
وبعدين ريهام خليهم يديروا عرس ويجهزوا كل شي البسي بودري ونرقصوا ونهيجوا وبعدهااا وقت يسألك مأذون قوليله لا غصبوني وخلي عاار يركب فصيلتهم لي ولد ولد ولدهم❗
مالك:دف كرسي وقفف وبصووت عالي ... كنت عارف انك انتي سبب رأس شر ...ريهام رد بالك تسمعي كلامهاا وتعصي جدي ردي باالك بديري عاار للعيلة وتفضحينااا!!
ساجدة:وووك شن فرق يعني حتى اني قلتهاا هك بديري عاار وهذا صح ديريه يوم عرس احسن
مالك:امييي طلعي مخلوقهه هذي من وجهي منبيش نبتلى فيهاا ومش وقتهاا رااه 🔥
ساجدة:وااجهني يا مالك مش حني نفس لعيون ...شوف لاا اني نطيقك ولا انت طيقني لاكنن ريهام تهمنا حنا اثنين ولازم نساعدوهاا لازم ...
مالك:لااا والله والي بتساعدها وحدك زيك اني متعلم ومحامي كبير مش حنلقى حل فصعونه زيك طولهاا ميوصلش كتافيي بتلقى حل لي مشكله زي هذي اسمعي مشكلهه عائليه وحني بنحلوهاا اطلعي منهاا...
ساجدة:وحتى اني من عيلة لو كان مش هكي شن خلى عيوناا نفس بعضهم هكي!!
مالك:عيون وعيوون ...بلهي فكيني منك ترااه وبلاا تفاهتك اطلعي منهاا ولو جربتي تدخلي في اختي حتشوفي ياساجدة!!
صفية:خلاص توا نحلوهاا خلينا ياساجدة والله مش ناقصني مشاكل سلم بنتي بالله عليك💔
ساجدة:بي مأنه مشكله فيهاا ريهام حنخش ومش حنخليها سامحيني خالتي ....اي حق اتذكرت وين ماشيه اني وينه هذاا الحاج ولكببر متاع قصر نبي نشوفه
مالك:نحى ايده من وجهه شن تعرفي تتكلمي مع جدي والا ديري اي شي تشوفي ..!!
ساجدة:معناها ديرلها حل ولو مدرتلهاش حل لي ريهام يوم اني حنكلم جدها ونقنعه سلمني اني نعرف نقنع نااس طول💁♀️
مالك:سكر على سنونه بلقوة لاا الا جدي مش ناقصه وحده مش طبيعيه زيك تكلمه توا ندير حل ونتفاهم مع رواد ونحل كل شي
صفية:ايه ياريت وبدون مشاكل ...
مالك:طلع وخبط باب غرفة...
ساجدة:غمزت لي ريهام ...خوك ميمشيش الا بلعين حمراء😅
صفية:يالطيف منك ياساجدة ربي يهديك وخلاص طلعت وصكرت باب...
ريهام:لو مالك ملقاش حل معاه ؟
والا وعده توا وبعد زواج منعني نكتب !! شن ندير
ساجدة :مهم توا يكلمه وبعدها نديروا حل عندي خطط اضافيه في كل محنه!
__________________________________
✨✨ قروب روايات بوجي ✨
✨✨ابتهاج معمر✨✨
أنت تقرأ
ما بين الحرب والحب
Mystery / Thriller#اعلان قصص الي صارت هني كانت اكبر من اي حرب والعن من هك كان حب اكبر صرااع فيها❤ شن قصص الي ربطت قروب مسنجر في قضايا مع الردع ؟! شن قصص لبنات الي دمروا ورآء نصب واحتيال الكتروني ادمان كله كاان مركز عن اولاد لو كانوا لبنات مدمنين ويمكن هماا تجار ! شن...
