سهى...صارلي ٨ اشهر عايشة وياهم اخدم بيه وبامه واخوانه فوك ما خسرت دراستي ومستقبلي تالي صرت خدامة كرهت هذة الي اسمه امير كره النار للماي وكبرت بطني خلص رمضان والعيد عالأبواب جنت اروح وية ماما نسوك ونشتري كلشي هسة هذة الي اسمه زوجي لو يجيبلي الدنيا ما تحلى بعيني لان منه
.
امير....قرب العيد وجنت اتمنى اشتريلها ملابس للعيد لان دوم تلبس دشاديش عريضة ونفس الشيلة حتى ما تباوع بوجهي احبها صرت اتمنى نضرة منهة بس حيل كارهتني وما طايقتني كعدنة الصبح يوم عرفات كتلها خل اجيبلج ملابس للعيد
.
سهى ....اجة وكلي يريد يجيبلي ملابس عيد اني هنا عصبت بس ما بينتله وكتله مشكور ما اريد رجع كلي انتي مرتي ومسؤؤليتي ليش ما تردين كتله ماا اريدددد يعني مااا اريدد طلع من المطبخ وهو معصب
أنت تقرأ
- متى تحبيني؟
General Fictionقصة فتاة طموحة وجميلة مدللة والديها يشاء القدر ان بجمعها مع شخص لم تعتبره زوجها واب طفلها فما الذي سيحدث
