#رباط_الروح
🌹بقلم هاجر الريحاني🌹
بارت (20)والاخيييير
زمن...خيه من الاخر وبلا ما نحجي هواي مروان رايدج على سنة الله ورسولة
صفنت عليهم شبيهم هذول صدك يحجون حتى تراب امهم بعده ما ناشف شلون يفكرون يخطبون
در...خيه انه اقدر جيتكم على عيني وراسي بس انه بعد المرحوم مستحيل اتزوج لو اقبل بأي رجال
رائد...مروان مو غريب عم جهالج يعني عينه عليهم ويحن عليهم اكثر من الغريب وهوة شاريج ورايدج بالحلال
در...خوية كل هذا الحجي على راسي ومروان رجال والنعم منه بس انه محرمة علي اي رجال بعد عمار الله يرحمه
وكف مروان وعيونه كلهه شرار
مروان...هذا اخر حجي عندج
در...اي
رائد...اكعد مروان لا تتسودن
مروان...ما تشوفهه شلون شايفة نفسهه لكول مدري ياهي مو زين جاي اخذج واستر عليج لو ابالج واحد ثاني وما تردين
رائد...عيب مروان شنو هذا الحجي
سمعته حجيه ما حسيت الة نار اشتعلت براسي وكلبي واريد اكل مروان بسنوني
كمت ووكفت كبالة ورفعت صبعي وانه ارجف من العصبيه
در...اسمع انه محترمتك لانك ابيتي رغم انته مو محترم وامك بعده ترابهه ما ناشف وجاي تخطب وفوك كل هذا تتهمني بشرفي كلشي اتحملت منكم ظلمكم واذيتكم الي بس مال تحجي على شرفي لا مستحيل اسكت انه اشرف من الشرف ما فد يوم سويت شي حرام واخاف الله بكلشي اسوي وانته لو عندك ذرة نخوة وضمير جا ما باوعت على مرة اخوك واجيت خطبتهه وما اتشرف بوجودك ابيتي يلله اطلع برة وما اريد اشوفك هنا بعد
ضلو كلهم صافنين اول مرة احجي واصيح بعصبيه عليهم
شال ايدة راد يطكني راجدي وكظة رائد
رائد...لا لهنا حدك امشي كدامي ودفعة
مروان ...اطرديني ولج انه اعلمج مو مروان الينطرد ام البيوت
وطلع يدردم طلعو رائد ومروان وبقت زمن
زمن...ولله ما ادري شكلج بس هوة ما يعرف يحجي وجابنة كوة لهنا
در...شجبركم ما تكليلي
زمن ...ما تدرين شسوة بينه ويغلط ويسب وخفنه عليج وجبنا كال رائد خلي نسايرة لا يسويلج شي
در...ليش شيريد مني
زمن... كعدي وانه اسولفلج هاج شربي ماي جاي ترجفين لا تطيحين علينه
در....شيريد مني ما تكليلة لاحكني لهنا ما كافي السوا بيه
زمن...هاي سوالف ماهر
