#كمين_الضراير
الحلقه :التالته والرابعة
بقلم :فاطمه سالم الورفلي
........................................
....
عند ورده :
وهوب تليفونه رن.. خداته طول ولقت رساله من فيروز كاتبه فيها "ها شني كملت الدار؟ ره قريب العرس "
-ورده ولعت فيها النار وكتبت "لا عرس لا سو معاش تلزميني ".. ودارت ارسال.. وهي هك بعتت طول شدتها في جرتها فيروز اتصالات.. تفلوشت ودارت تليفون صامت فيسع وحطاته تحت المخده.. على عيطه بنتها " سرور ".. وانتم عارفين الباقي صات طحنه 😂
🌸•🌸•🌸•🌸
عند شاهين:
رجع تاني خدي المفتاح من المكتبه ومشي فتح الباب لقي ورده متشوشطه ومسنده على الحيط هي وبنتها يرعف خشمها دم
شاهين نصدم:شن صااير خيركم و وين كنتي؟
ورده ناضت بالحيل :حول من قداامي انت التاني
شاهين :انتي لي وين كنتي تنسرفي هاا!
ورده :بنجيب دحي وحاجات ناقصه للحوش باش تسمسم ابصر من صكر الباب الله يصكر عليه قبر
شاهين عقد حواجبه وجت بين عيونه سندس لانها هي لي كدبت عليه.. وشبح لي ورده :قصدك ما مشيتيش لي هلك
ورده :وشن بندير بيهم هلي
شاهين :غر خشي خشي
-بينما هم حايسين في بعضهم تعالو نشوفو سندس شن ادير
🌸•🌸•🌸•🌸
عند سندس :
خلت شاهين يادوب يتبعد شوي ونطت طول فتحت التاكو
منى :حييي عليك شن درتي؟
سندس :اسكتتيي تعرفي تخبري نفضح بيك انك تهربي من الحصص
منى :خلاص به حاضر مش ح نقول تربحي بس ما تخبريش
سندس ابتسمت: همم تلعبي بنار تنحرقي اهفتي خيرلك
-على خشة شاهين
شاهين :سندسسس
سندس :نعم حبيبي
شاهين لوح عليها طبق الدحي وجي كله على راسها :انني تكدبي عليا تحسابيني نمص في صبعي هاا
-سندس تحول في الدحي لي على راسها وجت عينها في عين ورده لي متشمته
ورده تقدمت خطوتين :خلاص حبيبي خلاص تعال نركبو فوق نرتاحي
شاهين :ديري الفطور وارفعيه لينا فوق يا سندس
-وبالفعل ركبو ورده وشاهين فوق.. بينما سندس والعه فيها النار
منى بهزوه: عادي عادي بروتين لشعرك يا مرت بوي 😂
سندس :تعالي معاي للكوجينه خير ما نخلي بوك يعجنك توا نووضي
منى ناضت :اووف ياريتني ما حليت فمي حتى اني
-خشن سندس ومنى للكوجينه
