Yumao siyang hindi nasilayan
Ang anak na bunga ng nakaraan
Tanging hangad niya'y makasama
Kahit panandalian lamang
"Anak napakasakit
Simpleng pangarap hindi nakamit
Iyon ay ang mayakap ka ng mahigpit
Tadhana ay sadyang napakalupit"
Inamin niyang siya'y nagkamali
Ng ika'y kanyang hindi binawi
Iniluhod sa Diyos
Lahat ng kanyang dalamhati
Natakot sya noon
Pinagsisihan ang desisyon
Walang araw na nawaglit sa isipan
Ang anak nyang naiwan
Panahon man ay lumipas
Ala-ala mo'y hindi kumupas
Nanatili ka paring hiyas
Hangad ang kaligtasan oras-oras
Walang mapaglagyan
Ang kanyang kaligayahan
Noong una niyang nasilayan
Ang iyong magandang larawan
Ngunit para kang isang alitaptap
Na hindi nya mahagilap
Masdan mo ang mga ulap
Ang ina'y doon na lamang nakasulyap
BINABASA MO ANG
Anak
PoetryInaalay ko ang tulang ito sa mga inang pinagsisihan ang ginawang pagiwan sa kanilang sanggol. Hangad ko na mapatawad ninyo ang inyong mga sarili at magkaroon kayo ng pagkakataon na makilala ang inyong anak bago pa man mahuli ang lahat.
