سهى...بعد ما كال ما اخليج داومين كلية
عفته وطلعت فايرة من العصبية حيل ضجت منه اكرهه لو بيدي احركه وهو عايش مشت الايام دخلت بشهري حيل تاذيت ما احاجي احد بيهم بس اخابر اهلي وامي اكثر شي طالعة روحي من
الدنيا صديقاتي هسة يداومن وعايشات
حياتهن واني مكابله هذة واخدمه اني
مو تكبرآ لان اهلي اغنياء لا بس هذة الانسان شايله حقد الدنيا كلها بيه اخبز واطبخ وانضف لان امه جبيرة وهو واخوانه فمنو اليشتغل اني طبعا مشت
الايام وجنت امسح البيت فجاة نزل ماي مني كمت ارجف صحت على امه خالة خالة ...اجتني تركض واني وكعت بالكاع اتصلت بامير ١٠ دقايق واجة اخذنة بالسيارة خالة لبساني عباتي وحجابي بسرعة رجنة للمستشفى وشفت الموت بعيني يله جبت الطفل طبعا اني احب اسم غزوان لذلك جنت اتمنى اسمي اول ولد غزوان كعدت من البنج تعبانة ودايخة اجتي السستر عدلت المغذي
كنلها شلونه الطفل كالت الحمد زين ابوه برة يريد يشوفج اني ما عجبني😤 وكتلها هسة تعبانة ما اكدر
.
امير....بعد ما سهى جابت حيل فرحت وجنت قلقان بنفس الوقت عليها لان
حيل احبها اعشقها حتى اغار من النفس
الي تاخذه بس اتمنى يجي يوم وتحبني
بس ادري هذة الشي مو ممكن لان كارهتني لابعد الحدود بعد ما جابت الطفل حيل فرحت هذة اول طفل الي
ومن البنت الي اتمنى رضاها بقيت انتضر
طلعت الممرضة كتلها شلونها زوجتي كالت الحمد لله كتلها اريد افوت اشوفها كالت بعدها مصاحية
.
سهى....يريد يشوفني عالاساس كلش ميتة على شوفته كتلها للممرضة تعبانة حتى ما اشوفه ورة اربع ساعات اجتي كالت يريد يفوت يشوفج كتلها ما اريد اشوفه كالت ليش كتلها مشاكل عائلية
كالت لا ميصير هيج عاد لخاطر الطفل كتلها يا ريت تسدين الموضوع كالت لو صدك عدكم مشاكل عائلية ما جان صارله ٤ ساعات منتضرج برة فرد كعدة
هنا تفاجأت😳 معقولة صارله اربع ساعات منتضرني
.
امير...ضليت اربع ساعات انتضرهة بس اريد اشوفهة عبالك صار دهر ما شايفهة
اجت الممرضة كالت تكدر تدخل طرت من الفرح دخلت جان اشوفها كاعدة باوعت عليه ورجعت دارت وجهها طبعا ملابسة حجاب لان مو زين عليها تقربت عليها وكتلها الحمد لله عالسلامة جرت حسرة وكالت الله يسلمك كتلها اجيبلج شي معلاك جبدة اي شي
سهى...لا مشكور
امير....براحتج بقهر رجعنه للبيت هي والطفل كاعدة ورة واني جريت المراية عليها تعبانة مبينه والوجه ذبلان بس بعدها كملاك رباني شلعت كلبي شلع
حرت شاسوي حنى اراضيها بس ماكو فايدة رجعنة للبيت ذبيتهة ورجعت اريد اشتري للطفل ملابس اشتريتله كومة من فرحتي احس الكاع ما سايعتني بس لو ام راس اليابس تبطل عناد جان فرحتي
كملت رجعت شايل علاليك اشو هاي عدها كومة ملابس للطفل حطيت العلاليك بالكاع وسالتها منين هذني
سهى..من اهلي
امير...هدايا
سهى ....هدايا ووصيت همين
امير.... جبت للطفل ملابس شوفيهن
سهى....ومنو كلك تجيب
امير...شنو منو كالي غير اابني
سهى....ما نريد شي منك لا اني و لا ابني
امير....سهى لا تطلعيني عن طوري
.
تفاعلو بليييييز
أنت تقرأ
- متى تحبيني؟
General Fictionقصة فتاة طموحة وجميلة مدللة والديها يشاء القدر ان بجمعها مع شخص لم تعتبره زوجها واب طفلها فما الذي سيحدث
