#كمين_الضراير
بقلم :فاطمه سالم الورفلي
الحلقه :الاولى
..............................................................
.....
-في بيت من بيوت.. يحمل اسرار ازليه.. ..
شاهين :شاف لعيلته كلهم مقعمزين ، تكلم بثقة نبي نقوللكم حاجه مهمة
-الكل ... ركزو بتوتر وخوف وربكه..
شاهين ببرود :بنتزوج والشهر الجاي العرس
-الكل شهقو من الصدمه..
مهند .....( ولد شاهين الكبير ) وقف : تي شن تقول انت 😤 ماتشبعش .. شن المراهقة المتأخره هادي!
شاهين عقد حواجبه :عبير خودي
ولدك قليل الربايه فوق احسن من نوريه
عبير ناضت والعبره خانقتها :مهند ، منى..تعالوا معاي .."وركبت هي وياهم بهدوء "
اما سندس ( الزوجة الثانية ) خدت صغارها وركبت وهي تبكي
ووردة ( الزوجة الثالثة ) خدت بناتها وركبت وهي في رأسها الف فكره وفكره وتخمم.. عقلها ياخد ويجيب
___________________________________________
عند عبير :
عبير رافعه ايدها تتحلف :عيب يامهند لي درته عيب هدا بوك تحشم
مهند تنهد :تي شن تقولي يام ..العيب فيه هو مش اني..تي مفروض يفكر يزوجني انى وبنته هذه يلي خشت الثانويه ، مش قاعد يجري وراء البنوت كل عام بمراة
منى تهز في رجلها :صح ياماما 😥..والله متحشمة حتى قدام صاحباتي شن بنقول !
مهند يدخن :تي الزفت مراهق اكثر منى
عبير :😤 عيب خلاص هذا بوكم وهذا شرع ربي من حقه لاعيب ولا حرام ....."تتكلم وهي قلبها نار وكاتمه غيضها "
مهند برفعه حاجب :تعرفي يام كلامك هذا مايهديش فينا بالعكس يعصب فينا اكثر 😒
منى :صح بجد نحسوا فيك شخصيتك ضعيفه معادش تدافعي عليه قدامنا كبرنا ..وبدينا نعرفوا الصح والغلط كويس
"وتوجه كل واحد منهم لداره ونار شاعله فيه "
-اما عبير قعمزت على الكرسي....و كان كل يلي في بالها توا انه الحق ليها ولي صغارها في كل شيء من الميراث..وبعد يلي تحملته كل هالسنين مش ح تفرط في حقهم
_____________________________________________
- اما عند باقي الضراير...
سندس ...... ركبت دخلت ولدها وبناتها الزوز للدار وخشت دارها....وصغارها كلهم في الابتدائي مش فاهمين الوضع كويس قعمزت تبكي 💔😭 ..اكثر وحده حبت شاهين وسعت سنوات باش تلفت انتباهه وتتزوجة كانت الغيرة واكله قلبها زي ماخدي عليها ورده ولليوم قاعده مش متقبلتها رغم السنوات الطويله يلي هم مع بعض تحت نفس السقف
_______________________________________________
-اما عند اخر ضرة لي ح تجي عليها ضرة..
وردة ...... كان همها مختلف تماما ، كل يلي تفكرر فيه انها تضمن مكانها بينهم.. لانه عندها ثلاثه بنات بس 💔 لو طلقها ح تنقطع علاقتها بيه وحقها في الفلوس والرزق بسيط..وكان شاهين مش هامها ابدا ..كل همها انها لازم تحمل في اقرب وقت وتجيب الولد يلي يثبتها عند شاهين..
.........
...................
-اما عند شاهين :
