- متى تحبيني؟

بداية حياة امير وسهى

امير : بعد ما اجيت واخذتها بالسيارة مالتي ومشينة هي كعدت ورة باوعت الها بنضرة سريعة من المراية مو بنت ملاك من الجمال بس اني حيل ضايج من السويته بيها بس كلشي صار مو بيدي واريد اكل روحي من الندم
.
.
سهى: خذاني بالسيارة ومشينه طول الدرب ضليت احرك بروحي لان بسببه خسرت دراستي وحياتي وطموحاتي وشرفي ودايرة وجهي عالجامة بعدين وصلنة لبيتهم مبينين ناس عادية وكف السيارة كدام الباب ووكالي تفضلي نزلت والنار برأسي كارهته حييل مشى كدامي فتح الباب وكالي تفضلي طبينة اجتي امه استقبلتني مبينه حبابة طبعا لا عرس ولا حنة مجرد عقد سيد ومحكمة وشترالي ذهب اني كلشي ما رايدة منه اصلا خذتني للغرفة مبين مشتري غرفة مال عرسان مصدك راح اعتبره زوجي ما جنت مشترية ملابس ومكياج لان غصب تزوجته بس اخذت من اهلي ملابسي مال البيت صار الليل اجتي امه جايبة عشا كالتلي تعاي يمه اكلي كتلها ما اريد كالتلي يمة مو زين عليج انتي حامل وكتها دمعت عيني معقولة هذة يصير ابو ابني عصبت وكتلها خالة رحمة لاهلج عوفوني بحالي ما كافي كلشي صار غصب عني ..حسيتها ضاجت واخذت الاكل وراحت
الام: بعد ما طلعت من غرفتها شفت امير كالي خير يمة شنو ما اكلت كتله الي صار حسيته ضاج ونقهر
.
.
امير : بعد ما عرفت ما اكلت حيل انقهرت كلت بلكت بمرور الايام تنسى لان بصراحة دخلت كلبي من اول ما صعدت بالسيارة صار الليل رحتلها للغرفة حسيتها كامت ترجف نزلت دوشك وفرشت بالكاع كتلها اخذي راحتج اني انام هنا .
.
.
سهى: بعد ما نزل دوشك نام بالكاع واني عالجرباية وارجف واتذكر الي سواه بيه خاف يعيده ضليت كاعدة للصبح وما غفيت ثاني يوم الصبح كعدت ما لكيته رحت للمطبخ صبحت عليه امه اني بصراحة كارهته بكد الدنيا بس امه حبابة ومالي علاقة بيهم غسلت وصليت هستوني طلعت من المطبخ اجة هو جايب صمون بيده ضل يباوعلي وصافن 😳 واني انتبهت وعالسريع ركضت للغرفة
امير....طبيت للمطبخ وشفتها صفنت على جمالها وبنفس الوقت ما متعود على شخص جديد بالبيت وراحت بسرعة ضليت الوم بروحي
سهى....كلما اشوفه اكرهة بالزايد واتذكر كلشي عفته بسببه
جنت كاعدة بالغرفة اجتي امه كالت تعاي يمة تريكي كتلها مشكورة خالة ما اريد وكالت يمة انتي حامل مو زين
تذكرت اني حامل وكرهت روحي بالزايد وبجيت امه كالت يمة عليمن تبجيت
كتلهة خالة ولا شي وما اريد طلعت وبعدين...
امير: شفت امي طلعت من الغرفة سالتها كالتلي سهى ما تريد تاكل اني هنا ضجت البارحة ما اكلت والبوم هم رحتلها للغرفة كتلها تعاي تريكي بهدوء دارت وجها وكالت بنتر ما اريد كتلها كومي مو زين عليج هنا كامت على حيلها وكالت وانتة شعليك شلك دخل بيه
امير....نسيتي انتي مرتي وحامل بابني واني مسؤؤل عنج
سهى ....لا ومصدك اني مرتك اسمعني زين لا تكول مرتك مرة ثانية اني صح مرتك شرعا وقانونا بس عمري ما اراح اكون الك لان انجبرت عليك
امير....صفنت بكلامها اني ادري هواي أذيتها بس تبقى ام وليدي وهية مسؤؤليتي المهم كتلها هيج صار الحجي بقهر وحركة كلب وطلعت
سهى...اذا ما احرك كلبك مثل ما حركتني ودمرتني اصبرلي
تمير....طلعت واني ضايج حيل منها بس كلت اصبرلها لان اذيتها ومشت الايام ما تاكل ويانا تاكل وحدها بالمطبخ صح ترتب الغرفة وتغسل ملابسي وبس ارجع تصبلي اكل بس ما تحاجيني ابد وكلما اسالها محتاجة شي اجيبلج شي وياي تكول لا مشكور وهي داير ضهرها اني اعرف الحامل تتوحم واشتهي بس هي ابد ما تطلب مني شي حتى مرة ردت انطيها مصرف تدز على شي كالت ما اريد فلوسك عصرني كلبي تعبتني حيل هالبنية واني ابد ما اتقربلها غير تتخبل هههههه
سهى: مر على هاذ الزواج المهزلة شهرين شوفته الويل بس بنفس الوقت اشتغللهم وانضف ومرة جنت اغسل مواعين اجت يم الباب وكال بصوت مبحوح مو زين عليج الوكفة كلتله لعد منو يغسلهن اذا ضلن عافني وهو مكسور الخاطر دخلنة بالصيف وبدت السنة الاولى للكلية للطلاب اني شبعت قهر وبجي لان فاتتني السنة بسبب هذة الانسان
امير....اجيت من الشغل سمعت بجي من الغرفة طبيت لكيتهة تبجي ....