#كمين_الضراير
الحلقه :التانيه
بقلم :فاطمه سالم الورفلي
............................................
....
عند فيروز :
..... خشت للحوش غيرت حوايجها وخشت لسريرها
امها تغربل في الدقيق شبحتلها :مش طلعتي بتاخدي منه فلوس باش تكملي حاجات العرس
فيروز : مانبي شيء بس كنت نبي نشحطه ونقلقه بالك يطفش وهو جي بكل سعادة ، ويشوفلي في نظرة مقززه 💔
امها : ارضي بنصيبك يابنتي الله غالب
فيروز ..... سكتت وامها طلعت
وهي وقفت فتحت شنطتها طلعت دبلته القديمة البسيطة..شافت للاسم يلي فيها "حسين "..باستها بحب ولبستها وهي تذكر في اخر لقاء ليهم مع بعض..
#فلاش_باك🌸
حسين وقف وهو يمسح على شعره بتوتر : كيف يعنى! ..مافهمتش
فيروز صوتها يرجف : يلي سمعته ياحسين انى نبي نفسخ
حسين ابتسم :فيروز البصارة ومقالب الفيس هذه نكره امهن لهذا معادش تحرقي دمي اكثر من هكي
فيروز تنهد وفي بالها 💔ياريت يكون بصارة تنفست بعمق وقالت بحزم :خلاص ماتصعبهاش اكثر عليا
حسين :شن تقول انتى حبيبتى من ثلاثه سنين وخطيبتى من سنه ، تجي في يوم وليلة وتقولي بنسيب وماتسألش .. مش من حقك ولا بجوك
فيروز : كلامك مش ح يغير شيء ، انى فيه واحد ثاني تقدملي وهو مدير بابا وضعه المادي كويس وانى وافقت عليه
حسين :شد يدها بعصبيه كيف يعنى ؟ 😤 ..وانتِ خطيبتى ودبلتي في يدك شفتي واحد ثاني وخطبك و وافقتي
فيروز : هيي يدي
حسين يشوف لعيونها : وحده خاينه حقيرة كل شيء توقعته منك الا هذه ، وين البنت يلي نعرفها من سنين ،، بعدين شن مدير بوك واحد اكبر من بوك فيروز امتى وليتي هكي امتى
فيروز فكت يدها ودموعها نزلو:خلاص انساني
حسين :اخر كلام؟
فيروز :اخر كلام..
-انتهى الفلاش باك 🌸
🍃🍃
فاقت من سرحانها تنهدت وخدت تلفونها حطت على رقمه وبعدها تفكرت انها هي لي نهت كل شي..اكتفت تشوف لي صورته لين رقدت
........................................
....
عند شاهين :
ركب لجناح سندس لانه اليوم دورها
شاهين :السلام عليكم
-سندس شبحتله وكشرت وجهها
شاهين قعمز جنبها: خيرك ؟ مش راده حتى السلام !
-سندس تبعدت عنه وهي ساكته
شاهين زاد قرب منها وقعمز ورها وباس على يدها :سوسو ، عارف انك زعلانه لكن انتِ اكثر وحده عارفه انى نحبك انتِ بس سندس حبيبة قلبي
